ມື້ນີ້ ບັນນາທິການ ແລະ ນັກຂ່າວອາວຸໂສ ຈາກສື່ສິ່ງພິມ ແລະ ອີເລັກໂຕຣນິກຫຼາຍສິບທ່ານ ໄດ້ເຂົ້າຮ່ວມແລກປ່ຽນຖອດຖອນບົດຮຽນໃນກອງປະຊຸມສຳມະນາໃນຫົວຂໍ້ກ່ຽວກັບການບໍລິຫານຫ້ອງຂ່າວ ພາຍໃຕ້ການເປັນປະທານຂອງທ່ານ ສະຫວັນຄອນ ລາດຊະມຸນຕີ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ.
ໃນກອງປະຊຸມຄັ້ງນີ້ ບັນດາຜູ້ເຂົ້າຮ່ວມໄດ້ແລກປ່ຽນຄຳຄິດຄຳເຫັນ ແລະ ຖອດຖອນບົດຮຽນຕ່າງໆທີ່ປິ່ນອ້ອມການບໍລິຫານຫ້ອງຂ່າວ ເປັນຕົ້ນແມ່ນການຈັດຜັງລາຍການຂ່າວ, ການຈັດລຽງບູລິມະສິດເນື້ອໃນຂ່າວ, ຮູບແບບການນຳສະເໜີຂ່າວ, ລວມທັງສິ່ງທ້າທາຍ ແລະ ວິທີແກ້ໄຂຕໍ່ບັນຫາຕ່າງໆເຊັ່ນການຂາດເຂີນບຸກຄະລາກອນ ແລະ ຄວາມຮູ້ຄວາມສາມາດ ແລະ ງົບປະມານທີ່ຈຳກັດ.
ທີ່ມາ: facebook.com/963318637205250