Thursday, July 18, 2024
Lenovo

ຕົກ​ໃຈ! ອັດຕາການສູບຢາໃນສະຖານທີ່ເຮັດວຽກ-ສາທາລະນະ ຢູ່ລາວຍັງສູງ

ອີງຕາມການສຳຫລວດແຫ່ງຊາດ ໃນປີ 2012 ອັດຕາການສູບຢາໃນສະຖານທີ່ເຮັດວຽກ ຢູ່ສຳນັກງານຂອງພາກລັດ ແລະ ເອກະຊົນ ມີປະມານ 48% ແລະ ເພີ່ມຂຶ້ນເປັນ 63% ໃນປີ 2015; ໃນຂະນະທີ່ການສູບຢາຢູ່ພາຍໃນອາຄານ, ຮ້ານອາຫານຕ່າງໆ ໃນປີ 2012 ສູງເຖິງ 70% ແຕ່ຫລຸດລົງເຫລືອ 58% ໃນປີ 2015; ສ່ວນການສູບຢາຢູ່ໃນລົດ ໂດຍສານສາທາລະນະ, ລົດເມ ມີ 50% ໃນປີ 2012 ແລະ ເຫັນວ່າໃນປີ 2015 ຫລຸດລົງເຫລືອ 31%; ສະເພາະໃນໂຮງໝໍ ມີຜູ້ລະເມີດສູບຢາ ໃນປີ 2012 ມີປະມານ 37% ແລະ ໃນປີ 2015 ເຫັນວ່າຫລຸດລົງເຫລືອ 12%.

ທ່ານ ບຸນເພັງ ພິລາວົງ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ໄດ້ໃຫ້ສຳພາດແກ່ນັກຂ່າວ ໃນວັນທີ 12 ມີນາ 2019 ຜ່ານມານີ້ວ່າ: ເຖິງຈະມີດຳລັດກ່ຽວກັບການ ຫ້າມສູບຢາໃນເຂດທີ່ເກືອດຫ້າມ ແຕ່ກໍຍັງມີຫລາຍຄົນທີ່ລະເມີດ ເຮັດໃຫ້ເກີດຜົນກະທົບ ຕໍ່ເພື່ອນຮ່ວມງານ ທີ່ເຮັດວຽກໃນບ່ອນດຽວກັນ. ແຕ່ເຖິງຢ່າງ ໃດກໍຕາມກົມອະນາໄມ ຈະສືບຕໍ່ຈັດຕັ້ງປະຕິບັດ ກ່ຽວກັບດຳລັດດັ່ງກ່າວຢ່າງເຄັ່ງຄັດ ໂດຍສະເພາະການສູບຢາໃນສະຖານທີ່ ທາງລັດຖະການ, ສາທາລະນະ ລວມທັງຕຶກອາຄານຕ່າງໆ, ໂຮງໝໍ, ໂຮງຮຽນ, ສາຖານທີ່ການສຶກສາ, ວັດວາອາຮາມອື່ນໆ. ປັດຈຸບັນນີ້ ກຳລັງກະກຽມ ສ້າງຂະບວນການໂຄສະນາຢຸດການສູບຢາ ແລະ ຫລີກເວັ້ນອັນຕະ ລາຍຈາກຄວັນຢາສູບ ໃນວັນຢຸດຕິການສູບຢາໂລກ ໃນວັນທີ 31 ພຶດສະພາ 2019 ທີ່ຈະມາເຖິງນີ້ ໂດຍຈະຈັດໃຫ້ມີຫລາກຫລາຍກິດຈະກຳ ແລະ ການສ້າງຂະບວນການຕ່າງໆ.

ທ່ານ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກ່າວຕື່ມວ່າ: ນອກຈາກກິດຈະກຳຂ້າງເທິງແລ້ວ, ຍັງໄດ້ສຸມໃສ່ຈັດຕັ້ງປະຕິບັດບັນດາກົດໝາຍ ວ່າດ້ວຍ ການຄວບຄຸມຢາສູບ, ດຳລັດຂອງນາຍົກ ລັດຖະມົນຕີ ວ່າດ້ວຍການໂຄ ສະນາ ການພິມຄຳເຕືອນຕ່າງໆ, ລວມເຖິງຂໍ້ຕົກລົງຂອງລັດຖະມົນຕີກະ ຊວງສາທາລະນະສຸກ ແລະ ນິຕິກຳກ່ຽວກັບການພິມຄຳເຕືອນ ສຸຂະພາບເປັນຮູບໃສ່ ຊອງ ແລະ ຕຸດຢາ ສູບ ໂດຍຜ່ານກິດຈະກຳຕ່າງໆ ຢູ່ນະຄອນຫລວງວຽງ ຈັນ, ນະຄອນຫລວງພະບາງ, ນະຄອນໄກສອນ ພົມວິຫານ ແລະ ນະຄອນປາກເຊ ເພື່ອໃຫ້ບັນດານະຄອນເຫລົ່ານີ້ປອດຄວັນຢາສູບ ເຊິ່ງປັດຈຸບັນນີ້ ຈະກຽມທົດລອງກຳນົດເອົາຕະຫລາດມືດ ຂອງນະຄອນຫລວງພະບາງ ເປັນຕະ ຫລາດທີ່ປອດຄວັນຢາສູບ.

ທີ່​ມາ: ຂ​ປ​

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.