ໂຄງການດັ່ງກ່າວນີ້ ໄດ້ຮັບງົບປະມານຊ່ວຍເຫຼືອຈາກລັດຖະບານຍີ່ປຸ່ນ, ໂດຍແຂວງສະຫວັນນະເຂດໄດ້ຮັບທຶນທັງໝົດ 2.220.000 ໂດລາສະຫະລັດ, ໃນນັ້ນໄດ້ຕົກລົງນຳໃຊ້ງົບປະມານຄັ້ງນີ້ປະກອບດ້ວຍ 03 ກິດຈະກຳຄື:
1. ໂຄງການກໍ່ສ້າງຈຸດພັກລົດສາມແຍກເຊໂນ ຈຳນວນເງິນ 1.693.098 ໂດລາສະຫະລັດ,
2. ໂຄງການສ້າງຄວາມປອດໄພຕາມທາງເລກ 09 (ສ້າງວົງວຽນ) ຈຳນວນເງິນ 193.148 ໂດລາສະຫະລັດ,
3. ທົດລອງສ້າງຕັ້ງຄະນະກຳມະການອຳນວຍຄວາມສະ ດວກດ້ານການຂົນສົ່ງຂັ້ນແຂວງຈຳນວນ 25.753 ໂດລາສະຫະລັດ, ນອກນັ້ນກໍ່ມີ ຄ່າບໍລິສັດທີ່ປຶກສາ ແລະຄຸ້ມ ຄອງໂຄງການ 298.000 ໂດລາສະຫະລັດ ແລະ ເງິນແຮ 10.000 ໂດລາສະຫະລັດ
ໂຄງການກໍ່ ສ້າງຈຸດພັກລົດສາມແຍກເຊໂນ:
1. ການອອກແບບໂຄງການແມ່ນ ອົງການ JICS ເປັນຜູ້ຈັດຕັ້ງປະຕິບັດ ແລະ ອອກແບບໂຄງການດັ່ງກ່າວເອງ,
2. ບໍລິສັດທີ່ຊະນະການປະມູນ ເປັນຜູ້ຮັບເໝົາກໍ່ສ້າງໄດ້ແກ່ ບໍລິສັດ ຊາສີ ກຣຸບ, ເຊິ່ງໜ້າວຽກໃນການດຳເນີນໂຄງການປະກອບດ້ວຍ: ອາຄານຮ້ານອາຫານ, ຫ້ອງນໍ້າ ແລະ ບ່ອນພັກລົດ ພ້ອມທັງເສັ້ນທາງເຂົ້າອອກ ແລະ ຕິດຕັ້ງລະບົບໄຟຟ້າ, ປູກຫຍ້າ ແລະ ສິ່ງອຳນວຍຄວາມສະດວກອື່ນໆ,
3. ຜ່ານການຈັດຕັ້ງປະຕິບັດຕົກ ເປັນມູນຄ່າທັງໝົດ 2.548.135 ໂດລາສະຫະລັດ, ເກີນງົບທີ່ມີໄວ້ 763.602 ໂດລາສະຫະລັດ, ໃນນັ້ນສ່ວນເກີນ ຂອງງົບແມ່ນໄດ້ໃຊ້ເຂົ້າໃນວຽກເກັບກູ້ລະເບີດ, ຍົກຍ້າຍປະຊາຊົນ, ສຶກສາຜົນກະທົບ ຕໍ່ສິ່ງແວດລ້ອມ ແລະ ວຽກຖົມດິນ,
4. ມາຮອດປະຈຸບັນວຽກທຸກຢ່າງແມ່ນໄດ້ຈັດຕັ້ງປະຕິບັດສຳເລັດ ໂດຍມອບໃຫ້ ແຂວງສະຫວັນນະເຂດ ເປັນຜູ້ສືບຕໍ່ດຳເນີນປະມູນ ເພື່ອຊອກຫາຜູ້ດຳເນີນການບໍລິການຢູ່ຈຸດພັກລົດແຫ່ງນີ້ໃຫ້ມີ ປະສິດທິຜົນ.
ໃນພີທີຢ່າງເປັນທາງການດັ່ງກ່າວ:
1. ທ່ານ ວຽງສະຫວັດ ສີພັນດອນ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ກໍ່ໄດ້ຂຶ້ນກ່າວມອບໂຄງການດັ່ງກ່າວນີ້ໃຫ້ແຂວງສະຫວັນນະເຂດນຳໃຊ້ຕໍ່ໄປ,
2. ທ່ານ ທາເກຊິ ຮີກີຮາຣາ ເອກອັກຄະລັດຖະທູດປະເທດຍີ່ປຸ່ນປະຈຳ ສປປລາວ ກໍ່ໄດ້ກ່າວສະແດງຄວາມຂອບໃຈ ມາຍັງທຸກພາກສ່ວນທີ່ໄດ້ທຸ້ມເທເຫື່ອແຮງ ແລະ ເຮັດໃຫ້ວຽກງານຄັ້ງນີ້ປະສົບຜົນສຳເລັດ,
3. ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ກໍ່ໄດ້ກ່າວຮັບໂຄງການດັ່ງກ່າວນີ້ ພ້ອມທັງໄດ້ສະແດງຄວາມຂອບໃຈມາຍັງທຸກພາກ ສ່ວນທີ່ເຮັດໃຫ້ຈຸດພັກລົດແຫ່ງນີ້ເກີດຂຶ້ນ ພ້ອມແລ້ວທີ່ຈະເຮັດ ໃຫ້ການບໍລິການທາງຜ່ານ ກໍ່ຄືຈຸດພັກລົດ ກາຍເປັນຈຸດຍຸດທະສາດທາງດ້ານເສດຖະກິດຕໍ່ໄປ,
4. ທັງສາມທ່ານ ກໍ່ໄດ້ຮ່ວມກັນຕັດແຖບຜ້າ ເພື່ອເປັນການຢັ້ງຢືນວ່າຈຸດພັກ ລົດສາມແຍກເຊໂນແຫ່ງນີ້ໄດ້ເປີດນຳໃຊ້ຢ່າງເປັນທາງການແລ້ວ.
ທີ່ມາ: Souripudong Sundara