Monday, February 17, 2025

ມຊ ແລະ ສປ ຈີນ ຮ່ວມຈັດງານສະແດງສິລະປະວັດທະນະທຳຜູກສຳພັນອາຊຽນ

ມະຫາວິທະຍາໄລແຫ່ງຊາດຮ່ວມກັບ ອົງການປົກຄອງທ້ອງຖິ່ນເມືອງໜານໜິງ ສປ ຈີນ, ສະຖາບັນຂົງຈື້ ມະຫາວິທະຍາໄລແຫ່ງຊາດ ແລະກົມທ່ອງທ່ຽວ, ວິທະຍຸກະຈາຍສຽງ-ໂທລະພາບ ແລະວັດທະນະທຳເມືອງ​ໜານໜິງ ຈັດງານເດີນສາຍສະແດງວັດທະນະທຳຜູກສຳພັນອາຊຽນ ໂດຍສະເພາະຢູ່ສະຖາບັນຂົງຈື້ ມະຫາວິທະຍາໄລແຫ່ງຊາດ.

ແມ່ນໄດ້ສະແດງໃຫ້ເຫັນຫັດຖະກຳພື້ນເມືອງຂອງຊົນເຜົ່າຈ້ວງ ແລະສະແດງສິລະປະວັດທະນະທຳຈີນ, ທີ່ສະ ໂມສອນສະຖາບັນຂົງຈື້ (ຕຶກໃໝ່) ໂດຍການເປັນປະທານຂອງທ່ານ ຮສ. ປອ. ຮຸ່ງເພັດ ຈັນທະວົງ ຮອງອະທິການບໍດີ ມະຫາວິທະຍາໄລແຫ່ງຊາດ, ພ້ອມດ້ວຍທ່ານຜູ້ຕາງໜ້າຈາກສະຖານທູດ ສປ ຈີນ ປະຈຳ ສປປ ລາວ, ຜູ້ອຳ ນວຍການສູນວັດທະນະທຳຈີນ, ສະຖາບັນຂົງຈື້, ຄະນະບໍດີ ຄະນະອັກສອນສາດ, ຫົວໜ້າ-ຮອງຫົວໜ້າຫ້ອງ ການ, ພະນັກງານຄູ-ອາຈານ ແລະນັກສຶກສາ ເຂົ້າຮ່ວມ.

ໂອກາດດັ່ງກ່າວ, ທ່ານ ນາງ ຍອນວິໄລ ໄຊຍະເລີດ ວ່າການຜູ້ອຳນວຍການສະຖາບັນຂົງຈື້ ມະຫາວິທະຍາໄລແຫ່ງຊາດ ໄດ້ລາຍງານໃຫ້ຮູ້ວ່າ:

ການຈັດງານໃນຄັ້ງນີ້ ກໍເພື່ອເດີນສາຍສະແດງວັດທະນະທຳຜູກສຳພັນອາຊຽນ ໂດຍສະເພາະຢູ່ສະຖາບັນຂົງຈື້ ມະ ຫາວິທະຍາໄລແຫ່ງຊາດ ແມ່ນໄດ້ນໍາເອົາສິລະປະນໍາມາວາງສະແດງເພື່ອໃຫ້ເຫັນຫັດຖະກຳພື້ນເມືອງຂອງຊົນເຜົ່າຈ້ວງ ແລະສິລະປະວັດທະນະທຳຈີນ, ດັ່ງທີ່ຮັບຮູ້ນຳກັນແລ້ວວ່າ ລາວ-ຈີນ ເປັນຄູ່ຮ່ວມຍຸດທະສາດຮອບດ້ານ, ເປັນຄູ່ຮ່ວມຊາຕາກຳດຽວກັນ, ເພື່ອເຮັດໃຫ້ການຮ່ວມມືດັ່ງກ່າວ ນັບມື້ນັບເຕີມໃຫຍ່ຂະຫຍາຍຕົວ, ລົງເລິກ ແລະຍືນຍົງຕະຫຼອດໄປ.

ພ້ອມດຽວກັນນັ້ນ ຖືເປັນການລິເລີ່ມຈາກຄວາມເຂົ້າອົກເຂົ້າໃຈເຊິ່ງກັນ ແລະກັນ, ຮຽນຮູ້ແລກປ່ຽນວັດທະນະ ທຳສັງຄົມຂອງ 2 ປະເທດ ລາວ-ຈີນ, ສະຖາບັນຂົງຈື້ ນັບແຕ່ມື້ສ້າງຕັ້ງ ໄດ້ມີໂອກາດຮ່ວມຈັດງານສະແດງສິລະ ປະກັບຄະນະສິລະປະທີ່ມາທຸກໆປີ.

ແຕ່ວ່າການຈັດງານຄັ້ງນີ້ ແມ່ນມີລັກສະນະອົບອຸ່ນເປັນພິເສດ ເພາະວ່າສະຖາ ບັນຂົງຈື້ ກໍປຽບເໜືອນລູກໃນບ້ານຫວ້ານໃນສວນຂອງເມືອງໜານໜິງ ແຂວງກວາງຊີ, ສະຖາບັນຂົງຈື້ ມີຄວາມຈະເລີນເຕີບໂຕໄດ້ກໍຍ້ອນໄດ້ຮັບການຮ່ວມມືຊຸກຍູ້ຊ່ວຍເຫຼືອຈາກອົງການປົກຄອງທ້ອງຖິ່ນເມືອງໜານໜິງ ຕະຫຼອດໄປ.

ສຳລັບລາຍການສະແດງໃນງານປະກອບມີ: ສາຍນໍ້າແຫ່ງມິດຕະພາບ, ລະຄອນງິ້ວ “ສະເໜ່ງິ້ວຂອງຢົງເສິ່ງ”, “ນາງຟ້າໂຮ່ຍລົງມາ”, ຫອມກຸລາບປາກເຊ-ວຽງຈັນວຽງໃຈ, ບົດຟ້ອນຊົນເຜົ່າ “ຕອນຫຼີ້ວຊາຍເຈ່ຍ”, ບົດຟ້ອນອວຍພອນ (ຟ້ອນລາວ) ແລະລະຄອນງິ້ວ “ພະສະໜົມເອກຂອງລາດຊະວົງຖັງ ຢາງກຸຍເຟ່”.

ນອກຈາກນັ້ນ , ພາຍໃນງານຍັງໄດ້ມອບທຶນການສຶກສາຈຳນວນໜຶ່ງໃຫ້ນັກສຶກສາທີ່ກຳລັງຮຽນຢູ່ສະຖາບັນຂົງຈື້ ມະຫາວິທະຍາໄລແຫ່ງຊາດເພື່ອເປັນກຳລັງໃຈ ແລະເປັນການຊຸກຍູ້ຊ່ວຍເຫຼືອນັກສຶກສາຜູ້ທີ່ຮຽນເກັ່ງ, ມີພອນສະຫວັນໃນແຕ່ລະດ້ານ ໄດ້ສືບຕໍ່ຮໍ່າຮຽນ ເອົາໄປໜູນໃຊ້ເຂົ້າໃນຊີວິດປະຈຳວັນ.

ແຫຼ່ງຂໍ້ມູນ: ມະຫາວິທະຍາໄລແຫ່ງຊາດ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

VietJet ໄດ້ຮັບກຽດເປັນ “ສາຍການບິນທີ່ມີລາຄາຕໍ່າສຸດໃນໂລກ” ອີກຄັ້ງໜຶ່ງໃນປີ 2025

(ນະຄອນຫຼວງວຽງຈັນ, ວັນທີ 13 ກຸມພາ 2025) – VietJet ໄດ້ຮັບການສະເໜີຊື່ອີກຄັ້ງໜຶ່ງໃຫ້ເປັນຜູ້ຊະນະລາງວັນສາຍການບິນລາຄາປະຢັດພິເສດສຳລັບປີ 2025 ໂດຍລາງວັນນີ້ຖືເປັນໝວດໝູ່ລາງວັນສາຍການບິນທີ່ດີທີ່ສຸດຂອງໂລກຈາກ AirlineRatings.com, ເວັບໄຊຄວາມປອດໄພ ແລະ ການຈັດອັນດັບຜະລິດຕະພັນຂອງສາຍການບິນທີ່ໄດ້ຮັບການຍອມຮັບທົ່ວໂລກ.

ປະຢັດຄ່າປີ້ໂດຍສານໄປທ່ຽວປະເທດຫວຽດນາມ ດ້ວຍສ່ວນຫຼຸດ 50% ຂອງ Vietjet.

(ນະຄອນຫຼວງວຽງຈັນ, ວັນທີ 10 ກຸມພາ 2025) – ເລີ່ມຕົ້ນການເດີນທາງທີ່ໜ້າຕື່ນຕາຕື່ນໃຈຂອງລະດູໃບໄມ້ປົ່ງສຳລັບສາຍການບິນ Vietjet ທີ່ເປີດຕົວໂປຣໂມຊັນໃນອາທິດທອງ ເຊິ່ງມີສ່ວນຫຼຸດເຖິງ 50% ທຸກເສັ້ນທາງໃນລະຫວ່າງວັນທີ 10 – 16 ກຸມພາ 2025 ສຳລັບນັກທ່ອງທ່ຽວຈາກລາວທີ່ກຳລັງວາງແຜນຈະມາທ່ຽວຫວຽດນາມ ເພື່ອສຳຜັດທຳມະຊາດທີ່ງົດງາມ, ປະຫວັດສາດອັນຍາວນານ ຫຼື ເມືອງທີ່ມີຄວາມໜ້າຕື່ນຕາຕື່ນໃຈ ເຊິ່ງເໝາະກັບຊ່ວງເວລານີ້ທີ່ຈະວາງແຜນໄປທ່ອງທ່ຽວ.

VietJet ລາຍງານຜົນປະກອບການທຸລະກິດສູງສຸດນັບແຕ່ Covid-19 ໃນປີ 2024

(ນະຄອນຫຼວງວຽງຈັນ, ວັນທີ 07 ກຸມພາ 2025) – VietJet ສໍາເລັດການເຕີບໂຕທາງທຸລະກິດທີ່ໜ້າປະທັບໃຈໃນປີ 2024, ຂະຫຍາຍເຄື່ອຂ່າຍການບິນສາກົນ ແລະ ຝູງເຮືອບິນທີ່ທັນສະໄໝ ຂະນະດຽວກັນກໍ່ຍັງສ້າງລາຍໄດ້ ແລະ ກໍາໄລໃນລະດັບສູງສຸດເປັນປະຫວັດສາດ. ຄວາມສໍາເລັດຢ່າງຕໍ່ເນື່ອງຂອງສາຍການບິນແມ່ນ ບາດກ້າວອັນສໍາຄັນໃນການຟື້ນຕົວ ແລະ ຂະຫຍາຍໂຕຫຼັງຈາກໂລກລະບາດ Covid-19.