ທີ່ມາຂອງບ້ານ ຕານປ່ຽວ ແມ່ນສະໄໝເສິກຫໍ້ ການຜ່າຍແພ້ເສິກສົງຄາມຂອງເຈົ້ານ້ອຍເມືອງພວນ ທີ່ຈິງແລ້ວຊາວບ້ານຕານປ່ຽວແມ່ນຊາວພວນນັ້ນເອງໄດ້ອົບພະຍົບມາຈາກໜອງ ກະແສ ໃຕ້ປະເທດຈີນຍ້ອນການບຽດຍຶດຂອງກຸ່ມຄົນທີ່ມີອິດທິພົນເສິກສົງຄາມຫໍ້ໄດ້ທຳລາຍລ້າງເຂັນຂ້າປຸ້ນຈີ້,ຊາວພວນດັ່ງກ່າວໄດ້ພາກັນຍົກຍ້າຍໜີມາຕາມລ້ອງແມ່ນໍ້າຂອງຕອນເໜືອ ຄົນພວນດັ່ງກ່າວໄດ້ພາກັນແຍກກັນໄປພາກສ່ວນໜື່ງໄດ້ພາກັນເດີນທາງລຽບເລາະຕາມສາຍແມ່ນໍ້າຂອງ,ແລະຈຳນວນໜື່ງໄດ້ພາກັນແຕ່ງແພລົງມາລຽບຕາມລ້ອງແມ່ນໍ້າງື່ມ.
ຊາວພວນດັ່ງກ່າວໄດ້ພາກັນຢາຍກັນຕັ້ງຖີ່ນຖານຕາມແຄມແມ່ນໍ້າງື່ມແຕ່ເໜືອເຖີງໃຕ້ ລາວພວນຈຳນວນໜື່ງໄດ້ພາກັນຢຸດຢັ້ງຢູ່ດິນແດນທີ່ມີຊື່ວ່າບ້ານ ລີງສັ່ນ [ປະຈຸບັນບ້ານ ຫຼີ່ງຊັນ] ປະຊາຊົນຈຳນວນດັ່ງກ່າວບາງຄອບຄົວໄດ້ຕັ້ງຖິ່ນຖານຢູ່ທີ່ນັ້ນ,ບາງຄອບຄົວ ຫຼື ບາງບຸກຄົນກໍ່ໄດ້ພາກັນຍົກຍ້າຍຖີ່ນຖານມາຕັ້ງບ້ານເຮືອນແຖວ ບ້ານພະໂຄ,ບ້ານພະທາວ ,ບ້ານນາແພງ ,ບ້ານໂພນແກ້ວ ແລະ ບ້ານນານົກຂຸ້ມ [ລຽບຕາມສາຍພູເຂົາຄວາຍ].
ໃນໄລຍະນັ້ນປະຊາຊົນລາວພວນທີ່ໄດ້ມາຕັ້ງຖິ່ນຖານຢູ່ແຕ່ລະບ້ານ<ລະບຸໄວ້ຂ້າງເທີງ>ມີການຂະຫຍາຍກ່ຽວກັບ ພົນລະເມືອງ,ສ້າງເສດຖະກິດ,ວັດທະນະທຳແລະສັງຄົມ ,ສ້າງທຳມາຫາກິນ ,ເກັບເຄື່ອງປ່າຫາຂອງດົງ ເລີຍມາເຫັນດິນແດນໜື່ງທີ່ມີ ຄວາມອຸດົມສົມບູນ ຕິດກັບແມ່ນໍ້າງື່ມ ມີຫ້ວຍຮ່ອງຄອງບືງເໝາະສົມສຳລັບການດຳລົງຊີວີດ ຊາວພວນດັ່ງກ່າວ ຈື່ງໄດ້ອອກເຮືອນຊານມາເຮັດຮົ້ວ,ເຮັດສວນຢູ່ໃນເຂດດັ່ງກ່າວ <ຍັງບໍ່ປະກົດມີຊື່ບ້ານ>.
ຢູ່ຕໍ່ມາປະຊາຊົນດັ່ງກ່າວໄດ້ພົບເຫັນປ່າຕານດອນໜື່ງມີປະມານ7ຕົ້ນ. ໃນຈຳນວນ7ຕົ້ນ ມີຕົ້ນໜື່ງຫ່າງຈາກໝູ່ປະມານ9-11m ປາຍຂອງຕົ້ນຕານດັ່ງກ່າວໄດ້ເນີ້ງຂື້ນທາງທິດເໜືອ ຜູ້ເຖົ້າຜູ້ແກ່,ຜູ້ທີ່ເປັນເຈົ້າກົກເຈ້າເຫຼົ່າ ແລະ ຜູ້ທີ່ມາອາໄສຢູ່ກ່ອນໄດ້ພາກັນສັນນິຖານວ່າ ຕົ້ນຕານດັ່ງກ່າວແມ່ນແປກໝູ່ ເລີຍພ້ອມພຽງກັນໃສ່ຊື່ຫຼືຮ້ອງຂານ ເອີ້ນວ່າ ບ້ານຕານປ່ຽວ ຈົນມາຮອດປະຈຸບັນ.(ໝາຍຄວາມວ່າ ຕົ້ນຕານທີຢູ່ປ່ຽວ ຢູ່ຕົ້ນດຽວ)
ຜູ້ເຖົ້າຜູ້ແກ່ ບາງຄົນໄດ້ເວົ້າວ່າການສ້າງບ້ານຕານປ່ຽວ ແມ່ນມີ ພໍ່ຄ້າທີ່ມາຈາກພາກເໜືອມາຊ່ວຍສ້າງເເລະນຳສິນຄ້າມາແລກປ່ຽນຊື້ຂາຍຄື ພໍ່ຕູ້ ເຄ. ສັງເກດເບີ່ງວ່າຊາວບ້ານຕານປ່ຽວທີ່ມີເຊື້ອໂຄດຍາດວົງສາ ຈະມີຮົ້ວໄຮ່ນາສວນຍູ່ ແຖບ ພະໂຄ ພະທາວ ນາແພງ ແລະ ນານົກຂຸ້ມ ຍ້ອນມາຈາກການສືບເຊື້ອສາຍມາແຕ່ສະໄຫມກ່ອນສ້າງບ້ານ,ການລ້ຽງຜີບັນພະບຸລຸດຫລື ຫໍອ້າຍ ຫໍນ້ອງ
ບ້ານຕານປ່ຽວ ໄດ້ສ້າງມາຫຼາຍມາຫຼາຍສະຕະວັດແລ້ວລວມ370 ກ່ວາປີ ທັງໝົດນີ້ແມ່ນຂໍ້ມູນຈາກການບອກເລົ່າຂອງຄູບາອາຈານ,ຜູ້ເຖົ້າຜູ້ແກ່ ,ອາດີດເລຂາພັກບ້ານ-ນາຍບ້ານທ່ານ ສຸດສາຄອນ ວັນນາລີ (ບອກຂໍ້ມູນ ແລະ ທ່ານພໍ່ຕູ້ຊຽງມຸ່ງ ເລົ່າປະຫວັດ) ບອກສືບຕໍ່ກັນມາ.
ບ້ານຕານປ່ຽວ ເປັນບ້ານໜື່ງທີ່ມີປະຫວັດທີ່ມີມາຢ່າງຍາວນານ ແລະມູນເຊື້ອ ແຕ່ອາດີດຈົນມາຮອດ ປະຈຸບັນ ປະກອບມີສາມຄຸ້ມ ເໜືອ ໃຕ້ ໂພນເມັງ <ສາມວັດ>ປະຊາຊົນພາຍໃນບ້ານມີມູນເຊື້ອຂະຫຍັນໝັ່ນພຽນ ອອກແຮງເພີ່ມພູນຜະລິດຜົນ ປະກອບມີ ເລຂາພັກບ້ານ ນາຍບ້ານ ເຖົ້າແກ່ແນວໂຮມ ແລະ ອົງການຈັດຕັ້ງ ມະຫາຊົນ.
ທິດເໜືອ ຕິດກັບບ້ານຈຸ້ມ ແຈ້ງ ບ້ານຖີ່ນ, ທິດໃຕ້ ຕິດກັບ ບ້ານຫາດສວນ, ທິດຕາເວັນອອກຕິດກັບເຂດແດນບ້ານຂຸດສາມບາດ ບ້ານສຸກສາລາ
ທິດຕາເວັນຕົກ ຕິດກັບ ເຂດແດນບ້ານແສນດິນໂດຍມີແມ່ນໍ້າງື່ມ ເປັນເຂດແດນ.
ແຫຼ່ງຂໍ້ມູນ: facebook.com/ບ້ານຕານປ່ຽວ-1504638053174787/