——————————————————————————-
ການຈອດລົດຢູ່ທາງຄົນຍ່າງ ໃນນະຄອນຫຼວງວຽງຈັນ ເຮົາຈະພົບເຫັນໄດ້ຫຼາຍ ໂດຍສະເພາະ ໃນເຂດໃຈກາງເມືອງ ເປັນຕົ້ນແມ່ນເຂດທີ່ມີຫ້ອງການ, ຮ້ານອາຫານ, ແລະ ຮ້ານຂາຍເຄື່ອງຍ່ອຍ ເຊິ່ງຫາກມີການຈອດເປັນຈຳນວນຫຼາຍ ແລະ ມັນໄດ້ສ້າງພາບລັກອັນບໍ່ງາມຕາໃຫ້ກັບປະເທດ ແລະ ສ້າງຄວາມຫຍຸ້ງຍາກໃຫ້ກັບຜູ້ທີ່ໃຊ້ທາງຍ່າງ ຕ້ອງໄດ້ລົງໄປໃຊ້ທາງລົດ ເຮັດໃຫ້ສ່ຽງກັບການເກີດອຸບັດຕິເຫດໄດ້ ຍິ່ງໄປກວ່ານັ້ນ ຍັງສ້າງຄວາມຫຍຸ້ງຍາກໃຫ້ກັບປະຊາຊົນທີ່ອາໄສຢູ່ເຂດບໍລິເວນນັ້ນອີກດ້ວຍ.
ເຈົ້າຂອງຮ້ານຂາຍເຄື່ອງຍ່ອຍໃນເຂດບ້ານສີຫອມ ໄດ້ກ່າວກັບອິນໄຊລາວເຮົາວ່າ: ໃນແຕ່ລະມື້ແມ່ນມີຄົນມາຈອດລົດໃນເຂດບໍລິເວນນີ້ ຫຼາຍພໍສົມຄວນ ແລະ ສ່ວນຫຼາຍແມ່ນຈະມາຈອດຊື້ເຄື່ອງ ແລະ ບາງເທື່ອກໍມາຈອດກີນເຂົ້າສວຍແຖວນີ້ ເຊິ່ງສ້າງຄວາມຫຍຸ້ງຍາກໃຫ້ກັບປະຊາຊົນທີ່ທ່ຽວໄປທ່ຽວມາ ກະຍາກຮຽກຮ້ອງໃຫ້ຜູ້ໃຊ້ລົດ ໃຫ້ປະຕິບັດຕາມກົດຈາລະຈອນ ເພື່ອເຮັດໃຫ້ເກີດຄວາມປອດໄພ ແລະ ທີ່ສຳຄັນແມ່ນເພື່ອສ້າງພາບລັກທີ່ດີໃຫ້ປະເທດ.
ຫຼາຍຄົນທີ່ໃຊ້ລົດໃຊ້ຖະໜົນໄປມາຢູ່ຕາມເສັ້ນທາງໃນນະຄອນຫຼວງວຽງຈັນ ເມື່ອເຫັນພາບການສັນຈອນໃນຊູ່ມື້ນີ້ ຄົງຈະມີແນວຄິດແກ້ໄຂໄປຕ່າງໆນາໆ ແຕ່ສະຫລຸບແລ້ວ ກໍ່ຢາກໃຫ້ການສັນຈອນຢູ່ທ້ອງຖະໜົນ ມີຄວາມເປັນລະບຽບຮຽບຮ້ອຍ,ປາສະຈາກອຸປະຕິເຫດ… ເມື່ອຄໍາສະເໜີ ໄປເຖິງພາກສ່ວນທີ່ກ່ຽວຂ້ອງແລ້ວ ມີບາງອັນກໍ່ສາມາດແກ້ໄຂໄດ້ ແຕ່ມີຫຼາຍອັນບໍ່ໄດ້ຮັບການແກ້ໄຂ ຈຶ່ງກາຍເປັນຫ່າງສຽງຈາກປະຊາຊົນ ນີ້ເປັນພຽງບາງບັທນຫາ ຂອງຜູ້ໃຊ້ລົດ ໃຊ້ຖະໜົນ ໃນນະຄອນຫຼວງວຽງຈັນ ເພື່ອໃຫ້ສັງຄົມຮ່ວມມືກັນແກ້ໄຂ ບັນຫາລົດແອອັດ,ຈອດລົດບໍ່ເປັນລະບຽບ,ເພື່ອຫລຸດຜ່ອນອຸປະຕິເຫດຕາມທ້ອງຖະໜົນ ແລະ ຝາກເຖິງຜູ້ໃຊ້ລົດໃຊ້ຖະໜົນ ໃຫ້ລະມັດລະວັງການຈອດລົດທັບເສັ້ນມ້າລາຍ, ແລ່ນມາແຕ່ກໍ້າຂວາ ພັດຈອດກໍ້າຊ້າຍ, ການລວງໄຟອຳນາດ, ຈອດລົດໃນເຂດທີ່ຫ້າມຈອດ ແລະ ການຈອດລົດຢູ່ທາງຄົນຍ່າງ ເປັນຕ້ນ ເພຶ່ອຄວາມເປັນລະບຽບຮຽບຮ້ອຍຂອງນະຄອນຫຼວງວຽງຈັນ ກໍຄືປະເທດລາວເຮົາ.
