ໂດຍປີນີ້ແມ່ນຈັດຂື້ນເປັນປີທີ່ 3 ມາໃນຄຳຂວັນທີ່ວ່າ: ສ້າງ ແລະ ສົ່ງເສີມ ການຫັນເປັນດີຈີຕອນໃນລາວ. ພາຍໃນ ງານທ່ານໄດ້ຈະຮຽນຮູ້ກ່ຽວກັບດີຈີຕອນໃໝ່
ໃນງານວາງສະແດງປີນີ້ ໄດ້ມີຜູ້ເຂົ້າໄປຮ່ວມວາງສະແດງ ທັງໝົດ 54 ຮ້ານ ຈາກຜູ້ປະກອບການ ດ້ານໂທລະຄົມມະນາຄົມ-ໄອຊີທີ ທັງພາຍໃນ ແລະ ຕ່າງປະເທດ ທີ່ໄດ້ນຳເອົາຜະລິດຕະພັນອອກໃໝ່ ແລະ ທັນສະໄໝ ກ່ຽວກັບລະບົບ ສື່ສານໂທລະຄົມ, ລະບົບໂປຣແກຣມຮັບໃຊ້ການຫັນເປັນລະບົບດີຈີຕອນ, ລະບົບປ້ອງກັນຄວາມປອດໄພທາງດ້ານ ໄຊເບີ, ແລະເຄື່ອງອຸປະກອນ ໄອຊີທີ ຕ່າງໆ. ພ້ອມນັ້ນ, ຍັງມີການວາງສະແດງຂອງກະຊວງ, ອົງການ, ແລະ ບໍລິສັດຕ່າງໆ ກ່ຽວກັບຜົນສຳເລັດຂອງການນຳໃຊ້ ໄອຊີທີ ເຂົ້າໃນວຽກງານຕ່າງໆຂອງຕົນ.
ຫນື່ງໃນນັ້ນ ບູ໊ດ Lao e-Sport ກໍເປັນບູ໊ດຫນື່ງທີ່ມີກິດຈະກຳໃຫ້ຜູ້ທີ່ມີຄວາມສົນໃຈກ່ຽວກັບ e-Sport ມີກິດຈະກໍາທົດລອງຫລີ້ນເກມ. e-Sport ມີເປົ້າໝາຍພັດທະນາໄວ້ໜຸ່ມໃຫ້ຫລີ້ກລ້ຽງພຶດຕິກຳສ່ຽງ ແລະ ບໍ່ເຫມາະສົມ ແລະ ພັດທະນາຂິດຄວາມສາມາດໃນການປະດິດຄິດແຕ່ງ ດ້ານເຕັກນິກ ແລະ ນະວັດຕະກຳເຕັກໂນໂລຊີ ວິທະຍາສາດ ຈົນກາຍເປັນ ມືອາຊີບ ແລະ ທຽບເທົ່າກັບສາກົນ.
ນອກຈາກນີ້ພາຍໃນງານຍັງມີການສຳມະນາໃນຫລາຍໆຫົວຂໍ້ ມື້ນີ້ ແມ່ນມາໃນຫົວຂໍ້ “ການໃຊ້ໄອຊີທີໃນການສຶກສາ” ໂດຍໄດ້ວິຊາການຈາກຫລາຍໆພາກສ່ວນມາໃຫ້ຄວາມຄິດຄວາມເຫັນ
ທ່ານ ປອ ພອນມະນີ ພູມມະວົງ ອາຈານສອນຈາກຄະນະວິສາວະກຳສາດ ກໍໄດ້ໃຫ້ຄວາມຄິດເຫັນວ່າ: ການນໍາໃຊ້ໄອທີຊີໃນຂົງເຂດຂອງການສຶກສາ ແມ່ນມີຄວາມສໍາຄັນຫລາຍພໍສົມຄວນ ເພາະນັກສຶກສາ ແມ່ນໃຊ້ໄອທີຊີເຂົ້າໃນການຮຽນ ການສຶກສາ ເປັນຕົ້ນແມ່ນ ການຊອກຫາຂໍ້ມູນຕ່າງໆ. ເຮັດໃຫ້ການຮຽນການສອນມີຄວາມສະດວກສະບາຍຂື້ນ ແລະ ນັກສຶກສາເອງກໍມີພັດທະນາການໄປໃນທາງທີ່ດີ.
Hits: 6
