Monday, July 15, 2024
Lenovo

ລາວ-ອາເມລິກາ ສະຫຼອງຜົນສໍາເລັດໂຄງການຊ່່ວຍເຫຼືອ 5 ປີ

ພິທີປີດໂຄງການ USAID LUNA II ທີ່ສະໜັບສະໜູນການອໍານວຍຄວາມສະດວກດ້ານການຄ້າ ແລະການເຊື່ອມໂຍງດ້ານເສດຖະກິດ ໄດ້ມີຂຶ້ນໃນວັນທີ 22 ມີນາ 2019 ທີ່ນະຄອນຫຼວງວຽງຈັນໂດຍການເຂົ້າຮ່ວມຂອງທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະການຄ້າ, ທ່ານນາງ ຣີນາ ບິດເຕີ ເອກອັກຄະລັດຖະທູດ ສະຫະລັດອາເມລິກາ ປະຈໍາລາວ, ມີບັນດາຕາງໜ້າຈາກກະຊວງ, ສະຖານທູດອາເມລິກາ ແລະພາກເອກະຊົນເຂົ້າຮ່ວມ.

ທ່ານນາງ ຣີນາ ບິດເຕີ ເອກອັກຄະລັດຖະທູດ ສະຫະລັດອາເມລິກາ ປະຈໍາລາວ ກ່າວວ່າ: ໃນໄລຍະ 5 ປີທີ່ຜ່ານມາໂຄງການ USAID LUNA II ໄດ້ເຮັດໜ້າທີ່ປຽບເໝືອນຍານພະຫະນະໃຫ້ແກ່ການຮ່ວມມື ແລະການສົນທະນາລະຫວ່າງ 2 ຊາດ ລາວ-ອາເມລິກາ ໃນການຈັດຕັ້ງປະຕິບັດວຽກງານທີ່ກ່ຽວກັບພັນທະຂອງ ສປປ ລາວ ໃນນາມທີ່ເປັນສະມາຊິກຂອງອົງການ ການຄ້າໂລກ, ປະຊາຄົມເສດຖະກິດອາຊຽນ ແລະພັນທະຂອງສັນຍາການຄ້າສອງຝ່າຍ ລາວ-ອາເມລິກາ. ໂຄງການ USAID LUNA II ແມ່ນໂຄງການຊ່ວຍເຫຼືອ 5 ປີ ຂອງອົງການພັດທະນາສາກົນອາເມລິກາ USAID ເຊິ່ງຖຶກສ້າງຂຶ້ນເພື່ອສະໜັບສະໜູນວຽກງານການຄ້າ ຮ່ວມກັບ ສ. ອາເມລິກາ ແລະເຊື່ອມໂຍງ ສປປ ລາວ ເຂົ້າສູ່ປະຊາຄົມເສດຖະກິດອາຊຽນ ແລະອົງການການຄ້າໂລກ. ນັບແຕ່ປີ 2014 ໂຄງການ USAID LUNA II ໄດ້ເຮັດວຽກຢ່າງໃກ້ສິດກັບກະຊວງອຸດສາຫະກໍາ ແລະການຄ້າ ແລະບັນດາກະຊວງຕ່າງໆ ເພື່ອປັບປຸງບັນດານິຕະກໍາໂດຍສະເພາະແມ່ນມິຕິກໍາຊັບຊິນທາງປັນຍາ, ນິຕິກໍາການແກ້ໄຂທາງການຄ້າໃນຂອບເຂດອົງການການຄ້າໂລກ, ສະໜັບສະໜູນການຄ້າແບບດິຈິຕໍ້ ແລະຂະຫຍາຍຕະຫຼາດໃຫ້ແກ່ບັນດາຜູ້ປະກອບການໃນລາວ ແລະເພີ່ມຄວາມເຂົ້າເຂົ້າກ່ຽວກັບສິດຜູ້ຊົມໃຊ້ ແລະນິຕິກໍາຕ່າງໆ.

ທ່ານນາງ ເຂັມມະນີ ພົນເສນາ ກ່າວຕື່ມວ່າ: ການຊ່ວຍເຫຼືອຂອງໂຄງການ USAID LUNA II ແມ່ນຊ່ວຍໃຫ້ ສປປ ລາວ ມີສ່ວນຮ່ວມກັບສາກົນ ແລະໄດ້ຮັບຜົນປະໂຫຍດນໍາບັນດາຂໍ້າຕົກລົງຕ່າງໆ ແລະຊ່ວຍສະໜັບໜູນການຄ້າແບບຍຸດຕິທໍາ ແລະຖືກກັບລະບຽບການຕ່າງໆ. ນອກນັ້ນໄດ້ເພີ່ມຄວາມເຂັ້ມແຂງໃຫ້ແກ່ ສປປ ລາວ ໃນນາມຄູ່ຮ່ວມມີກັບ ສ. ອາເມລິກາ , ສະມາຊິກຂອງອາຊຽນ ແລະສ່ວນໜຶ່ງຂອງສາກົນ. ຊຶ່ງໂຄງການດັ່ງກ່າວໄດ້ເລີ່ມປະຕິບັດໃນປີ 2014 ແລະຈະຖືກປິດລົງໃນວັນທີ 23 ມີນາ 2019 ແມ່ນໂຄງການສືບຕໍ່ຈາກຜົນສໍາເລັດອັນໂດດເດັ່ນຂອງໂຄງການລູນາລາວ ທີ່ໃຫ້ການຊ່ວຍເຫຼືອ ສປປ ລາວ ເຂົ້າເປັນສະມາຊິກຂອງອົງການການຄ້າໂລກຢ່າງສົມບູນໃນປີ 2013.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),