Friday, July 11, 2025
Kbank Laos โอน รับ จ่าย

ຮອງປະທານປະເທດ ລົງຢ້ຽມຢາມສູນຜູ້ປະສົບໄພ ຢູ່ເມືອງ ສະໜາມໄຊ

ໃນວັນທີ 5 ກັນຍາ 2018,  ທ່ານ ພັນຄໍາ ວິພາວັນ ຮອງປະທານປະເທດ ພ້ອມດ້ວຍຄະນະ  ໄດ້ລົງໄປຢ້ຽມຢາມສູນຜູ້ປະສົບໄພນໍ້າຖ້ວມຢູ່ ເມືອງສະໜາມໄຊ ແຂວງອັດຕະປື,  ໂດຍໄດ້ຮັບການ ຕ້ອນຮັບຈາກ ອໍານາດການປົກຄອງແຂວງ, ເມືອງ,  ພ້ອມຄະນະກໍາມະການຟື້ນຟູແກ້ໄຂ ຜົນກະທົບຈາກໄພພິບັດນໍ້າຖ້ວມ.

ໃນໂອກາດນີ້, ທ່ານຮອງປະທານປະເທດ ກໍໄດ້ກ່າວສະແດງຄວາມຍ້ອງຍໍຊົມເຊີຍ  ຕໍ່ອໍານາດການປົກຄອງ ທີ່ໄດ້ຈັດສັນພື້ນທີ່ ໃຫ້ຜູ້ປະສົບໄພສໍາເລັດຈໍານວນໜຶ່ງ  ແລະ ໄດ້ຍົກຍ້າຍປະຊາ ຊົນຈາກ ສູນພັກຊົ່ວຄາວ  ໄປຢູ່ອີກສູນພັກຊົ່ວຄາວເຄິ່ງຖາວອນໄດ້ຈໍານວນໜຶ່ງ. ທ່ານຮອງປະທານປະເທດກໍຍັງໄດ້ເນັ້ນ ໃຫ້ຄະນະຮັບຜິດ ຊອບ ກໍຄື ອໍານາດການປົກຄອງແຂວງ  ໃຫ້ຮີບຮ້ອນສືບຕໍ່ຈັດສັນບ່ອນ ຢູ່ທີ່ພັກ ອາໃສໃຫ້ປະຊາຊົນທີ່ໄດ້ຮັບຜົນກະທົບ ໃຫ້ສໍາເລັດໂດຍໄວ ແລະ ໃຫ້ຊ່ວຍເຫລືອທີ່ພັກປະຊາຊົນໃຫ້ທົ່ວເຖິງ ເປັນຕົ້ນ  ການສ້າງທີ່ພັກອາໃສຊົ່ວຄາວ ໃຫ້ສໍາເລັດໄວເທົ່າທີ່ຈະໄວໄດ້.  ພ້ອມນັ້ນ, ທ່ານຍັງໄດ້ຊີ້ນໍາ  ຖ້າ ເປັນໄປໄດ້ຄວນໃຫ້ຜູ້ປະສົບໄພ ໄດ້ມີສ່ວນຮ່ວມ ໃນການຈັດສັນພື້ນທີ່ພັກອາໃສ ໃຫ້ມີຄວາມພໍອົກພໍໃຈ ແລະ ເໝາະສົມ.  ໃນການຈັດສັນ ກໍໃຫ້ມີການກໍານົດ,  ແຜນຜັງໃຫ້ລະອຽດແຕ່ຕົ້ນໄປເລີຍເຊັ່ນ:  ກໍາ ນົດເຂດສາທາລະນະ, ຫົນທາງ, ຕະຫລາດ,  ສູກສາລາ, ຫ້ອງການບ້ານ,  ປ່າຊ້າ ແລະ ອື່ນໆ. ພ້ອມນັ້ນ  ກໍໃຫ້ມີການປັບປຸງລະບົບການຈັດຕັ້ງຂອງບ້ານ  ໂດຍໃຫ້ຈັດສັນພະນັກງານເຂົ້າໄປລົງຊີ້ນໍາ-ນໍາພາ  ໃນ ການຈັດຕັ້ງປະຕິບັດວຽກງານໂດຍໄວ.

ຈາກນັ້ນ, ທ່ານຮອງປະທານປະເທດ ພ້ອມດ້ວຍຄະນະ  ກໍໄດ້ໄປຢ້ຽມຢາມສູນພັກຂອງຜູ້ປະສົບໄພຢູ່ບ້ານຫາດຍາວ  ທີ່ຫາກໍຍົກຍ້າຍປະຊາຊົນເຂົ້າມາຢູ່ໃໝ່,  ໄປຢ້ຽມຢາມສູນກອງບັນຊາການກອບ ກູ້ໄພ ພິບັດ ຂອງກອງທັບປະຊາຊົນລາວ ແລະ ສູນພັກຜູ້ປະສົບໄພດົງບາກ,  ຊຶ່ງໄດ້ມີການບຸກເບີກ ແລະ ລົງມືກໍ່ສ້າງ ສໍາເລັດໄປແລ້ວ 20% ໂດຍມີເນື້ອທີ່ 4,8  ເຮັກຕາ ປະກອບມີເກືອບ 50 ຫລັງ  ແລະ 300 ກວ່າຫ້ອງ. ພ້ອມນີ້,  ຍັງໄດ້ສືບຕໍ່ໄປຢ້ຽມຢາມ ສູນຜູ້ປະສົບໄພແຫ່ງອື່ນໆ  ຕື່ມອີກ.

ທີ່ມາ: ຂປລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.