ທ່ານ ພູວົງ ບຸນຊູ ຫົວໜ້າພະແນກກະສິກໍາ ແລະປ່າໄມ້ ແຂວງວຽງຈັນ
ຈາກໄພພິບັດທາງທໍາມະຊາດຢ່າງຮ້າຍແຮງ ທີ່ເກີດຂຶ້ນ ໃນລະຫວ່າງເດືອນ ສິງຫາ ຊຶ່ງມີຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ເຂື່ອນນໍ້າງື່ມ 1 ນໍ້າລີກ ຕ້ອງປ່ອຍນໍ້າອອກຈາກເຂື່ອນ ແລະສົ່ງຜົນກະທົບໂດຍກົງຕໍ່ປະຊາຊົນຊາວແຂວງວຽງຈັນ ໃນເຂດລຸ່ມເຂື່ອນ ຕ້ອງຮັບມືໜັກກັບສະພາບນໍ້າຖ້ວມຂັງ ແລະດິນຊຸເຈື່ອນ ຊຶ່ງມີທັງໝົດ 6 ເມືອງ 43 ບ້ານ ແລະ 3.008 ຄອບຄົວ ໃນນັ້ນ ມີເມືອງກາສີ, ເມືອງແມດ, ວຽງຄໍາ, ໂພນໂຮງ ແລະທຸລະຄົມ, ສະເພາະຢູ່ເມືອງຊະນະຄາມພັດເກີດໄພແຫ້ງແລ້ງ.
ທ່ານ ພູວົງ ບຸນຊູ ຫົວໜ້າພະແນກກະສິກໍາ ແລະປ່າໄມ້ ແຂວງວຽງຈັນ ໃຫ້ຮູ້ເມື່ອວັນທີ 15 ຕຸລາຜ່ານມາວ່າ: ຜົນກະທົບດັ່ງກ່າວ ເຮັດໃຫ້ເນື້ອທີ່ການຜະລິດ ແລະສັດລ້ຽງຂອງປະຊາຊົນ ເສຍຫາຍມະຫາສານ ໃນນັ້ນ ມີເນື້ອທີ່ນາປີ ເສຍຫາຍ 3.882 ເຮັກຕາ, ເນື້ອທີ່ປູກພືດ 1,493,64 ເຮັກຕາ, ສັດລ້ຽງ ແລະປະມົງ ໄດ້ຮັບຜົນກະທົບບໍ່ໜ້ອຍ
ນອກນີ້ຍັງມີຊົນລະປະທານເປ່ເພ ຈໍານວນ 27 ໂຄງການ.
ດັ່ງນັ້ນ ເພື່ອຟື້ນຟູການຜະລິດລະດູແລ້ງ ໃຫ້ບັນລຸເປົ້າໝາຍໃນເນື້ອທີ່ ນາປີ 10 ພັນເຮັກຕາ, ເນື້ອທີ່ປູກພືດ 22.500 ເຮັກຕາ ແລະປັບປຸງຟື້ນຟູ ບັນດາໂຄງລ່າງພື້ນຖານການຜະລິດ ທົ່ວແຂວງວຽງຈັນ ມີຄວາມຕ້ອງການທຶນທັງໝົດ 32,014 ຕື້ກີບ.
ພາບປະກອບ: tatic.wixstatic.com
Hits: 3
