ໃນ 9 ເດືອນປີ 2018 ການຈັດເກັບລາຍຮັບພາສີ-ອາກອນ ແລະ ພັນທະອື່ນໆ ຂອງດ່ານພາສີສາກົນບໍ່ເຕັນ ລວມທັງບັນດາດ່ານປະເພນີ, ດ່ານພາສີທ້ອງຖິ່ນ ທີ່ຂຶ້ນກັບດ່ານພາສີ ສາກົນບໍ່ ເຕັນເມືອງຫລວງນໍ້າທາ ແຂວງຫລວງນໍ້າທາ ສາມາດຈັດເກັບລາຍຮັບ ໄດ້ທັງໝົດ 146 ຕື້ກວ່າກີບ ເທົ່າກັບ 68,59% ຂອງແຜນການ 9 ເດືອນ ແລະ ເທົ່າກັບ 51,44% ຂອງແຜນການປີ.
ທ່ານ ຄຳຫລ້າ ວິສີສົມບັດ ຮອງຫົວໜ້າດ່ານພາສີສາກົນບໍ່ເຕັນ ໄດ້ລາຍງານໃຫ້ຮູ້ ເມື່ອບໍ່ດົນມານີ້ວ່າ: ໃນປີ 2018 ດ່ານພາສີສາກົນບໍ່ເຕັນ ໄດ້ຮັບຕົວເລກແຜນການ ຈັດເກັບລາຍຮັບທັງໝົດ 284 ຕື້ກວ່າກີບ ແຕ່ຜ່ານການຈັດຕັ້ງປະຕິບັດໃນ 9 ເດືອນ (ມັງກອນ-ກັນຍາ 2018) ການຈັດເກັບລາຍຮັບພາສີ ແລະ ພັນທະອື່ນໆ ຂອງດ່ານພາສີສາກົນບໍ່ເຕັນ, ດ່ານປະເພນີ, ດ່ານພາສີທ້ອງຖິ່ນ ທີ່ຂຶ້ນກັບ ສາມາດຈັດເກັບລາຍຮັບ ໄດ້ທັງໝົດ 146ຕື້ກວ່າກີບ, ເທົ່າກັບ 68,59% ຂອງແຜນການ 9 ເດືອນ ແລະ ເທົ່າກັບ 51,44% ຂອງແຜນການປີ, ໃນນີ້: ດ່ານພາສີສາກົນບໍ່ເຕັນ ປະຕິບັດໄດ້132 ຕື້ກີບເທົ່າກັບ 66,91%; ດ່ານພາສີທ້ອງຖິ່ນປາງໄຮ ປະຕິບັດໄດ້ 13 ຕື້ກີບ, ເທົ່າກັບ 88,93%; ດ່ານພາສີປະເພນີຊຽງກົກ ປະຕິບັດໄດ້ 23ກວ່າລ້ານກີບ ເທົ່າກັບ 29,36%; ດ່ານພາສີປະເພນີ ບ້ານມອມ ປະຕິບັດໄດ້ 556 ລ້ານກີບ ເທົ່າກັບ 70,35% ແລະ ເຂດເສດຖະກິດພິເສດ ບໍ່ເຕັນແດນງາມປະຕິບັດ ໄດ້ 315 ລ້ານກີບ ເທົ່າກັບ 100% ຂອງແຜນການ 9 ເດືອນ.
ສາເຫດ ທີ່ພາໃຫ້ການເກັບລາຍຮັບ ບໍ່ໄດ້ຕາມແຜນການນັ້ນ, ຍ້ອນການນຳເຂົ້າສິນຄ້າ, ເຄື່ອງຂອງມີຈຳນວນ ຫລວງຫລາຍ ແມ່ນສິນຄ້ານຳເຂົ້າຕາມ ໂຄງການຂອງລັດ ແລະ ນຳເຂົ້າຕາມນະໂຍ ບາຍສົ່ງເສີມ ການລົງທຶນພາຍໃນ ແລະ ຕ່າງປະເທດ ເຊິ່ງກວມເອົາອັດຕາສ່ວນເຖິງ 85,38%ຂອງບໍລິມາດການນຳເຂົ້າສິນຄ້າ, ເຄື່ອງຂອງທັງໝົດ; ການນຳ ເຂົ້າ-ສົ່ງອອກສິນຄ້າ, ເຄື່ອງຂອງທີ່ເປັນ ລາຍຮັບຕົ້ນຕໍ ຂອງດ່ານສ່ວນຫລາຍແມ່ນຫລຸດລົງ ເປັນຕົ້ນ: ຄ່າຊັກພິເສດ, ຈາກ ພາຫະນະ, ສິ້ນສ່ວນອາໄຫລ, ເຄື່ອງກໍ່ສ້າງ, ອຸປະກອນໄຟຟ້າ, ເຄື່ອງອຸປະໂພກ-ບໍລິໂພກ ແລະ ຄ່າທຳນຽມຕ່າງໆ.
ທີ່ມາ: ຂປລ