ໂຄງການສ້ອມແປງ-ຕໍ່ເຕີມຄອງເໝືອງ ບ້ານບົງ ໄດ້ເລີ່ມຈັດຕັ້ງປະຕິບັດແຕ່ທ້າຍເດືອນ ມີນາ 2019 ສຳເລັດການສ້ອມແປງໃນທ້າຍເດືອນ ເມສາ 2019 ລວມມູນຄ່າທັງໝົດ 171 ລ້ານກ່ວາກີບ ໂດຍແມ່ນທຶນສົບທົບຂອງໂຄງການກະສິກຳເພື່ອໂພຊະນາການ 119 ລ້ານກ່ວາກີບ.
ປະຊາຊົນປະກອບສ່ວນທາງດ້ານແຮງງານຄິດເປັນມູນຄ່າ 25 ລ້ານກ່ວາກີບ ສາມາດເອົານ້ຳເຂົ້າຫົດເນື້ອທີ່ນາໄດ້ 5 ເຮັກຕາ, ໂຄງການສ້ອມແປງ-ຕໍ່ເຕີມຄອງເໝືອງ ບ້ານສົບຕິ້ວ ໄດ້ເລີ່ມຈັດຕັ້ງປະຕິບັດແຕ່ທ້າຍເດືອນ ມີນາ 2019 ສຳເລັດການສ້ອມແປງໃນທ້າຍເດືອນ ເມສາ 2019 ລວມມູນຄ່າທັງໝົດ 142 ລ້ານກ່ວາກີບ.
ໂດຍແມ່ນທຶນສົບທົບຂອງໂຄງການກະສິກຳເພື່ອໂພຊະນາການ 99 ລ້ານກ່ວາກີບ ປະຊາຊົນປະກອບສ່ວນທາງດ້ານແຮງງານ ຄິດເປັນມູນຄ່າ 21 ລ້ານກ່ວາກີບ ສາມາດເອົານ້ຳເຂົ້າຫົດເນື້ອທີ່ນາໄດ້ 15 ເຮັກຕາ, ໂຄງການສ້ອມແປງ ແລະ ຕໍ່ເຕີມນ້ຳລິນ ບ້ານວັງຄ້ວາງ ໄດ້ເລີ່ມຈັດຕັ້ງປະຕິບັດທ້າຍເດືອນ ມີນາ 2019 ສຳເລັດການສ້ອມແປງໃນທ້າຍເດືອນ ເມສາ 2019 ລວມມູນຄ່າທັງໝົດ 112 ລ້ານກ່ວາກີບ.
ໂດຍແມ່ນທຶນສົບທົບຂອງໂຄງການກະສິກຳເພື່ອໂພຊະນາການ 78 ລ້ານກ່ວາກີບ ປະຊາຊົນປະກອບສ່ວນທາງດ້ານແຮງງານຄິດເປັນມູນຄ່າ 16 ລ້ານກ່ວາກີບ ສາມາດສະໜອງນ້ຳໃຊ້ໃຫ້ປະຊາຊົນພາຍໃນບ້ານໄດ້ 60 ຄອບຄົວ. ທັງສາມໂຄງການນີ້ແມ່ນ ບໍລິສັດ ທີເຮົ້າ ກໍ່ສ້າງຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ.
ມາໃນວັນທີ 7 ພຶດສະພາ 2019 ເຈົ້າຂອງໂຄງການ ແລະ ບໍລິສັດຮັບເໝົາໄດ້ລົງກວດເບີ່ງຄວາມຄືບໜ້າຂອງໂຄງການດັ່ງກ່າວ ເຊີ່ງນຳໂດຍທ່ານ ຄຳພຽນ ໄຊສົມພັນ ຮອງເຈົ້າເມືອງໆ ຊ່ອນ ຜູ້ຊີ້ນຳວຽກງານຂົງເຂດເສດຖະກິດ, ມີຫ້ອງການທີ່ກ່ຽວຂ້ອງຂອງເມືອງ, ມີອຳນາດການປົກຄອງບ້ານເຂົ້າຮ່ວມນຳ.
ທີ່ມາ: ມີເດຍລາວ