ຂໍຂອບໃຈນຳຜູ້ສະໜັບສະໜູນ

ຄືທີ່ທຸກຄົນຮູ້ນໍາກັນແລ້ວວ່າ ການດື່ມເຫຼົ້າເບຍ ແລະ ທາດແອວກໍຮໍນັ້ນ. ບໍ່ໄດ້ສ້າງປະໂຫຍດ ແລະ ຍັງເປັນການໃຊ້ຈ່າຍທີ່ບໍ່ມີເຫດຜົນ ແລະຍັງ ເຮັດໃຫ້ຂາດສະຕິ ອາດສົ່ງຜົນໃຫ້ເກີດອຸບັດເຫດອີກດ້ວຍ ແລະ ຍິ່ງໄປກວ່ານັ້ນ ຍັງເປັນການທໍາຮ້າຍ ສຸຂະພາບ ທໍາຮ້າຍລະບົບຕ່າງໆ ຂອງຮ່າງກາຍ ແລະ ເປັນສາເຫດຂອງພະຍາດຕ່າງໆ. ເມື່ອບຸນໃຫ່ຍ ເຂົ້າພັນສາໝູນວຽນກັບມາອີກຮອບ ພວກເຮົາຊາວພຸດ ກໍໄດ້ໂອກາດທີ່ຈະງົດເຄື່ອງດື່ມ ແອວກໍຮໍ ເພື່ອເປັນການສ້າງບຸນຢ່າງໜື່ງ

ຂໍ້ດີຂອງງົດເຫຼົ້າ-ເບຍ ແອວກໍຮໍ

  • ລະບົບປະສາດ ແລະ ສະໝອງດີຂື້ນ

ຫຼຸດການເກີດອາການ ປາຍປະສາດອັກເສບ ອາການມຶນຕາມມື ແລະ ຕີນ, ຫຼຸດຄວາມສ່ຽງໃນການເປັນພະຍາດສະໝອງເສື່ອມ, ສະໝອງເຮັດວຽກດີຂື້ນ

  • ລະບົບທາງເດີນອາຫານ ແລະ ຕັບດີຂື້ນ

ຫຼຸດຄວາມສ່ຽງການເປັນແຜໃນກະເພາະອາຫານ ຕັບອ່ອນຫຼັ່ງນໍ້າຍ່ອຍຕາມປົກກະຕິ ແລະ ຫຼຸດຄວາມສ່ຽງການເປັນຕັບແຂງ ແລະ ມະເຮັງຕັບ

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

  • ລະບົບຫົວໃຈ ແລະ ຫຼອດເລືອດດີຂື້ນ

ຊ່ວຍໃຫ້ການເຕັ້ນ ແລະ ບີບໂຕຂອງຫົວໃຈເປັນປົກກະຕິ ຫຼອດເລືອດເຮັດວຽກໄດ້ປົກກະຕິ  ຫຼຸດການຈັບໂຕຂອງໄຂມັນເສັ້ນເລືອດບໍ່ແຂງໂຕ,​ຫຼຸດຄວາມສ່ຽງພາວະເສັ້ນເລືອດໃນສະໝອງແຕກ

  • ລະບົບເມັດເລືອດດີຂື້ນ

ພາວະເລືອດຈາງຫຼຸດລົງ ເມັດເລືອດເຮັດວຽກ ແລະ ຜະລິດເມັດເລືອດຂາວອອກມາຢ່າງປົກກະຕິ

  • ລະບົບຂັບຖ່າຍ ແລະ ລະບົບສຶບພັນດີຂຶ້ນ

ການງົດ ຫຼື ຢຸດດື່ມເຄື່ອງດື່ມທີ່ມີແອວກໍຮໍ ສາມາດຟື້ນຟູສະມັດທະພາບທາງເພດ ໃຫ້ຫຼາຍຂື້ນ ແລະ ຂັບຖ່າຍດີຂຶ້ນ

  • ເປັນຈຸດເລີ່ມຕົ້ນທີ່ດີ ໃນການຢຸດດື່ມ ເຫຼົ້າ ເບຍ ແບບຖາວອນໃນອະນາຄົດ

ຂໍຂອບໃຈຂໍ້ມູນຈາກ: www.qvitz.com

Hits: 22

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້