Thursday, July 18, 2024
Lenovo

ສາຍນ້ຳພາກ ຈະ​ກາຍ​ເປັນ​ແຫຼ່ງ​ທ່ອງ​ທ່ຽວ​ໃໝ່ທີ່​ໜ້າ​ສົນ​ໃຈ ຂອງ​ແຂວງ​ອຸ​ດົມ​ໄຊ

ພິທີເຊັນສັນຍາວ່າດ້ວຍການລົງທຶນພັດທະນາແຫຼ່ງທ່ອງທ່ຽວສາຍນ້ຳພາກ (ນ້ຳພາກສະບາຍດີ) ໄດ້ຈັດຂຶ້ນເມື່ອທ້າຍເດືອນມັງກອນຜ່ານມາທີ່ແຂວງອຸດົມໄຊ ລະຫ່ວາງອົງການປົກຄອງແຂວງອຸດົມໄຊຕາງໜ້າໂດຍ: ພະແນກແຜນການ ແລະການລົງທຶນກັບບໍລິສັດວິໄລພັດທະນາສ້ອມແປງເຄຫາສະຖານຂົວທາງ ແລະຊົນລະປະທານຈຳກັດ.

ຊຶ່ງໃນສັນຍາໄດ້ກຳນົດຫຼັກການ, ລະບຽບການ ແລະມາດຕະການກ່ຽວກັບການຈັດຕັ້ງປະຕິບັດ, ການເຄື່ອນ ໄຫວ, ການຄຸ້ມຄອງການກວດກາວຽກງານ ການດໍາເນີນໂຄງການເພື່ອເຮັດໃຫ້ການເຄື່ອນໄຫວ, ການລົງທຶນພັດທະນາໂຄງການໃຫ້ມີປະສິດທິຜົນສູງແນໃສ່ນຳໃຊ້ທ່າແຮງຂອງຊັບພະຍາກອນທີ່ດິນ ແລະ ຊັບພະຍາກອນນໍ້າຢ່າງມີປະສິດທິຜົນ ແລະຍືນຍົງ, ຊຸກຍູ້ການປະຕິບັດແຜນພັດທະນາເສດຖະກິດ-ສັງຄົມຂອງແຂວງ ແລະຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂຶ້ນ, ກຳນົດສິດ, ພັນທະຂອງສອງຝ່າຍໃນການຈັດຕັ້ງປະຕິບັດໂຄງການພັດທະນາແຫຼ່ງທ່ອງທ່ຽວລ້ອງສາຍນ້ຳພາກ (ນ້ຳພາກສະ ບາຍດີ) ຢູ່ບ້ານວຽງຄໍາ ເມືອງຫຼາ ແຂວງອຸດົມໄຊ ໃຫ້ມີປະສິດທິຜົນສູງ, ຖືກຕ້ອງ ແລະສອດຄ່ອງກັບກົດໝາຍ ແລະລະບຽບການຕ່າງໆ.

ໂດຍໄດ້ກຳນົດເອົາເຂດພັດທະນາໂຄງການມີເນື້ອທີ່ທັງໝົດ 3,72 ເຮັກຕາມອບສິດໃຫ້ບໍລິສັດພັດທະນາ ແລະ ນຳໃຊ້ທີ່ດິນຕາມຂອບເຂດທີ່ໄດ້ອະນຸຍາດໃຫ້ບໍລິສັດໃນການພັດທະນາໃຫ້ມີປະສິດທິຜົນສູງ, ການກຳນົດຂອບເຂດໂຄງການດັ່ງກ່າວຕ້ອງເປັນດິນທີ່ຂຶ້ນກັບກຳມະສິດຂອງລັດ, ບໍ່ແມ່ນເຂດຍຸດທະສາດ ປ້ອງຊາດ, ບໍ່ແມ່ນເຂດອະນຸລັກອື່ນໆ, ບໍ່ເປັນດິນທີ່ແຕະຕ້ອງເຖິງສິດ, ຜົນປະໂຫຍດ ແລະການດຳລົງຊີວິດຂອງປະຊາຊົນ, ຖ້າເປັນດິນຂອງປະຊາຊົນກໍ່ຕ້ອງມີການໄກ່ເກ່ຍ, ແກ້ໄຂດ້ວຍຮູບການຖືຫຸ້ນ, ສົດເສີຍ ແລະຮູບການຕ່າງໆຮັບປະກັນໃຫ້ຕ່າງຝ່າຍຕ່າງມີຜົນປະໂຫຍດ.

ບໍລິສັດຍິນດີນຳເອົາທຶນເຂົ້າມາພັດທະນາໂຄງການທັງໝົດຈຳນວນ 5 ຕື້ກີບ ແລະເປັນຜູ້ຮັບຜິດຊອບພຽງຜູ້ດຽວທາງດ້ານທຶນຮອນ 100% ໃນການຊອກຫາ ແລະຈັດສັນແຫຼ່ງທຶນເພື່ອຕອບສະໜອງໃຫ້ແກ່ການດຳເນີນໂຄງການຕາມມູນຄ່າຂອງການລົງທຶນທີ່ລະບຸໄວ້, ອາຍຸຂອງການສຳປະທານໂຄງການແມ່ນ 30 ປີ (ເລີ່ມແຕ່ວັນທີ 18 ມັງກອນ 2019 ຫາວັນທີ 30 ມັງກອນ 2049) ແລະສາມາດຕໍ່ໄດ້ຕາມການປະເມີນ ແລະຕົກລົງຂອງແຂວງອຸດົມໄຊ.

ທີ່​ມາ: ນສພ ເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.