Wednesday, July 17, 2024
Lenovo

ບໍລິສັດ ທີ່ປຶກສາໄຂ່ມຸກຕາເວັນອອກ ເຂົ້າພັດທະນາເຂດຫຼັກ 62 ເປັນຣີສອດຄົບວົງຈອນ


ທ່ານ ນາງ ລັດດາວອນ ພູນສະຫວັດ

ບໍລິສັດ ທີ່ປຶກສາໄຂ່ມຸກຕາເວັນອອກ ຈຳກັດ ທີ່ໄດ້ບັນລຸຂໍ້ຕົກລົງກັບລັດຖະບານລາວໃນການເຂົ້າໄປສຶກສາຄວາມເປັນໄປໄດ້ໃນການສ້າງຣີສອດລາວ ແບບຄົບວົງຈອນຢູ່ເຂດຫຼັກ 62 ທີ່ມີມູນຄ່າ 3 ຕື້ໂດລາສະຫະລັດ ນັບແຕ່ກາງປີ 2018 ຜ່ານມາ ປັດຈຸບັນການສຳຫຼວດໂດຍພື້ນຖານສຳຄືບໜ້າແລ້ວ 20% – 30% ຄາດວ່າຈະສືບຕໍ່ເວລາທີ່ເຫຼືອໃຫ້ສຳເລັດຕາມແຜນການກຳນົດ.

ທ່ານ ນາງ ລັດດາວອນ ພູນສະຫວັດ ຮອງຜູ້ອຳນວຍການບໍລິສັດ ທີ່ປຶກສາໄຂ່ມຸກຕາເວັນອອກ ຈຳກັດ ກ່າວວ່າ: ພາຍຫຼັງທີ່ໄດ້ຮັບອະນຸຍາດຈາກລັດຖະບານບໍລິສັດທີ່ປຶກສາກໍໄດ້ລົງມືໃນການສຶກສາຄວາມເປັນໄປໄດ້ນັບແຕ່ທ້າຍປີ 2018 ຜ່ານມາ ມາເຖິງປັດຈຸບັນມີຄວາມຄືບໜ້າຂອງໂຄງການແລ້ວໂດຍພື້ນຖານປະມານ 20% – 30% ຂອງການສໍາຫຼວດທັງໝົດ ການສໍາຫຼວດໃນເບື້ອງຕົ້ນແມ່ນບໍ່ມີສິ່ງກີດຂວາງຫຍັງຫຼາຍເພາະເນື້ອທີ່ດັ່ງກ່າວເປັນເນື້ອທີ່ວ່າງຈະມີພຽງແຕ່ພືດຂອງປະຊາຊົນເຂດບ້ານໃກ້ຄຽງນຳໄປປູກໃສ່ເລັກນ້ອຍ.

ໂຄງການກໍ່ສ້າງຣີສອດລາວ ແບບຄົບວົງຈອນຕັ້ງຢູ່ເຂດຫຼັກ 62 ບ້ານ ໜອງຂອນ ເມືອງ ໂພນໂຮງ ແຂວງ ວຽງຈັນ ມີມູນຄ່າທັງໝົດ 3 ຕື້ໂດລາສະຫະລັດ ໄລຍະເວລາສຶກສາ ແລະ ສຳຫຼວດ 18 ເດືອນພາຍໃນໂຄງການຈະມີທັງໝົດ 9 ກິດຈະການໃນເນຶ້ອທີ່ 1.200 ເຮັກຕາ ໂດຍ ລັດຖະບານລາວຖືຮຸ້ນ 20% ເຊິ່ງປະກອບມີ: ໂຮງຮຽນນາໆຊາດ, ໂຮງໝໍທັນສະໄໝ, ສະໝາມກ໊ອບ 36 ຂຸມທີ່ສາມາດຮອງຮັບການແຂ່ງຂັນລະດັບສາກົນ, ແຫຼ່ງທ່ອງທ່ຽວ, ສະຖານທີ່ຖ່າຍຮູບເງົາ, ກະສິກໍາ, ສະໜາມຫຼິ້ນກິລາທາງນໍ້າ ແລະ ທາງບົກທີ່ສາມາດຮອງຮັບການແຂ່ງຂັນໃນລະດັບສາກົນໄດ້.

ທ່ານ ນາງ ລັດດາວອນ ພູນສະຫວັດ ກ່າວຕື່ມວ່າ: ຫາກໂຄງການມີການພັດທະນາຢ່າງເຕັມຮູບແບບຈະມີມູນຄ່າການລົງທຶນທັງໝົດ 3 ຕື້ໂດລາສະຫະລັດຖືເປັນອີກໂຄງການທີ່ສຳຄັນຂອງແຂວງວຽງຈັນທີ່ຈະກາຍເປັນສະຖານທີ່ທ່ອງທ່ຽວ, ພັກຜ່ອນ, ສຶກສາ ແລະ ສະໜາມຫຼິ້ນກິລາ ທັງຈະເປັນການສ້າງວຽກເຮັດງານທໍາໃຫ້ກັບປະຊາຊົນໂດຍສະເພາະເຂດບ້ານໃກ້ຄຽງນອກຈາກບ້ານໜອງຂອນເຊັ່ນ: ບ້ານໂພນເງິນ, ໂພນຕ້ອງ, ໂພນສົມບູນ, ຫ້ວຍທົນ ແລະ ບ້ານສະກ້າ ທີ່ມີປະຊາຊົນປະມານ 20 ພັນກວ່າຄົນ ແນວໃດກໍຕາມຖ້າເປັນໄປຕາມແຜນໂຄງການດັ່ງກ່າວແມ່ນຈະລົງມືພາຍຫຼັງສຳຫຼວດສຳເລັດ ແລະ ຈະໃຫ້ໄປສຳເລັດໃນປີ 2030.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.