Sunday, September 8, 2024
Lenovo

3 ເມືອງ ຊາຍແດນ ລາວ – ໄທ ແລກປ່ຽນຂໍ້ມູນຂ່າວສານກ່ຽວກັບການຄວບຄຸມພະຍາດອະຫິວາໝູ “ອາຟຣິກກາ”

ກອງປະຊຸມແລກປ່ຽນຂໍ້ມູນຂ່າວສານກ່ຽວກັບການຄວບຄຸມພະຍາດອະຫິວາໝູອາຟຣິກາຕາມແນວຊາຍແດນ ລະຫວ່າງ ເມືອງທ່າພະບາດ ແຂວງບໍລິຄໍາໄຊ, ເມືອງລັດຕະນະວາປີ ແຂວງໜອງຄາຍ, ເມືອງປາກຄາດ ແຂວງບຶງການ ປະເທດໄທ ໄດ້ຈັດຂຶ້ນໃນວັນທີ 12 ກໍລະກົດ 2019 ຢູ່ທີ່ຫ້ອງປະຊຸມສໍານັກງານປົກຄອງເມືອງທ່າພະບາດ.

ໂດຍເປັນກຽດເຂົ້າຮ່ວມຂອງ ທ່ານ ປອ ດວງຕາ ມໍລະຄາສຸກ ເຈົ້າເມືອງທ່າພະບາດ, ທ່ານ ທະນາວຸດ ທອງທະວີ ເຈົ້າເມືອງປາກຄາດ, ທ່ານນາງ ຈະລິຍາ ວົງສຸວັນ ຮອງເຈົ້າເມືອງລັດຕະນະວາປີ, ມີບັນດາການນຳເມືອງທ່າພະ ບາດ, ພະແນກການທີ່ກ້ຽວຂ້ອງຈາກລາວ ແລະ ໄທ, ພະນັກງານຮາກຖານປະຈໍາຢູ່ເມືອງ, ປກສ-ປກຊ ພ້ອມດ້ວຍບັນດາຫົວໜ້າຫ້ອງການພາຍໃນເມືອງເຂົ້າຮ່ວມ. 

ໃນກອງປະຊຸມ ທ່ານ ບຸນເພັງ ຈັນທະວົງສຸກ ຫົວໜ້າຫ້ອງການກະສິກໍາ ແລະ ປ່າໄມ້ເມືອງທ່າພະບາດໄດ້ນໍາສະເໜີລາຍງານສະພາບການລະບາດຂອງພະຍາດອະຫິວາໝູອາຟຣິກາຢູ່ພາກພື້ນ ແລະ ສາກົນ ວ່າ:

ຄັ້ງທິດອິດແມ່ນເກີດຂຶ້ນຢູ່ທະວີບອາຟຣິກາໃນຊຸມປີ 1907 ຕໍ່ມາປີ 2007 ໄດ້ເກີດມີການລະບາດຢູ່ທະວີບເອີຣົບ ຮອດເດືອນສິງຫາ 2018 ໄດ້ມີການລະບາດຢູ່ປະເທດຈີນ ໝູຫຼາຍກວ່າ 38,000 ໂຕ ຖືກຂ້າ ແລະ ມີການລາຍງານວ່າ ໄດ້ແຜ່ຂະຫຍາຍໄປທົ່ວທຸກພາກພື້ນຂອງຈີນ.

ຕໍ່ມາໃນວັນທີ19 ກຸມພາ 2019 ມີລາຍງານວ່າພະຍາດອະຫິວາ ໝູອາຟຣິກາໄດ້ເລີ່ມແຜ່ລະບາດຢູ່ປະເທດຫວຽດນາມ ແລະ ໄດ້ທໍາລາຍໝູໄປແລ້ວຫຼາຍກວ່າ 3,000,0000 ໂຕ.

ສ່ວນຢູ່ ສປປ ລາວ ເລີ່ມແຕ່ວັນທີ 25 ເມສາ ຫາ 10 ມີຖຸນາ 2019 ໄດ້ເກີດມີປະກົດການ ໝູຕາຍຈໍານວນ 868 ໂຕ ໃນ 7 ບ້ານ ຢູ່ເມືອງຕຸ່ມລານ ແຂວງສາລະວັນ ແລະ ມີ 1 ບ້ານຢູ່ເມືອງນາຊາຍທອງ ນະຄອນຫຼວງຈັນ, ໃນວັນທີ 3 ກໍລະກົດ 2019 ກົມລ້ຽງສັດ ແລະ ການປະມົງໄດ້ກວດພົບພະຍາດອະຫິວາ ໝູອາຟຣິກາ ຈໍານວນ 4 ຕົວຢ່າງ ຈາກ 1 ບ້ານຢູ່ເມືອງນາຊາຍທອງ ນະຄອນຫຼວງວຽງຈັນ ປະກົດການດັ່ງກ່າວນີ້ ແມ່ນບໍ່ເຄີຍມີມາກ່ອນໃນອາດີດຜ່ານມາ, ການລະບາດຂອງພະຍາດນີ້ ສາເຫດແມ່ນເກີດມາຈາກການນຳສັດ ( ໝູ ) ເຂົ້າມາຂອງປະຊາຊົນທີ່ມີຊາຍແດນຕິດກັບປະເທດຫວຽດນາມ ທີ່ມີການແລກປ່ຽນຊື້ຂາຍສິນຄ້າຕາມປະເພນີ. 

ໂດຍເຫັນໄດ້ສະພາບການດັ່ງກ່າວນັ້ນ ບັນດາທ່ານເຂົ້າຮ່ວມກອງປະຊຸມ ກໍໄດ້ມີການແລກປ່ຽນປະກອບຄໍາຄິດຄໍາເຫັນ ເພື່ອຊອກຫາວິທີຄວບຄຸມ ແລະ ປ້ອງກັນ ການລະບາດຂອງພະຍາດອະຫິວາ ໝູອາຟຣິກາ ໂດຍຫ້າມນໍາເອົາສັດປະເພດໝູ ເຂົ້າ-ອອກ ຕາມແນວຊາຍແດນ ລະຫວ່າງເມືອງທ່າພະບາດ, ເມືອງລັດຕະນະວາປີ, ເມືອງປາກຄາດ ປະເທດໄທ ເພາະວ່າໃນຊ່ວງນີ້ ແມ່ນສ່ຽງຕໍ່ການເກີດລະບາດຂອງພະຍາດ ອະຫິວາໝູອາຟຣິກາ.

ແຫຼ່ງຂໍ້ມູນ: ພາບ – ຂ່າວ bolikhamxay gov la, Media Laos

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຮູບເງົາລາວ “ນວນແສງ” ກຽມສາຍຢູ່ໂຮງຮູບເງົາ 19 ກັນຍາ 2024 ນີ້

ຮູບເງົາເລື່ອງ "ນວນແສງ" NUANSANG (THE HEARTH OF TEACHER) ເປັນຮູບເງົາທີ່ເວົ້າເຖິງ “ອຸດົມການ ອຸປະສັກ ນໍ້າຕາ ແລະ ຄວາມຮັກ” ຂອງຄູຄົນໜຶ່ງ ທີ່ໄດ້ພົບພໍ້ມາ ແລະ ກໍເປັນຮູບເງົາລາວເລື່ອງທີ 2 ຂອງປີ 2024 ນີ້ ທີ່ຈະເຂົ້າສາຍເນື່ອງໃນໂອກາດສະເຫຼີມສະຫຼອງການເປີດສົກຮຽນໃໝ່ ສົກ 2024-2025

ແຄນລາວ! ເຄື່ອງດົນຕີພື້ນເມືອງທີ່ເປັນເອກະລັກ

“ຜູ້ໃດຢູ່ເຮືອນສູງ, ກິນເຂົ້າໜຽວ, ຄ້ຽວປາແດກ, ເປົ່າແຄນສຸດສະແນນລ່ອງຂອງ” ແມ່ນຄົນລາວ, ເຊື້ອຊາດລາວໂດຍກຳເນີດ ຄຳສຸພາສິດນີ້ ຍັງດັງກ້ອງກັງວານ ກ່າວຂານກັນມາແຕ່ດົນນານແລ້ວ ເພາະແຄນຖືວ່າເປັນເຄື່ອງດົນຕີພື້ນເມືອງຂອງລາວ, ມີຕົ້ນກໍາເນີດມາຈາກຊາດລາວ, ຄົນລາວ, ເຊື້ອຊາດລາວມາຫຼາຍພັນປີ ແລະ ສຽງແຄນລາວກໍໄດ້ຈົດທະບຽນເຂົ້າເປັນມໍລະດົກໂລກໃນປີ 2018 ເພື່ອເພີ່ມ ແລະ ຍົກສູງບົດບາດຂອງແຄນລາວໃຫ້ດັງໄກໄປທົ່ວພາກພື້ນ ແລະ ໃນໂລກ.

 ນ້ຳປຽນຢໍລະປາ ມາແລ້ວຢາກມາອີກ.

ນ້ຳປຽນຢໍລະປາ ຕັ້ງຢູ່ ບ້ານຊຽງແລທ່າ, ເມືອງປາກງື່ມ, ນະຄອນຫຼວງວຽງຈັນ ຫ່າງຈາກຕົວເມືອງໄປປະມານ 70 Km ເຊິ່ງໃຊ້ເວລາໃນການເດີນທາງປະມານ 1 ຊົ່ວໂມງເຄິ່ງກໍຮອດແລ້ວ.