Friday, April 18, 2025

ໜ້າຕົກໃຈ! ແຂວງ​ຈຳປາ​ສັກ ມີ​ຜູ້​ຕິດ​ເຊື້ອ​ໄຂ​ຍຸງ​ລາຍຫຼາຍ​ກວ່າ​ໝູ່ ​ໃນ​ຂອບ​ເຂດ​ທົ່ວ​ປະ​ເທດ

6 ເດືອນຕົ້ນປີ 2019, ແຂວງ ຈຳປາສັກ ມີຜູ້ຕິດເຊື້ອໄຂຍຸງລາຍຫລາຍ​ກວ່າ​ໝູ່ ​ໃນ​ບັນດາ​ແຂວງ​ໃນ​ຂອບ​ເຂດ​ທົ່ວ​ປະ​ເທດ, ມີຜູ້ຕິດເຊື້ອ​ເຖິງ 1.549 ກໍລະນີ, ເສຍຊີວິດ 3 ກໍລະນີ, ຖັດລົງ​ມາ​ ແມ່ນແຂວງ ສະຫວັນນະເຂດ 719 ກໍລະນີ, ເສຍຊີວິດ 3 ກໍລະນີ, ນະຄອນຫລວງວຽງຈັນ 718 ກໍລະນີ, ເສຍຊີວິດ 5 ກໍລະນີ, ແຂວງອັດຕະປື 466 ກໍລະນີ, ບໍ່​ມີ​ກໍລະນີ​ເສຍ​ຊີວິດ, ຫລວງນ້ຳທາ 266 ກໍລະນີ, ບໍ່​ມີ​ກໍລະນີ​ເສຍ​ຊີວິດ, ຄຳມ່ວນ 234 ກໍລະນີ, ບໍ່​ມີ​ກໍລະນີ​ເສຍ​ຊີວິດ, ສາລະວັນ 244 ກໍລະນີ, ເສຍຊີວິດ 2 ກໍລະນີ, ບໍລິຄຳໄຊ 135 ກໍລະນີ, ເສຍຊີວິດ 1 ກໍລະ ນີ, ທັດລົງມາແມ່ນແຂວງເຊກອງ 69 ກໍລະນີ, ວຽງຈັນ 68 ກໍລະນີ, ຫລວງພະບາງ 26 ກໍລະນີ, ໄຊຍະບູລີ 25 ກໍລະນີ, ບໍ່ແກ້ວ 4 ກໍລະນີ, ຊຽງຂວາງ 2 ກໍລະນີ, ອຸດົມໄຊ ​ແລະ ໄຊສົມບູນ 1 ກໍລະນີ ບໍ່​ມີ​ກໍລະນີ​ເສຍ​ຊີວິດ. 

​ຢ່າງ​ໃດ​ກໍ່ຕາມ ຮຽກ​ຮ້ອງ​ໃຫ້ປະຊົນ​ລາວ ບັນດາ​ເຜົ່າ​ໃນ​ຂອບ​ເຂດ​ທົ່ວ​ປະ​ເທດ ​ໃຫ້​ເອົາ​ໃຈ​ໃສ່ປ້ອງ​ກັນ​ຕົນ​ເອງ, ນອນ​ໃນ​ມຸ້ງ, ຫລີກ​ລ້ຽງບໍ່​ໃຫ້​ຍຸງ​ກັດ ສິ່ງ​ສຳຄັນຕ້ອງມີ​ສ່ວນ​ຮ່ວມກັບອຳນາດ​ການ​ປົກຄອງ​ບ້ານ, ​ເມືອງ, ​ແຂວງ ​ໃນ​ການອະນາ​ໄມ​ ສິ່ງ​ແວດ​ລ້ອມ, ກຳຈັດ​ແຫ​ລ່ງ​ເພາະ​ພັນ​ໜອນ​ນ້ຳ​ຍຸງ​ລາຍທີ່ເປັນພາຫະນຳເຊື້ອ  ໂດຍ​ສະ​ເພາະ​ ຈັດ​ຕັ້ງ​ປະຕິບັດຫລັກການ 5 ປ ຂອງ​ກະຊວງ ສາທາລະນະ​ສຸກວາງ​ອອກ ຢ່າງ​ເຄັ່ງ​ຄັດ ຄື:

ປ ປິດ (ປົກ​ປິດ​ພາ​ສະ​ນະ​ ທີ່​ກັກ​ເກັບ​ນ້ຳ​ ທັງ​ໃນ ​ແລະ ນອກ​ເຮື​ອນ ບໍ່​ໃຫ້​ຍຸງ​ລາຍ​ມາ​ໄຂ່​ໃສ່), ປ ປ່ຽນ (ປ່ຽນ​ນ້ຳ ​ໃນ​ພາ​ສະ​ນະ ​ທີ່​ກັກ​ເກັບ​ນ້ຳ ​ເຊັ່ນ: ​ເຕົ້າ​ດອກ​ໄມ້, ນ້ຳ​ຮອງ​ຕີ​ນຕູ້ ​ແລະ ອື່ນໆ), ປ ປ່ອຍ (ປ່​ອຍປາ​ຫາງ​ຍົກ​ຍຸງ ​ເພື່ອ​ກິນ​ໜອນ​ນ້ຳ), ປ ປັບປຸງ (ປັບປຸງ ​ສິ່ງ​ແວດ​ລ້ອມ ​ອ້ອມ​ເຮືອນ ໃຫ້​ສະອາດ ​ເປັນ​ປະຈຳ​ທຸກ​ອາທິດ) ​ແລະ ປ ປະຕິ ບັດ ​ໃຫ້ເປັນນິໄສທຸກໆອາທິດ.

ແຫຼ່ງຂໍ້ມູນ: ສຳນັກຂ່າວສານປະເທດລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.

VietJet ລົງນາມໃນຂໍ້ຕົກລົງ 300 ລ້ານໂດລາສະຫະລັດ ເພື່ອສົ່ງເສີມການຂະຫຍາຍຕົວຂອງກອງທັບເຮືອ, ລວມຍອດມູນຄ່າການຄ້າຂອງອາເມລິກາເຖິງ 64 ຕື້ໂດລາສະຫະລັດ

(ນະຄອນຫຼວງວຽງຈັນ, 11 ເມສາ 2025) – ສາຍການບິນ VietJet ແລະ AV Air Finance ໄດ້ລົງນາມໃນຂໍ້ຕົກລົງດ້ານການເງິນລວມມູນຄ່າ 300 ລ້ານໂດລາສະຫະລັດ. ພິທີລົງນາມຄັ້ງນີ້ໄດ້ມີການພົບປະຂອງທ່ານຮອງນາຍົກລັດຖະມົນຕີຫວຽດນາມ Ho Duc Phuc  ແລະ ບັນດາເຈົ້າໜ້າທີ່ຂັ້ນສູງລັດຖະບານຫວຽດນາມ ເພື່ອແນ່ໃສ່ເພີ່ມທະວີການພົວພັນດ້ານເສດຖະກິດ ແລະ ການຄ້າຂອງ ຫວຽດນາມ - ອາເມລິກາ.