ຂໍຂອບໃຈນຳຜູ້ສະໜັບສະໜູນ

ອີງຕາມການສຳຫລວດແຫ່ງຊາດ ໃນປີ 2012 ອັດຕາການສູບຢາໃນສະຖານທີ່ເຮັດວຽກ ຢູ່ສຳນັກງານຂອງພາກລັດ ແລະ ເອກະຊົນ ມີປະມານ 48% ແລະ ເພີ່ມຂຶ້ນເປັນ 63% ໃນປີ 2015; ໃນຂະນະທີ່ການສູບຢາຢູ່ພາຍໃນອາຄານ, ຮ້ານອາຫານຕ່າງໆ ໃນປີ 2012 ສູງເຖິງ 70% ແຕ່ຫລຸດລົງເຫລືອ 58% ໃນປີ 2015; ສ່ວນການສູບຢາຢູ່ໃນລົດ ໂດຍສານສາທາລະນະ, ລົດເມ ມີ 50% ໃນປີ 2012 ແລະ ເຫັນວ່າໃນປີ 2015 ຫລຸດລົງເຫລືອ 31%; ສະເພາະໃນໂຮງໝໍ ມີຜູ້ລະເມີດສູບຢາ ໃນປີ 2012 ມີປະມານ 37% ແລະ ໃນປີ 2015 ເຫັນວ່າຫລຸດລົງເຫລືອ 12%.

ທ່ານ ບຸນເພັງ ພິລາວົງ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ໄດ້ໃຫ້ສຳພາດແກ່ນັກຂ່າວ ໃນວັນທີ 12 ມີນາ 2019 ຜ່ານມານີ້ວ່າ: ເຖິງຈະມີດຳລັດກ່ຽວກັບການ ຫ້າມສູບຢາໃນເຂດທີ່ເກືອດຫ້າມ ແຕ່ກໍຍັງມີຫລາຍຄົນທີ່ລະເມີດ ເຮັດໃຫ້ເກີດຜົນກະທົບ ຕໍ່ເພື່ອນຮ່ວມງານ ທີ່ເຮັດວຽກໃນບ່ອນດຽວກັນ. ແຕ່ເຖິງຢ່າງ ໃດກໍຕາມກົມອະນາໄມ ຈະສືບຕໍ່ຈັດຕັ້ງປະຕິບັດ ກ່ຽວກັບດຳລັດດັ່ງກ່າວຢ່າງເຄັ່ງຄັດ ໂດຍສະເພາະການສູບຢາໃນສະຖານທີ່ ທາງລັດຖະການ, ສາທາລະນະ ລວມທັງຕຶກອາຄານຕ່າງໆ, ໂຮງໝໍ, ໂຮງຮຽນ, ສາຖານທີ່ການສຶກສາ, ວັດວາອາຮາມອື່ນໆ. ປັດຈຸບັນນີ້ ກຳລັງກະກຽມ ສ້າງຂະບວນການໂຄສະນາຢຸດການສູບຢາ ແລະ ຫລີກເວັ້ນອັນຕະ ລາຍຈາກຄວັນຢາສູບ ໃນວັນຢຸດຕິການສູບຢາໂລກ ໃນວັນທີ 31 ພຶດສະພາ 2019 ທີ່ຈະມາເຖິງນີ້ ໂດຍຈະຈັດໃຫ້ມີຫລາກຫລາຍກິດຈະກຳ ແລະ ການສ້າງຂະບວນການຕ່າງໆ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກ່າວຕື່ມວ່າ: ນອກຈາກກິດຈະກຳຂ້າງເທິງແລ້ວ, ຍັງໄດ້ສຸມໃສ່ຈັດຕັ້ງປະຕິບັດບັນດາກົດໝາຍ ວ່າດ້ວຍ ການຄວບຄຸມຢາສູບ, ດຳລັດຂອງນາຍົກ ລັດຖະມົນຕີ ວ່າດ້ວຍການໂຄ ສະນາ ການພິມຄຳເຕືອນຕ່າງໆ, ລວມເຖິງຂໍ້ຕົກລົງຂອງລັດຖະມົນຕີກະ ຊວງສາທາລະນະສຸກ ແລະ ນິຕິກຳກ່ຽວກັບການພິມຄຳເຕືອນ ສຸຂະພາບເປັນຮູບໃສ່ ຊອງ ແລະ ຕຸດຢາ ສູບ ໂດຍຜ່ານກິດຈະກຳຕ່າງໆ ຢູ່ນະຄອນຫລວງວຽງ ຈັນ, ນະຄອນຫລວງພະບາງ, ນະຄອນໄກສອນ ພົມວິຫານ ແລະ ນະຄອນປາກເຊ ເພື່ອໃຫ້ບັນດານະຄອນເຫລົ່ານີ້ປອດຄວັນຢາສູບ ເຊິ່ງປັດຈຸບັນນີ້ ຈະກຽມທົດລອງກຳນົດເອົາຕະຫລາດມືດ ຂອງນະຄອນຫລວງພະບາງ ເປັນຕະ ຫລາດທີ່ປອດຄວັນຢາສູບ.

ທີ່​ມາ: ຂ​ປ​

Hits: 6

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້