ຄືທຸກຮູ້ນຳກັນວ່າ ປີນີ້ ການລະບາດຂອງພະຍາດໄຂ້ຍຸງລາຍມີລັກສະນະຮ້າຍແຮງ ແລະ ອັນຕະລາຍ ຍ້ອນອາການທີ່ສະແດງອອກຂອງໄຂ້ຍຸງລາຍໄດ້ມີການປ່ຽນແປງ ເຊິງປະຊາຊົນສ່ວນໃຫຍ່ຍັງບໍ່ທັນໄດ້ຮັບຮູ້ ຖ້າຫາກການປິ່ນປົວທາງການແພດບໍ່ທ່ວງທັນ ກໍຈະເຮັດໃຫ້ເສຍຊີວິດໄດ້.
ອາການເຕືອນໄຂ້ເລືອດອອກ ຫຼື ໄຂ້ຍຸງລາຍມີດັ່ງນີ້໊:
ເຈັບທ້ອງ ຫຼື ທ້ອງເບັງ
- ໃບໜ້າ,ລໍາໂຕ,ມື ແລະ ຕີນ ມີ ຜື່ນແດງ
- ມີອາການຮາກ ຫຼື ຮາກເປັນເລືອດ
- ມີໄຂ້ສູງ 2-5 ວັນ
- ເຈັບທ້ອງ
- ມີເລືອດອອກຕາມຜີວໜັງ
- ຖ່າຍໜັກເປັນສີດຳຄືຖ່ານດັງໄຟ
ກໍລະນີຄົນເຈັບ ໄຂ້ຍຸງລາຍຮ້າຍແຮງ:
- ຊ໋ອກ ຫຼື ມີອາການອັ່ງນ້ຳ+ຫາຍໃຈຊຸດໂຊມ
- ເລືອດໄຫລຮຸນແຮງ
- ອະໄວຍະວະຊຸດໂຊມຮ້າຍແຮງ
ໃນເມື່ອໄຂ້ຍຸງລາຍອັນຕະລາຍ ແລະ ຮ້າຍແຮງຄືແບບນີ້ ພວກເຮົາບໍ່ຄວນຖືເບົາໃນການປ້ອງກັນ ໂດຍການທຳລາຍແຫລ່ງເພາະພັນຂອງໜອນນໍ້າຍຸງລາຍ ພ້ອມນີ້ກໍຕ້ອງໄດ້ເອົາໃຈໃສ່ເປັນພິເສດ ໃນການປ້ອງກັນຄົນໃນຄອບຄົວບໍ່ໃຫ້ຍຸງກັດ ດ້ວຍຫລາຍໆວິທີເຊັ່ນ: ທາຢາກັນຍຸງ, ນອນໃນມຸ້ງ, ບໍ່ໄປໃນທີ່ສ່ຽງເຊັ່ນ: ພຸ້ມໄມ້, ຄອງລະບາຍນໍ້າສິ່ງສຳຄັນທີ່ສຸດຫາກມີໄຂ້ ຫຼື ອາການເຕືອນຕ່າງໆທີ່ກ່າວມາຂ້າງເທິງນັ້ນຕ້ອງໄປໂຮງໝໍຢ່າງດຽວເທົ່ານັ້ນ ເພື່ອຮັບປະກັນຄວາມປອດໄພຂອງຕົນເອງ ແລະ ຄົນທີ່ທ່ານຮັກນັ້ນເອງ.
ຂໍ້ມູນຈາກ: www.bangpakok1.com
ຮຽບຮຽກໂດຍ: InsideLaos
Hits: 166
