ສະມາຊິກສະພາແຫ່ງຊາດລາວລະບຸວ່າ ການລັກລອບນຳເຂົ້າສານເຄມີຜິດກົດໝາຍຍັງຄົງເກີດຂຶ້ນຢ່າງກວ້າງຂວາງ ໂດຍສະເພາະແມ່ນສານເຄມີໃນການຜະລິດສິນຄ້າກະສິກຳ ແລະອຸດສາຫະກຳປຸງແຕ່ງ
ທາງດ້ານກຸ່ມແລກປ່ຽນຂໍ້ມູນດ້ານທີ່ດິນ (Land Information Working Group) ອົງການທີ່ບໍ່ຂຶ້ນກັບລັດຖະບານໃນລາວລາຍງານວ່າ ການຜະລິດສິນຄ້າກະສິກຳ ທີ່ສົ່ງຜົນກະທົບຕໍ່ສິ່ງແວດລ້ອມສັງຄົມ ແລະທຳມະຊາດໃນລາວ ຢ່າງກວ້າງຂວາງທີ່ສຸດ ຄືພື້ນທີ່
ສໍາປະທານການປູກກ້ວຍຫອມຂອງບັນດານັກທຸລະກິດຈີນ ໂດຍສະເພາະແມ່ນພື້ນທີ່ໃນເຂດແຂວງບໍ່ແກ້ວ ອຸດົມໄຊ ແລະຫຼວງນໍ້າທານັ້ນ ຖືເປັນພື້ນທີ່ໆໄດ້ຮັບຜົນກະທົບຢ່າງໜັກໜ່ວງທີ່ສຸດ ເພາະວ່າບັນດານັກທຸລະກິດຈີນໄດ້ພາກັນລັກລອບນໍາເຂົ້າ ແລະນໍາໃຊ້ສານເຄມີປ້ອງກັນໂຣກພືດເຖິງ 28 ຊະນິດ ກັບຢາປາບສັດຕູພືດອີກ 19 ຊະນິດ ທັງຍັງນໍາໃຊ້ສານເຄມີເພື່ອເລັ່ງຜົນຜະລິດດ້ວຍນັ້ນກໍໄດ້ຄຸກຄາມຕໍ່ສຸຂະພາບອະນາໄມຂອງປະຊາຊົນລາວ ແລະກະທົບຕໍ່ແຫຼ່ງນໍ້າທຳມະຊາດ ສັດນໍ້າ ສັດລ້ຽງ ທີ່ນາ ແລະພືດຜົນຕ່າງໆ ຂອງປະຊາຊົນລາວຢ່າງໜັກໜ່ວງອີກດ້ວຍ.
Cr.https://lao.voanews.com/a/lao-today/4499113.html
Hits: 12
