ຊ່ວງນີ້, ຄືຈະບໍ່ມີໃຜຢາກອອກໄປນອກເຮືອນ ໂດຍສະເພາະຕະຫຼາດ ຫຼື ຮ້ານຄ້າ ຮ້ານອາຫານ ການໃຊ້ບໍລິການສັ່ງອາຫານອອນລາຍກໍ່ເປັນທາງເລືອກໜຶ່ງ ແຕ່ສຳລັບຜູ້ທີ່ມັກແຕ່ງກິນ ຫຼື ຢາກລອງແຕ່ງກິນເບິ່ງກໍ່ສາມາດເຮັດໄດ້
ມື້ນີ້ ອິນໄຊລາວ ໄດ້ຄັດເມນູຈາກກຸ່ມ “ຢູ່ກິນ ອິນໄຊລາວ” ມາແນະນຳໃຫ້ທຸກຄົນ ເພື່ອທີ່ຈະໄດ້ລອງເຮັດນຳກັນ
1. “ໄກ່ທອດກະເພົາຜັດຊອດ” ເອົາໃຈຄົນມັກກະເພົາ ໂດຍສະເພາະ ແຕ່ເພີ່ມຄວາມແຊບດ້ວຍຄວາມກອບຂອງໄກ່ທອດ ວິທີເຮັດກໍ່ຄືກັບເຮັດຜັດກະເພົາທົ່ວໄປ ຕ່າງແຕ່ ທອດໄກ່ໃຫ້ກອບກ່ອນ ແລ້ວຄ່ອຍນຳມາຜັດ ທີ່ມາ:
2. “ອ່ອມພວງໄຂ່ ຫຼື ເຄື່ອງໃນໄກ່” ອາຫານລາວໆທີ່ຫຼາຍໆຄົນຮູ້ຈັກກັນດີ ໂດຍຈະໃຊ້ໄຂ່ອ່ອນ ແລະ ຮວງໄຂ່ ມາອ່ອມໃສ່ຜັກຫຼາຍໆຊະນິດ ກິນກັບເຂົ້າໜ້ຽວຮ້ອນໆ ເຂົ້າກັນຫຼາຍ
3. “ໄຂ່ເຄັມ” ຊ່ວງນີ້ຕ້ອງໄດ້ກັກໂຕຢູ່ເຮືອນອີກຫຼາຍມື້, ລອງມາເຮັດໄຂ່ເຄັມໄວ້ກິນດີກວ່າ ເພາະຂັ້ນຕອນກະບໍ່ມີຫຍັງຫຍຸ້ງຍາກ ເຮັດແລ້ວສາມາດກິນກັບເຂົ້າຈ້າວຮ້ອນໆ ຫຼື ຈະກິນກັບເຂົ້າປຽກເຂົ້າ ກໍ່ໄດ້
4. “ຂົ້ວໝາກຖົ່ວແຂກ” ເມນູຊາວສວນ ທີ່ເກືອບທຸກໆເຮືອນມີໄວ້ຕິດຮົ້ວເຮືອນ ຫິວຍາມໃດ ກໍ່ເກັບມາຂົ້ວກິນເລີຍ ໂດຍສາມາດເພີ່ມຄວາມແຊບ ໄດ້ຢ່າງຫຼາກຫຼາຍໂດຍການໃສ່ຊິ້ນໝູເຂົ້າໄປນຳ ກໍຈະແຊບໄປອີກແບບ
5. “ຊິ້ນຫຼອດ” ອີກໜຶ່ງເມນູ ທີ່ເຮັດເທື່ອດຽວ ແຕ່ສາມາດເກັບໄວ້ກິນໄດ້ຫລາຍມື້, ຫຼືຖ້າວ່າ ຢາກປ່ຽນວິທີການກິນຈາກປີ້ງ ຈາກທອດ ກໍ່ສາມາດນຳມາປົ່ນໄດ້ອີກດ້ວຍ
6. “ຂົ່ວຜັກລວມມິດທະເລ” ເມນູຜັກໆ ອາຫານສຸຂະພາບແບບນີ້ ແຖມເຄື່ອງທະເລທີ່ອຸດົມໄປດ້ວຍສານອາຫານກິນກັບເຂົ້າຈ້າວຮ້ອນໆເຂົ້າກັນດີເລີຍ
7. “ຂົ້ວມີ່” ອາຫານລາວໆ ທີ່ສາມາດເຫັນໄດ້ຕາມງານບຸນຕ່າງໆ ແຕ່ເມື່ອສະຖານະການແບບນີ້ ເຮົາລອງມາເຮັດກິນເອງເບິ່ງ ຢ່າລືມເພີ່ມຄວາມແຊບໂດຍການໃສ່ຕ່ອນເລືອດ,ທອດໄຂ່ ເດີ້ ແຊບສຸດ ຫຼືຈະເຮັດແຈ່ວຫວານລາດກໍແຊບ
8. “ບັນແຊ່ວ” ອາຫານຫວຽດນາມ ທີ່ຄົນລາວເຮົານິຍົມກິນ ໂດຍມີສ່ວນປະກອບບໍ່ພໍເທົ່າໃດຢ່າງ ໂດຍສະເພາະປະຈຸບັນນີ້ ທີ່ມີແປງສຳເລັດຮູບມາແລ້ວ ເພີ່ມຄວາມງ່າຍເຂົ້າໄປອີກ ລອງຫາມາເຮັດກິນເບິ່ງເດີ້
9. ມາເມນູຂະໜົມແດ່ເນາະ “ຂະໜົມມັນມ່ວງ" ຂັ້ນຕອນການເຮັດກໍ່ບໍ່ຫຍຸ້ງຍາກ ເຮັດກິນເປັນອາຫານຫວ່າງພາຍໃນຄອບຄົວໄດ້ສະບາຍ
10. “ເຂົ້າຜັດໃສກອກຫວານ” ເຮັດງ່າຍໆ ກິນງ່າຍໆ ເໝາະສຳລັບມື້ເບົາໆ ທີ່ບໍ່ຢາກເຮັດຫັຍງຫຼາຍໃຫ້ຫຍຸ້ງຍາກ ລອງເຮັດກິນເບິ່ງເດີ້
ເປັນແນວໃດ, ສຳລັບເມນູທີ່ເຮົາຄັດມາຝາກ ໃຜສົນໃຈເມນູໃດກໍ່ສາມາດລອງເຮັດເບິ່ງເດີ້, ແລະ ທ່ານໃດທີ່ຍັງບໍ່ທັນໄດ້ເຂົ້າຮ່ວມກຸ່ມ “ຢູ່ກິນ ອິນໄຊລາວ" ກໍ່ສາມາດໄປເຂົ້າໄດ້ເດີ້ ເພື່ອທີ່ຈະໄດ້ແຊຣການຢູ່ ການກິນ ນຳກັນໄດ້
ອິງຕາມບົດຖະແຫຼງຂ່າວຂອງຄະນະສະເພາະກິດ ໃນວັນທີ 15 ກໍລະກົດ 2020 ທີ່ຜ່ານມາໃຫ້ຮູ້ວ່າ: ສປປ ລາວ ຍັງບໍ່ພົບກໍລະນີ ຜູ້ຕິດເຊື້ອໂຄວິດ-19 ເພີ່ມ ເປັນເວລາຕິດຕໍ່ກັນ 94 ວັນ, ນັບແຕ່ເດືອນມັງກອນ ເປັນຕົ້ນມາ, ໂດຍມາຮອດປະຈຸບັນ ໄດ້ເກັບຕົວຢ່າງມາກວດທັງໝົດ 21.386 ຕົວ ຢ່າງ, ກວດພົບຜູ້ຕິດເຊື້ອສະສົມ 19 ຄົນ (ປິ່ນປົວຫາຍດີໝົດແລ້ວ), ສະເພາະວັນທີ 14 ກໍລະກົດ 2020 ໄດ້ເກັບຕົວຢ່າງມາກວດວິເຄາະທັງໝົດ 617 ຄົນ, ໃນນັ້ນແຮງງານລາວມາແຕ່ໄທ 150 ຄົນ, ແຮງງານຈີນ 388 ຄົນ, ກໍລະນີສົງໄສ 79 ຄົນ, ຜົນກວດທັງໝົດແມ່ນບໍ່ພົບເຊື້ອ.
ເຖິງວ່າໂປຣຕີນຈາກພືດຈະຂາດກົດອາມິໂນຈໍາເປັນບາງຊະນິດ
ແຕ່ຖ້າປະສົມປະສານກັນແລ້ວກໍສາມາດໃຫ້ກົດອາມິໂນທີ່ຄົບຖ້ວນໄດ້ເຊັ່ນດຽວກັນກັບໂປຣຕີນຈາກສັດ. ສະນັ້ນ ການກິນມັງສະວິລັດຄວນກິນໃຫ້ຄົບ
5 ໝູ່ ຈື່ງຈະເປັນຜົນດີຕໍ່ສຸຂະພາບ.
ບໍ່ຄວນກິນແຕ່ສິ່ງທີ່ມັກ ຫຼື ແຊບເທົ່ານັ້ນ.
ຄາໂບໄຮເດດ
ແຫຼ່ງອາຫານທີ່ພົບໄດ້ແກ່ ເຂົ້າຂັດສີ, ເຂົ້າປຸ້ນ ແລະ ອາຫານທີ່ເຮັດມາຈາກແປ້ງ ເຊິ່ງຄວນເລືອກກິນໃນປະລິມານທີ່ເໝາະສົມ
ເພາະມີປະລິມານກາກໃຍສູງທີ່ມີປະໂຫຍດຕໍ່ລະບົບຂັບຖ່າຍ ແລະ ຊ່ວຍດູດຊຶມນໍ້າມັນສ່ວນເກີນທີ່ກິນເຂົ້າໄປອີກດ້ວຍ.
ໂປຣຕີນ
ການດື່ມນົມ ຫຼື ກິນໄຂ່ ຈະຊ່ວຍໃຫ້ຮ່າງກາຍໄດ້ຮັບໂປຣຕີນຢ່າງດີ ແຕ່ຜູ້ທີ່ກິນມັງສະວິລັດແບບເຄັ່ງຄັດຈະຮັບປະທານບໍ່ໄດ້ເລີຍ
ແຕ່ສາມາດທົດແທນໄດ້ດ້ວຍຖົ່ວປະເພດຕ່າງໆ ເຊັ່ນ: ຖົ່ວເຫຼືອງ, ຖົ່ວດໍາ,ເຕົ້າຮູ້ແຜ່ນ,
ນໍ້າເຕົ້າຮູ້ ແລະ ອື່ນໆ ໂດຍຮັບປະທານຄາບລະຫຼາຍໆຊະນິດ
ເພື່ອໃຫ້ຮ່າງກາຍໄດ້ຮັບໃນປະລິມານທີ່ພຽງພໍ
ວິຕາມີນ
ແລະ...
ສະມາຄົມນັກທຸລະກິດແມ່ຍິງລາວ ໄດ້ຈັດພິທີເປີດງານເທດສະການອາຫານລາວປະຈໍາປີ 2020 ໂດຍພິທີໄດ້ໄຂຂຶ້ນໃນຕອນເຊົ້າຂອງວັນທີ 28 ມັງກອນ 2020 ທີ່ ສວນເຈົ້າອະນຸວົງ ໂດຍການເປັນປະທານຂອງທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງລາວ ແລະ ໃຫ້ກຽດເຂົ້າຮ່ວມໂດຍທ່ານ ນາງ ດາວວອນ ພະຈັນທະວົງ ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ, ທ່ານ ນາງ...
