ໂຄງການບໍລິການທັນຕະກຳ ເພື່ອຖວາຍແດ່ພະສົງ ແລະ ສາມະເນນ ທີ່ວັດອົງຕື້ ໃນວັນທີ 5/6/2019 ມີພຣະເຂົ້າຮ່ວມທັງຫມົດ 461 ອົງ. ໃນນັ້ນ ຂູດຫີນປູນ 151 ອົງ. ອັດແຂ້ວ 74 ອົງ. ຖອນແຂ້ວ 32 ອົງ ແລະ ອື່ນໆອີກ.
ຜູ້ຊ່ວຍສາດສະດາຈານທັນຕະແພດ ດຣ. ສຸສິດ ພູນທອງ ຄະນະບໍດີທັນຕະແພດສາດ ຈຸລາລົງກອນມະຫາວິທະຍາໄລ ໄດ້ກ່າວວ່າ: ພຣະສົງ ສຳມະເນນທີ່ມາກວດສຸຂະພາບແຂ້ວໃນມື້ນີ້ສ່ວນຫຼາຍບໍ່ມີແຂ້ວແມງ ແຕ່ສ່ວນຫຼາຍແມ່ນມີບັນຫາເລື່ອງ ເຫງືອກບໍ່ຄ່ອຍດີ ທີ່ອາດສົ່ງຜົນໃຫ້ເປັນລໍາມະນາດໃນອະນາຄົດ ເນື່ອງຈາກມີຫີນປູນຫຼາຍ ສະນັ້ນວຽກສ່ວນໃຫ່ຍມື້ນີ້ແມ່ນໜັກໄປທາງຂູດຫີນປູນ. ຫີນປູນຖ້າມີຫຼາຍກໍຈະເຮັດໃຫ້ເຫງືອກບໍ່ແຂງແຮງ ແລ້ວສົ່ງຜົນໃຫ້ແຂ້ວຄອນ. ດັ່ງນັ້ນການປ້ອງກັນແຕ່ເນີ້ນໆຈະເປັນການດີທີ່ສຸດ ໂດຍການຖູແຂ້ວເປັນປະຈຳ. ບໍ່ໃຫ້ມີພວກເສດອາຫານຕິດ ຖ້າເຮັດໄດ້ ແຂ້ວກໍຈະຢູ່ກັບເຮົາໄປໄດ້ດົນ
ສຸດທ້າຍນີ້ ທາງຄະນະທັນຕະແພດຂອງພວກເຮົາ ກໍ່ຮູ້ສຶກເປັນກຽດຢ່າງຫຼາຍ ທີ່ໄດ້ມາຮ່ວມເຮັດບຸນທີ່ ສປປ ລາວ. ນອກຈາກຈະໄດ້ຊ່ວຍພຣະສົງ ສຳມະເນນ ໃຫ້ມີສຸຂະພາບແຂ້ວທີ່ດີແລ້ວ ພວກເຮົາເອງກໍຍັງໄດ້ບຸນກັບບ້ານອີກດ້ວຍ
Hits: 3
