ພິທີປະກາດ ຜະລິດຕະພັນແຜ່ນແພ ຂອງສະຫະພັນແມ່ຍິງ ເທສະບານ ເມືອງຕະໂອ້ຍແຂວງສາລະວັນ ເປັນສິນຄ້າ ໜຶ່ງເມືອງ ໜຶ່ງຜະລິດຕະພັນແຫ່ງຊາດ ມີ ທ່ານ ບຸນໂຮມ ໂກມສຸນີ ເຈົ້າເມືອງໆຕະໂອ້ຍພ້ອມດ້ວຍພາກສ່ວນທີ່ກ່ຽວຂ້ອງແລະປະຊາຊົນເຂົ້າຮ່ວມ.ໃນນັ້ນແຜ່ນແພມີ 5 ຊະນິດຄື: ສິ້ນລາຍແຊກການໂດ, ແພປູໂຕະລາຍແຊກການໂດ, ແພເຊັດມືລາຍແຊກການໂດ, ເສື້ອແຈະ ລາຍແຊກການໂດ ແລະ ຜ້າແພບຽງ ລາຍແຊກການໂດ.
ເມືອງຕະໂອ້ຍ ເປັນເມືອງພູດອຍກວມ 80% ແລະ ພູພຽງກວມ 20% ປະຊາຊົນແມ່ນມີສີມືດ້ານການຕໍ່າຫູກທໍໄໝ ສືບທອດມາໄດ້ຫລາຍເຊັ່ນ ຄົນ, ການຕຳແຜ່ນແພລາຍແຊກການໂດ ເປັນສິນຄ້າແມ່ນໄດ້ເລີ່ມ ມາແຕ່ປີ 2008 ລວມມີກຸ່ມການຜະລິດ 20 ຄົນ, ໄດ້ຕໍ່າຂາຍເປັນສິນຄ້າໃນແຕ່ລະວັນ ໂດຍໄດ້ຮັບການຊຸກຍູ້ສົ່ງເສີມ ຈາກສະຫະພັນແມ່ເມືອງ ແລະ ແມ່ຍິງແຂວງ, ສູນກາງ ແລະ ທຶນ ສະໜັບສະໜູນ ຈາກໂຄງການພັດທະນາຊຸມຊົນການມີສ່ວນຮ່ວມ ແລະ ຍືນຍົງ( ISNC projec) ຫລື UNDP ອົງການສະຫະປະຊາຊາດ ເພື່ອການພັດທະນາ.
Cr.KPL