Monday, July 22, 2024
Lenovo

ເປີດໃຫ້ຈອງແລ້ວ ພັນທະບັດລັດຖະບານ ມູນຄ່າ 7 ຮ້ອຍກວ່າຕື້ກີບ

ທ່ານ ສົມບູນ ອິນທະປັດຖາ

ໃນວັນທິີ 25 ມີນາ 2019 ທີ່ນະຄອນຫຼວງວຽງຈັນ, ຫ້ອງການກະຊວງການເງິນ ຮ່ວມກັບ ບໍລິສັດ ຫຼັກຊັບລ້ານຊ້າງ ມະຫາຊົນ, ບໍລິສັດ ຫຼັກຊັບ ທຄຕລ-ກທ ຈໍາກັດ ແລະບໍລິສັດ ຫຼັກຊັບລາວ-ຈີນ ຈໍາກັດ ຈັດພິທີຖະແຫຼງຂ່າວ ການເປີດຈອງຊື້ພັນທະບັດລັດຖະບານ ທີ່ອອກໂດຍກະຊວງການເງິນ ໂດຍຜ່ານຕະຫຼາດຫຼັກຊັບລາວ ໃນມູນຄ່າ 714 ຕື້ກວ່າກີບ, ໃຫ້ກຽດຖະແຫຼງຂ່າວມີທ່ານ ສົມບູນ ອິນທະປັດຖາ ຫົວໜ້າຫ້ອງການກະຊວງການເງິນ, ທ່ານ ອານຸກອນ ສຸທໍາມະວົງ ຮັກສາການຜູ້ອໍານວຍການ ບໍລິສັດຫຼັກຊັບລ້ານຊ້າງ ມະຫາຊົນ, ທ່ານ ເທບສະຫວັນ ດິຕິຍະວົງ ຮັກສາຜູ້ອໍານວຍການບໍລິສັດຫຼັກຊັບ ທຄຕລ-ກທ ຈໍາກັດ (BCEL-KT), ທ່ານ ລິນ ລີ ຜູ້ອໍານວຍການ ບໍລິສັດຫຼັກຊັບລາວ-ຈີນ ຈໍາກັດ, ໂດຍມີທ່ານນາງ ວຽງດາລີ ສຸພານຸວົງ ຮອງຫົວໜ້າ ສຳນັກງານຄະນະກຳມະການຄຸ້ມຄອງຫຼັກຊັບເຂົ້າຮ່ວມ.

ທ່ານ ສົມບູນ ອິນທະປັດຖາ ກ່າວວ່າ: ການຈັດພິທີແຫຼງຂ່າວຄັ້ງນີ້ ແມ່ນມີຈຸດປະສົງ ເພື່ອໃຫ້ບັນດາທ່ານ, ຜູ້ລົງທຶນ, ນັກທຸລະກິດ ຮັບຊາບເຖິງຄວາມຄືບໜ້າຂອງແຜນການຂາຍພັນທະບັດລັດຖະບານ, ຊຶ່ງ ບໍລິສັດຫຼັກຊັບ 3 ແຫ່ງ ໄດ້ນໍາໃຊ້ຈຸດແຂງ ແລະຖານລູກຄ້າຂອງແຕ່ລະບໍລິສັດທີ່ມີຢູ່ໃນການໃຫ້ຂໍ້ມູນກັບນັກລົງທຶນພາຍໃນ ແລະຕ່າງປະເທດນັບຕັ້ງແຕ່ຕົ້ນປີ 2019 ເປັນຕົ້ນມາ, ການອອກພັນທະບັດໃນຄັ້ງນີ້ ມີມູນຄ່າ ທັງໝົດ 714,87 ຕື້ກວ່າກີບ, ລາຄາກໍານົດ ແລະລາຂາຍ ໜ່ວຍລະ 1 ລ້ານກີບ ໂດຍແບ່ງພັນທະອອກເປັນ 4 ລຸ້ນຄື: ອາຍຸ 1 ປີ, 3 ປີ, 5 ປີ ແລະ 7 ປີ.  ສໍາລັບອາຍຸ 1 ປີ ມີມູນຄ່າບໍ່ເກີນ 210 ຕື້ກວ່າກີບ, ສ່ວນ 500 ຕື້ກວ່າກີບ ແມ່ນແບ່ງໄປໃສ່ 3, 5 ແລະ 7 ປີ, ຊຶ່ງອັດຕາດອກເບ້ຍ 1ປີ ເທົ່າ 5,3%, 3 ປີ ເທົ່າ 6,80%, 5 ປີ 6,95% ແລະ 7 ປີ 7,10% ການຈ່າຍດອກເບ້ຍ ແມ່ນ ຈ່າຍ 2 ຄັ້ງຕໍ່ປີ.

ທ່ານ ອານຸກອນ ສຸທໍາມະວົງ ກ່າວ່າ: ພາຍຫຼັງທີ່ທັງສາມບໍລິສັດຫຼັກຊັບໄດ້ ມີການລົງຫາລູກຄ້າທັງພາຍໃນ ແລະຕ່າງປະເທດ ປາກົດວ່າໄດ້ຮັບຄວາມສົນໃຈຈາກນັກລົງທຶນຫຼາຍພໍສົມຄວນ ໂດຍສະເພາະແມ່ນນັກລົງທຶນພາຍໃນປະເທດທີ່ກວມເອົາສ່ວນໃຫຍ່ຂອງຍອດຊື້ພັນທະບັດລັດຖະບານທັງໝົດ ເຊິ່ງມັນໄດ້ສະແດງໃຫ້ເຫັນວ່າຜູ້ລົງທຶນພາຍໃນມີຄວາມເຂົ້າໃຈ ກັບກົນໄກການລົງທຶນໃສ່ພັນທະບັດຂອງລັດຖະບານຢ່າງເປັນມືອາຊີບຫຼາຍຂຶ້ນ.

ສໍາລັບການເປີດຈອງຊື້ພັນທະບັດລັດຖະບານໃນຄັ້ງນີ້ ຈະເລີ່ມເປີດໃຫ້ກັບຜູ້ລົງທຶນພາຍໃນ ແລະຕ່າງປະເທດຈອງໄດ້ໃນລະຫວ່າງວັນທີ 25 ມີນາ ຫາ ວັນທີ 5 ເມສາ 2019 ເລີ່ມແຕ່ເວລາ 8:30-15:30 ໂມງ ຕະຫຼອດຊ່ວງໄລຍະເວລາການເປີດຈອງຊື້, ຊຶ້ງສາມາດຊື້ໄດ້ທີ່ສໍານັກງານຂອງບໍລິສັດຫຼັກຊັບທັງສາມແຫ່ງ ທີ່ອາຄານຕະຫຼາດຫຼັກຊັບລາວ (BCEL, LDB, APB), ທັງກໍາເອົາວັນທີ 5 ເດືອນ ເມສາ 2019 ເປັນມື້ຄິດໄລ່ອັດຕາດອກເບ້ຍ ແລະຈົດທະບຽນໃນຕະຫຼາດຫຼັກລາວ ໃນວັນທີ 25 ເມສາ 2019, ການຈອງຊື້ພັນທະບັດຄັ້ງນີ້ ຈະໃຊ້ຫຼັກການມາກ່ອນໄດ້ກ່ອນ First In First Serve ຊຶ່ງຜູ້ລົງທຶນຕ້ອງການຊື້ແບບທະວີຄູນ ເທື່ອລະ 10 ລ້ານກີບ ຂຶ້ນໄປ ແລະຈະປິດຈອງຊື້ທັນທີ ຖ້າຫາກການຈອງຊື້ພັນຖະບັດຄົບຕາມຈໍານວນທີ່ໄດ້ອອກຈໍາໜ່າຍໃນຄັ້ງນີ້ ເຖິງວ່າຈະບໍ່ຮອດວັນທີ 5 ເມສາ 2019 ກໍ່ຕາມ, ການຈອງຊື້ພັນທະບັດລັດຖະບານຄັ້ງນີ້ ຜູ້ລົງທຶນສາມາດແລກປ່ຽນມື້ໃນຕະຫຼາດຂັ້ນສອງໄດ້ ເຊີ່ງຕະຫຼາດຫຼັກຊັບລາວ ໄດ້ມີລະບົບ ແລະກົນໄກຊື້-ຂາຍພັນທະບັດແລ້ວ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.