ປີນີ້ ວັນພະຫັດເປັນອະທິບໍດີຝົນ ນາກຫຼີ້ນນໍ້າ 3 ໂຕ ບັນດານໃຫ້ມີຝົນຕົກ 500 ຫ່າ. ຕົກໃນຂອບຈັກກະວານ 200 ຫ່າ. ຕົກໃນປ່າຫິມະພານ 150 ຫ່າ. ຕົກໃນມະຫາສະໝຸດ 100 ຫ່າ ແລະ ຕົກໃນໂລກມະນຸດ 50 ຫ່າ ນີ້ແມ່ນຄໍາທໍານາຍ ປີ ພ.ສ 2562 ຂອງ ນັກໂຫລາສາດລາວ
ປະເທດລາວ ເລິ່ມເຂົ້າລະດູຝົນຢ່າງເປັນທາງການແລ້ວ ແຕ່ປີນີ້ ຝົນຕົກຂາດໆເຂີນ ເຮັດໃຫ້ແມ່ນໍ້າໃນທໍາມະຊາດ ຍັງຂາດນໍ້າຢູ່ ແລະ ໃນຊ່ວງທີ່ຈະຮອດມື້ພັກແບບນີ້ ຫຼາຍໆຄົນ ໂດຍສະເພາະຄົນທີ່ໃຊ້ຊິວີດໃນເມືອງ ກໍຕ້ອງຢາກອອກໄປ ຕາມນອກເມືອງ ທໍາມະຊາດ ນໍ້າຕົກຕາດ.
ນໍ້າຕົກຕາດ ຫ້ວຍຊາຍຂາວ ເປັນສະຖານທີ່ທ່ອງທ່ຽວທີ່ນິຍົມສຳລັບພັກຜ່ອນຢ່ອນໃຈຂອງຊາວນະຄອນຫຼວງວຽງຈັນ ແລະ ແຂກທີ່ມາຈາກທ່ອງຖິ່ນໃກ້ຄ້ຽງເນື່ອງຈາກວ່າຢູ່ບໍ່ໄກຈາກຕົວເມືອງຫລາຍ. ສຳລັບປີນີ້ຢູ່ບໍລິເວນຕາດ ແມ່ນບໍ່ມີນໍ້າຫຼາຍເທົ່າທີ່ຄວນ ອາດເປັນຍ້ອນສະພາບຝົນຟ້າອາກາດ ທີ່ຍັງຕົກແບບຂາດໆ ເຂີນໆ. ແຕ່ກໍຍັງມີນໍ້າພໍໃຫ້ໄດ້ລົງຫຼີ້ນຢູ່ ຫຼື ໃຜທີ່ຕ້ອງການຍາກໄປ ຊຸ່ມແຊວ-ກິນເຂົ້າປ່າ ກັບຄອບຄົວ ແລະ ໝູ່ເພື່ອນໃນມື້ພັກທ້າຍອາທິດ ແລະ ວັນພັກ ກໍຍັງສາມາດໄປໄດ້ຢູ່ ເພາະອາກາດເຢັນດີ ມີລົມພັດມາເບົາໆ ເບິ່ງທໍາມະຊາດສີຂຽວກໍໄດ້. ຫຼືຖ້າຍາກຫຼີ້ນນໍ້າແມ່ນ ແນະນໍາໃຫ້ມາຫຼັງຈາກ ມີຝົນຕົກຫລາຍແລ້ວ.
Hits: 35
