Wednesday, July 17, 2024
Lenovo

ການຄຸ້ມຄອງກິດຈະການ ແລະ ທຸລະກິດແນວພັນພືດ ພົບຂໍ້ຫຍຸ້ງຍາກຫລາຍບັນຫາ

ການ​ຄຸ້ມ​ຄອງ​ການ​ນຳ​ໃຊ້​ແນວ​ພັນ ​ແລະ ​ເມັດ​ພັນ​ພືດ ສຳລັບ​ການ​ປູກຝັງ ​ໃນ ສປປ ລາວ ​ໃນ​ໄລຍະ​ຜ່ານ​ມາ ​ແມ່ນ​ຍັງ​ມີ​ຂໍ້​ຫຍຸ້ງຍາກ​ ​ແລະ ບັນຫາ​ຕ່າງໆ ຫລາຍພໍ​ສົມຄວນ ​ເປັນ​ຕົ້ນ ການ​ຜະລິດ ​ແລະ ການ​ກວດກາ​ຢັ້ງຢືນ​ຄຸນ​ນະພາ​ບ​ເມັດ​ພັນ​ ຍັງ​ບໍ່​ທັນ​ເປັນ​ລະບົບ, ການ​ນຳ​ເຂົ້າ, ການຈຳໜ່າຍ, ການ​ປົກ​ປັກ​ຮັກສາ, ການ​ອະນຸ​ລັກ ​ແລະ ການ​ນຳ​ໃຊ້​ເຊື້ອ​ພັນ​ພືດ ຍັງ​ບໍ່​ທັນ​ໄດ້​ດີ, ການ​ຄົ້ນຄວ້າ ​ແລະ ການ​ພັດທະນາ​ແນວ​ພັນ​ພືດ​ໃໝ່ ຍັງ​ບໍ່​ທັນ​ພຽງພໍ, ການ​ລົງທຶນ​ໃສ່​ທຸລະ​ກິດ ​ເຕັກ​ໂນ​ໂລ​ຊີ​ ເມັດ​ພັນ​ພືດ, ຜູ້​ຜະລິດ ​ແລະ ຜູ້​ປະກອບ​ການ ຍັງ​ບໍ່​ທັນ​ເຂົ້າ​ໃຈ ​ໃນ​ການຈັດ​ຕັ້ງ​ປະຕິບັດລະບຽບ​ການ ​ແລະ ການ​ພັດທະນາ​ບຸກຄະລາ​ກອນ ຍັງ​ຈຳກັດທາງດ້ານ​ປະ​ລິ​ມານ ​ແລະ ຄຸນ​ນະພາ​ບ.

ທ່ານ ​ບຸນຂວາງ ຄຳບຸນເຮືອງ ກ່າວ​ວ່າ: ໃນ​ການຈັດ​ຕັ້ງ​ປະຕິບັດນິຕິ​ກຳ ​ເຫັນ​ວ່າ​ ບັນຫາ​ຕ່າງໆ ​ ເກີດ​ຂຶ້ນ​ຍັງແມ່ນຍ້ອນຂັ້ນ​ຕອນ ຂອງ​ນິຕິ​ກຳ ​ ທີ່​ນຳ​ໃຊ້ຍັງ​ມີ​ຂອບ​ເຂດ, ອຳນາດ​ໃນ​ການ​ບັງຄັບ​ໃຊ້ຍັງ​ຈຳກັດ, ​ໂດຍ​ສະ​ເພາະ ການ​ກວດກາ, ການ​ສະກັດ​ກັ້ນ ​ແລະ ການ​ນຳ​ໃຊ້​ມາດ​ຕະການ​ຕໍ່​ຜູ້​ກະທຳ​ຜິດ ຍັງ​ບໍ່​ທັນ​ເປັນ​ລະບົບ​ຄົບ​ຊຸດ; ​ເນື້ອ​ໃນ​ຂໍ້​ບັງຄັບ​ບໍ່​ທັນ​ຄົບ​ຖ້ວນ ​ແລະ ສອດຄ່ອງ​ກັບ​ພາກ​ພື້ນ ​ແລະ ສາກົນ ​ທີ່ ສປປ ລາວ ​ເປັນ​ພາຄີ; ຂໍ້​ກຳ​ນົດກ່ຽວ​ກັບການ​ຄຸ້ມ​ຄອງ​ແນວ​ພັນ​ພືດ ​ແລະ ​ເມັດ​ພືດ ​ໃນ​ແຫ​ລ່ງຜະລິດ, ການ​ນຳ​ເຂົ້າ, ການສົ່ງ​ອອກ, ສົ່ງ​ຜ່ານ, ສົ່ງ​ອອກ​ຕໍ່​ຜ່ານ​ດ່ານ​ ຍັງ​ບໍ່​ທັນ​ທົ່ວ​ເຖິງ; ​ໃນ​ພາກ​ປະຕິບັດ​ຕົວ​ຈິງ. ການ​ມີ​ສ່ວນ​ຮ່ວມ​ຂອງ​ຂະ​ແໜງ​ການ​ກ່ຽວຂ້ອງ ​ໃນ​ການ​ອະນຸລັກ​ເຊື້ອ​ພັນ​ພືດ, ພັດທະນາ​ການ​ຄຸ້ມ​ຄອງ​ແນວ​ພັນ​ພືດ ຍັງ​ພົບ​ບັນຫາ ​ແລະ ມີ​ຂອດ​ຈຳກັດ.

ພ້ອມ​ດຽວ​ກັນ​ນີ້, ຍັງ​ຂາດ​ການ​ແບ່ງ​ຂັ້ນ​ຄຸ້ມ​ຄອງ ​ໃນ​ການ​ຕິດຕາມ​ກວດກາ​ແນວ​ພັນ​ພືດ ພາຍ​ໃນ​ຂະ​ແໜງ​ການ​ກະສິກຳ ແມ່ນຍັງ​ບໍ່​ທັນ​ລະອຽດເທົ່າທີ່ຄວນ.

Cr.KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.