ຂໍຂອບໃຈນຳຜູ້ສະໜັບສະໜູນ

ວັນທີ 19 ກໍລະກົດ 2019 ທີ່​ ບາງກອກ​ ປະເທດໄທ ໄດ້ມີການນໍາສະເໜີໂຄງການສຸດຫຼູ ໂດຍ​ ຄິງ​ພາວ​ເວີ​ມະ​ຫາ​ນະ​ຄອນ (King Power Mahanakhon) ເຊິ່ງ​ເປັນ​ຕຶກ​ສູງທີ່ສຸດຢູ່ປະເທດໄທ​ ໄດ້ນຳເອົາໂຄງການ​ທີ່ພັກອາໄສອັນສຸດຫຼູຫຼາ ຣິດຊ-ຄາຕັນ ຣິຊີເດັນ ບາງກອກ (Ritz-Carlton Residences, Bangkok) ມານຳສະເໜີໃຫ້ແກ່ສື່ມວນຊົນຈາກປະເທດອ້ອມຂ້າງ.​ ທີ່ພັກອາໄສດັ່ງ​ກ່າວຕັ້ງຢູ່ເຂດສາທອນ ເຊິ່ງ​ເປັນເຂດທຸລະກິດໃຈກາງ​ ນອກຈາກນີ້​ ທ່ານຍັງສາມາດເປັນເຈົ້າຂອງກຳມະສິດໄດ້

ທີ່ພັກອາໄສດັ່ງກ່າວ ຕັ້ງຢູ່ຊັ້ນທີ 23 ເຖິງ 73 ຂອງອາຄານທີ່​ມີ​ເອ​ກະ​ລັກ​ອັນ​ໂດດ​ເດັ່ນ​. ​ມີຫ້ອງຫຼາຍຂະ​ໜາດ​ເຊິ່ງ​ເລີ່ມແຕ່ 2-4 ຫ້ອງນອນໂດຍຂະໜາດແມ່ນ 135 ຕາແມັດຈົນ​ໄປຮອດ 447 ຕາແມັດ​

ທີ່ສຳຄັນແມ່ນ​ຢູ່​ບໍ່​ໄກ​ຈາກຈາກສະຖານີລົດໄຟ​ຊອງ​ນົນ​ຊີ (Chong Nonsi BTS station) ເຊິ່ງເຮັດໃຫ້ການເດີນທາງມີຄວາມສະດວກສະບາຍຂື້ນ

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໂຄງການດັ່ງກ່າວແມ່ນ​ຕົບ​ແຕ່ງພາຍໃນໂດຍບໍ​ລິ​ສັດ David Collins studio. ທີ່ໄດ້ສ້າງສິ່ງອໍານວຍຄວາມສະດວກຕ່າງໆ​ ປະ​ກອບ​ມີຫ້ອງພັກຜ່ອນຢູ່​ຊັ້ນ 54 ເຊິ່ງ​ຜູ້​ເປັນ​ເຈົ້າ​ຂອງ​ຫ້ອງສາ​ມາດ​ອ່ານ​ໜັງ​ສືໃນຫ້ອງສະໝຸດ, ຫ້ອງ​ກິນ​ດື່ມ​ ຫຼື​ ບາ, ຫ້ອງຮັບປະທານອາຫານ, ຫ້ອງຄົວ, ຫ້ອງນັ່ງຫຼິ້ນ, ຫ້ອງປະ​ຊຸມແລະ​ ຫ້ອງເບິ່ງ​ໂທລະ​ພາບ.

ທ່ານ Marc Begassat ຜູ້ອໍານວຍການຂອງ King Power Mahanakhon ກ່າວວ່າ: ເປັນໂອກາດຄຳ​ອັນແທ້​ຈິງທີ່​ຈະເປັນເຈົ້າຂອງທີ່​ພັກອາໄສໃນ​ເຂດ​ສຳ​ຄັນ​ທີ່​ເປັນ​ເອ​ກະ​ລັກ​ໃນ​ອາ​ຄານ​ເຊິ່ງ​ຖື​ວ່າ​ເປັນ​ໜຶ່ງ​ໃນ​ອາ​ຄານ​ສູງ​ທີ່​ສຸດ​ຂອງ​ປະ​ເທດ​ໄທ. ໃນຂະນະທີ່ພວກເຮົາສືບຕໍ່ເພື່ອສ້າງຈຸດໝາຍປາຍທາງທີ່ປະສົມປະສານກັບການຕ້ອນຮັບທີ່ໂດດເດັ່ນ, ອາຫານທີ່ໄດ້ຮັບລາງວັນແລະສະຖານທີ່ພັກຫຼູຫຼາ​ລະ​ດັບ​ໂລກ, ພວກເຮົາຫວັງວ່າຈະສະ​ໜອງ​ປະ​ສົບ​ການຊີວິດຕົວເມືອງ​ທີ່​ໂດດ​ເດັ່ນໃຫ້ຜູ້ເປັນເຈົ້າຂອງຢູ່ທີ່ King Power Mahanakhon

ທ່ານຍັງໄດ້ກ່າວຕື່ມອີກວ່າ: ລາ​ຄາ​ທີ່ພັກອາໄສ Ritz-Carlton Residents ເລີ່ມຕົ້ນຈາກ 42 ລ້ານບາດຕໍ່ຫົວໜ່ວຍ ສິດທິພິເສດສໍາລັບຜູ້ຊື້ທີ່​ເປັນສະມາຊິກ King Power Crown ຈະໄດ້ບັດເງິນສົດມູນ​ຄ່າ 50,000 ບາດເພື່ອໃຊ້ໃນການບໍລິການອາຫານທີ່ໂຮງແຮມ Pullman Bangkok King Power ແລະ ປີ້​ໄປ​ເບິ່ງ​​ເຕະບານ Premier League 2 ປີ້ ຢູ່​ເດີ່ນ King Power Stadium, ເມືອງ Leicester City, ປະ​ເທດອັງກິດ.

ນອກຈາກນີ້​ ພາຍໃນອາຄານ​ຍັງ​ມີ​ຫຼາຍ​ກິດ​ຈະ​ກຳ​ທີ່​ໜ້າ​ສົນ​ໃຈ​ເຊັ່ນ​ວ່າ ຈຸດຊົມ​ວິວ​ທີ່ສູງທີ່ສຸດຂອງປະເທດໄທ, ຮ້ານ​ຂາຍ​ເຄືຶ່ອງ​ປອດ​ພາ​ສີ, ຮ້ານ​ຂາຍ​ເຄື່ອງຍຍ່ອຍ, ຮ້ານ​ກິນ​ດື່ມ ແລະ ຮ້ານອາຫານ

Hits: 27

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້