ກະຊວງໄປຊະນີໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດງານສຳມະນາກ່ຽວກັບ ການພັດທະນາ ແລະ ນຳໃຊ້ລະບົບຫ້ອງການທັນສະໄໝ (eOffice) ຂອງກະຊວງ ປທສ ຂື້ນທີ່ສະຖາບັນໄປສະນີ ໂດຍມີຜູ້ເຂົ້າຮ່ວມຕາງໜ້າຈາກບັນດາກະຊວງ ຫ້ອງການລັດ ແລະ ບັນດາກົມອ້ອມຂ້າງກະຊວງ ປທສ ເຂົ້າຮ່ວມທັງໝົດຫຼາຍກວ່າ 90 ທ່ານ.
ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອແລກປ່ຽນຄວາມຮູ້ ແລະ ປະສົບການ ໃນການພັດທະນາລະບົບບໍລິຫານລັດດ້ວຍເອເລັກໂຕນິກ (e-Government) ກໍ່ຄື ລະບົບຫ້ອງການທັນສະ ໄໝ ການນຳສະເໜີກ່ຽວກັບການພັດທະນາ e- Government ຢູ່ລາວ ແລະ ແຜນການພັດທະນາໃນຕໍ່ໜ້າ. ພ້ອມນັ້ນ ກໍ່ໄດ້ນຳສະ ເໜີກ່ຽວກັບລະບົບຫ້ອງການທັນສະໄໝ ຫຼື e-Office ທີ່ ປທສ ນຳໃຊ້ປະຈຸບັນ.
#insidelaos
Cr.Vientianemai
