Monday, April 21, 2025

ຂະ​ແໜງ​ສຶກ​ສາ ໂຄ​ສະ​ນາ​ໃຫ້​ຄວາມ​ຮູ້ລະເບີດບໍ່ທັນແຕກຢູ່ ສປປ ລາວ

ກົມສາມັນສຶກສາ ກະຊວງສຶກສາທິການ ແລະ ກິລາ ຮ່ວມກັບ ອົງການ ການສຶກສາໂລກ ໃຫ້ຄວາມຮູ້ກ່ຽວກັບອັນຕະລາຍ ຈາກລະເບີດທີ່ບໍ່ທັນແຕກທີ່ຕົກຄ້າງຢູ່ 88 ເມືອງ ໃນ 10 ແຂວງ ຄື: ແຂວງຫົວ ພັນ, ຫລວງພະບາງ, ຊຽງຂວາງ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ເຊກອງ, ຈໍາປາສັກ ແລະ ແຂວງອັດຕະປື ເພື່ອຮັບປະກັນວ່ານັກຮຽນຊັ້ນປະຖົມ ແລະ ຊຸມຊົນ ທີ່ມີຄວາມສ່ຽງ ໄດ້ຮັບການຮຽນຮູ້ ຈາກອັນຕະລາຍຂອງລະເບີດບໍ່ທັນແຕກ, ໂດຍຜ່ານການສ້າງຄວາມສາມາດໃຫ້ຄູສອນ ຜູ້ທີ່ສົ່ງຄວາມຮູ້.

      ການເຊັນບົດບັນທຶກຄວາມເຂົ້າໃຈ ໂຄງການໃຫ້ຄວາມຮູ້ ກ່ຽວກັບອັນຕະລາຍ ຈາກລະ ເບີດບໍ່ທັນແຕກທີ່ຕົກຄ້າງຢູ່ ສປປ ລາວ ໄດ້ມີຂຶ້ນທີ່ ກະຊວງສຶກສາທິການ ແລະ ກິລາ ລະ ຫວ່າງ ທ່ານນາງ  ສີສຸກ ວົງວິຈິດ ຫົວໜ້າກົມສາມັນສຶກສາ ກະຊວງສຶກສາທິການ ແລະ ກິ ລາ ແລະ ທ່ານ ນາງ ຊາຣາ ບຣູນາກີ ຫົວໜ້າອົງການ ການສຶກສາໂລກ ປະຈໍາ ສປປ ລາວ, ໂດຍມີທ່ານ ບົວລານ ສີລິປັນຍາ ຮອງລັດຖະມົນຕີ ກະຊວງສຶກສາທິກາ ແລະ ທ່ານ ຣີນາ ບິດເຕີ້ ເອັກອັກຄະລັດຖະທູດ ແຫ່ງ ສາຫະລັດອາເມລິກາ ປະຈໍາ ສປປ ລາວ ພ້ອມດຽວພາກສ່ວນທີ່ກ່ຽວຂ້ອງ ເຂົ້າຮ່ວມເປັນສັກຂີພິຍານ.

      ໂຄງການດັ່ງກ່າວ, ເປັນໂຄງການທີ່ ຮັບການສະໜັບສະໜູນ ຈາກກະຊວງການຕ່າງປະ ເທດ ສະຫະລັດອາເມລິກາ ມູນຄ່າ ປະມານ 17 ຕື້ກວ່າກີບ, ເຊິ່ງຈະໄດ້ຈັດຕັ້ງປະຕິບັດ ຢູ່ແຂວງຫລວງພະບາງ ຈໍານວນ 12 ເມືອງ, ແຂວງ ຊຽງຂວາງ 7 ເມືອງ, ແຂວງຫົວພັນ 10 ເມືອງ, ແຂວງຄໍາມ່ວນ 10 ເມືອງ, ແຂວງສະຫວັນນະເຂດ 15 ເມືອງ, ແຂວງສາລະວັນ 8 ເມືອງ, ແຂວງເຊກອງ 4 ເມືອງ, ແຂວງຈໍາປາສັກ 10 ເມືອງ, ແຂວງອັດຕະປື 5 ເມືອງ ແລະ ແຂວງບໍລິຄໍາໄຊ 7 ເມືອງ.

ສໍາລັບກິດຈະກໍາຫລັກຂອງໂຄງການ ແມ່ນເຊື່ອມສານຫລັກສູດ ໃຫ້ຄວາມຮູ້ກ່ຽວກັບອັນຕະລາຍ ຈາກລະ ເບີດບໍ່ທັນແຕກ ທີ່ໄດ້ປັບປຸງເຂົ້າໃນຫລັກສູດແຫ່ງຊາດ ຊັ້ນປະຖົມສຶກສາ, ພັດທະນາຫລັກສູດ ການໃຫ້ຄວາມຮູ້ກ່ຽວ ກັບອັນຕະລາຍຈາກລະເບີດບໍ່ທັນແຕກ ສໍາລັບຫລັກສູດແຫ່ງຊາດ ຊັ້ນມັດທະຍົມສຶກສາ​, ພັດທະນາຫລັກສູດການໃຫ້ຄວາມຮູ້ ກ່ຽວກັບອັນຕະລາຍຈາກ ລະເບີດບໍ່ທັນແຕກເອກະສານ ແລະ ແຜນການສອນສໍາລັບວິທະຍາ ໄລຄູເພື່ອສົ່ງຄວາມຮູ້ ໃຫ້ນັກສຶກສາສາຍຄູ ຊັ້ນປະຖົມສຶກສາແລະອື່ນໆ.  

ທີ່​ມາ: ຂ​ປ​ລ                     

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.