ຫ້ອງການຖະແຫຼ່ງຂ່າວ ວັດທະນະທຳ ແລະ ທ່ອງທ່ຽວ ເມືອງສີສັດຕະນາກ ນະຄອນຫຼວງວຽງຈັນ ກຽມຈັດການແຂ່ງຂັນຊ່ວງເຮືອ 12 ສີພາຍ ຫຼື ກີລາຊ່ວງເຮືອປະຈຳປີ 2018 ຂຶ້ນຢູ່ບ້ານຈອມແຈ້ງ ວັນທີ 14 ຕຸລາ 2018 ເຊິ່ງຄາດວ່າປີນີ້ ຈະມີເຮືອຊ່ວງອ້ອມຂ້າງນະຄອນຫຼວງວຽງຈັນ ເຂົ້າຮ່ວມ 20 ກວ່າລຳ.
ເພື່ອເປັນການຮັກສາຮີດຄອງປະເພນີອັນດີງາມຂອງຊາດ ທີ່ມາແຕ່ດົນນານໃຫ້ຄຽງຄູ່ກັບປະຊາຊົນລາວບັນດາເຜົ່າຕະຫຼອດໄປ ການຈັດງານແຂ່ງຂັນຊ່ວງເຮືອຄັ້ງນີ້ ຈະມີການຄົບງັນຕາມປະເພນີ ພ້ອມທັງຂາຍສິນຄ້າ ຜະລິດຕະພັນຕ່າງໆຢ່າງຫຼວງຫຼາຍ ສຳລັບໄລຍະການແຂ່ງຂັນຈະປ່ອຍເຮືອແຕ່ບ້ານວັດສົບ-ບ້ານຈອມແຈ້ງ ຍາວ 800 ແມັດ
ລາງວັນຊະນະເລີດ ຈະໄດ້ຮັບຂັນ 1 ໜ່ວຍ ແລະ ເງິນລາງວັນ 4 ລ້ານກີບ
ຮອງຊະນະເລີດ ໄດ້ຮັບຂັນ 1 ໜ່ວຍ ເງິນລາງວັນ 2 ລ້ານກີບ
ທີ 3 ໄດ້ຮັບຂັນ 1 ໜ່ວຍ ແລະ ເງິນລາງວັນ 1,5 ລ້ານກີບ
ນອກນີ້ຍັງມີລາງວັນອື່ນໆອີກ ໂດຍພາກສ່ວນໃດມີຄວາມສົນໃຈຢາກເຂົ້າຮ່ວມ ສາມາດສະໝັກໄດ້ບໍ່ໃຫ້ກາຍວັນທີ 11 ຕຸລາ 2018 ເວລາ 9:00 ໂມງ ຢູ່ວັດຈອມແຈ້ງ ຄ່າສະໝັກ 100.000 ກີບຕໍ່ລຳ.
Cr.KPL
ພາບປະກອບ: i.ytimg.com/
