ກອງປະຊຸມຮັກສາ ຄວາມສະຫງົບຮຽບຮ້ອຍ ຕາມຊາຍແດນຄັ້ງທີ 11 ລະຫວ່າງແຂວງໄຊຍະບູລີ ສປປ ລາວ ແລະ ຈັງຫວັດ ນ່ານ ຣາຊະອານາຈັກໄທ ໄດ້ມີຂຶ້ນເມື່ອບໍ່ດົນມານີ້ຢູ່ ແຂວງໄຊຍະບູລີ, ຝ່າຍລາວ ນໍາໂດຍທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ທັງເປັນປະທານຄະນະປ້ອງກັນຊາດ-ປ້ອງກັນ ຄວາມສະຫງົບຂັ້ນແຂວງ ແລະ ຝ່າຍໄທນໍາໂດຍທ່ານ ວໍລະກິດຕິ ສຣີທິພາກອນ ຜູ້ວ່າຣາຊະການຈັງຫວັດນ່ານ.
ໃນກອງປະຊຸມນີ້, ສອງ ຝ່າຍໄດ້ທົບທວນການຮ່ວມມືໃນໄລຍະຜ່ານມາ ແລະ ເຫັນດີສືບຕໍ່ຮ່ວມມືກັນຕື່ມ ໃນຫລາຍດ້ານເພື່ອຮັດແໜ້ນສາຍພົວພັນລາວ- ໄທ ໃຫ້ນັບມື້ດີຂຶ້ນ, ທັງເສີມສ້າງ ຄວາມຜາສຸກ ໃຫ້ແກ່ປະຊາຊົນທັງສອງຝ່າຍ, ແນໃສ່ເຮັດໃຫ້ຊາຍແດນລະຫວ່າງປະ ເທດມີຄວາມສະຫງົບປອດ ໄພ ແລະ ເປັນລະບຽບຮຽບ ຮ້ອຍ, ທັງເປັນການເອື້ອອໍານວຍໃຫ້ແກ່ວຽກງານເສດຖະກິດ, ວັດທະນະທໍາ- ສັງຄົມມີການເຕີບໃຫຍ່ຂະຫຍາຍ ຕົວຂຶ້ນໄປເລື້ອຍໆ ເຮັດໃຫ້ ຊາຍແດນລະຫວ່າງສອງ ປະເທດລາວ-ໄທເວົ້າລວມ ເວົ້າສະເພາະສອງ ແຂວງ ໄຊຍະບູລີ-ນ່ານໃຫ້ກາຍ ເປັນຊາຍແດນແຫ່ງສັນຕິພາບ, ມິດຕະພາບ, ມີຄວາມສາມັກຄີ, ການຮ່ວມມື ແລະ ຮັກສາໄດ້ຜົນປະໂຫຍດຂອງປະຊາຊົນທັງສອງຝ່າຍ. ຈາກນັ້ນ ສອງຝ່າຍກໍໄດ້ລົງນາມບົດບັນທຶກກອງປະຊຸມຮ່ວມກັນນໍາດ້ວຍ.
ແຫຼ່ງຂໍ້ມູນ: Midia Laos