ຂໍຂອບໃຈນຳຜູ້ສະໜັບສະໜູນ
ມື້ນີ້, ທີ່ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ຈັດງານຖະແຫລງຂ່າວ ງານວາງສະແດງລົດວຽງຈັນ 2019 ຫລື Vientiane Motor Show 2019, ເຊິ່ງງານແມ່ນຈະຈັດຂຶ້ນໃນລະຫວ່າງວັນທີ 22 ກຸມພາ ຫາ 2 ມີນາ 2019, ທີ່ສູນການຄ້າລາວ-ໄອເຕັກ ຕຶກເກົ່າ ໂດຍເລີ່ມແຕ່ເວລາ 12:00 ຂອງທຸກໆມື້.
ທ່ານ ພອນຈັນ ເພັງສຸວັນ ປະທານບໍລິສັດ ພີພີໄຊໂຍ ເອັນເຕີເທັນເມັນ ແອນອີເວັນອໍແກໄນເຊີ ຈຳກັດຜູ້ດຽວ ໄດ້ໃຫ້ຮູ້ວ່າ: ຈຸດປະສົງຫລັກ ຂອງການຈັດງານວາງສະແດງໃນຄັ້ງນີ້, ເພື່ອເປັນການຕອບໂຈດໃຫ້ກັບບັນດາບໍລິສັດ ຫ້າງຮ້ານ ທີ່ຈຳໜ່າຍລົດ ແລະ ຜະລິດຕະພັນຕົກແຕ່ງລົດ ຮ່ວມໄປເຖິງຄວາມຕ້ອງການຂອງກຸ່ມບັນດາລູກຄ້າຜູ້ຊົມໃຊ້ ແລະ ທີ່ສຳຄັນ ກໍເພື່ອເປັນການຕໍ່ຍອດໃຫ້ກັບວົງການລົດ ໂດຍອີງໃສ່ຈາກປະສົບການ ປະສົບຜົນສຳເລັດໃນການຈັດງານ ໂມເຕີເອັກສໂປໃນປີຜ່ານໆມາ.
ທີ່ມາ: ຂປລ
