ພິທີວາງສີລາລຶກໂຄງການພັດທະນາສວນວັດທະນະທຳລ້ານຊ້າງ ບ້ານດົງສ້າງຫີນ ເມືອງໄຊທານີ ນະຄອນຫຼວງວຽງຈັນ (ນວ) ໂດຍມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ທ່ານ ສົມສະຫວາດ ເລັ່ງສະຫວັດ ອະດິດຮອງນາຍົກລັດຖະມົນຕີ ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ພ້ອມດ້ວຍອະດີດການນຳ ຄະນະບໍລິຫານ ບໍລິສັດຜູ້ຮັບເໝົາ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ຄອນຄຳ ອິນທະວົງ ປະທານບໍລິສັດ ພັດທະນາສວນວັດທະນະທຳລ້ານຊ້າງ ຈຳກັດ ກ່າວວ່າ:
ບໍລິສັດ ໂອເຊຍໂນ ຈຳກັດ ສ້າງຕັ້ງປີ 2012 ໂດຍມີບໍລິສັດໃນເຄືອທຸລະກິດຮ່ວມ ເປັນຕົ້ນ ຮັບເໝົາກໍ່ສ້າງເສັ້ນທາງ ທ່າເຮືອ ພັດທະນາອະສັງຫາລິມະຊັບ ດ້ານປະກັນໄພ ແລະ ສະຖາບັນການເງິນທີ່ບໍ່ຮັບເງິນຝາກ ໄລຍະຜ່ານມາໄດ້ຮັບການຮ່ວມມືຈາກຫຼາຍພາກສ່ວນທັງສູນກາງ ແລະ ທ້ອງຖິ່ນ ເຮັດໃຫ້ບໍລິສັດພວກເຮົາເຕີບໃຫຍ່ເຂັ້ມແຂງໃນການດຳເນີນທຸລະກິດເປັນກ້າວໆ ແລະ ໄດ້ປະກອບສ່ວນທຶນຮອນຈຳນວນໜຶ່ງໃນການສ້າງສາ ພັດທະນາ ແລະ ຊ່ວຍເຫຼືອສັງຄົມ ຊ່ວຍພັກ ແລະ ລັດຖະບານ.
ໂຄງການພັດທະນາສວນວັດທະນະທຳລ້ານຊ້າງ ແມ່ນແນວຄວາມຄິດຂອງພາກລັດ ແລະ ນັກທຸລະກິດ ເວົ້າສະເພາະກະຊວງ ຖວທ ຮ່ວມກັບ ບໍລິສັດ ໂອເຊຍໂນ ຈຳກັດ ທີ່ຢາກພັດທະນາສະຖານທີ່ແຫ່ງນີ້ ເປັນແຫຼ່ງທ່ອງທ່ຽວດ້ານວັດທະນະທຳ ທຳມະຊາດແບບຍືນຍົງ ສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດ ຍຸດທະສາດການເຕີບໂຕສີຂຽວ ແລະ ກົດໝາຍວ່າດ້ວຍການສົ່ງເສີມການລົງທຶນຂອງ ສປປ ລາວ ໂຄງການນີ້ ເປັນການຮ່ວມທຶນຂອງບໍລິສັດພາຍໃນກັບຕ່າງປະເທດ ທີ່ມີປະສົບການສູງດ້ານການທ່ອງທ່ຽວ ການກໍ່ສ້າງໃນອະນຸພາກພື້ນ ມີຄວາມພ້ອມດ້ານທຶນຮອນ ອຸປະກອນ ກົນຈັກ ເຄື່ອງມືຮັບໃຊ້ ແລະ ເຕັກນິກວິຊາການ ໂດຍເບື້ອງຕົ້ນຈະລົງທຶນ 80 ລ້ານໂດລາສະຫະລັດ ຫຼື ປະມານ 694,55 ຕື້ກີບ ໃຊ້ເວລາກໍ່ສ້າງ 9 ປີ ໂດຍແບ່ງເປັນ 3 ໄລຍະ
ໃນນີ້ ກິດຈະກຳຫຼັກປະກອບມີ: ເຂດສວນສະໜຸກ ສວນນ້ຳ ແລະ ສວນວັດທະນະທຳ ເຂດສວນພຶກສາສາດ ແລະ ສວນສັດ ເຂດບ້ານຈັດສັນ ແລະ ພື້ນຖານໂຄງລ່າງ ສິ່ງອຳນວຍຄວາມສະ ດວກໃນໂຄງການ ໃນນີ້ ເບື້ອງຕົ້ນຈະກໍ່ສ້າງສວນສະໜຸກ ສວນນ້ຳ ໂຮງແຮມ ໃຊ້ເວລາ 3 ປີ ໃຫ້ສຳເລັດ ແລະ ເປີດບໍລິການ ຈາກນັ້ນ ຈະສືບຕໍ່ປະຕິບັດກິດຈະກຳທີ່ຍັງເຫຼືອໃຫ້ສຳເລັດ.
ທ່ານ ບົວເງິນ ຊາພູວົງ ຮອງລັດຖະມົນຕີກະຊວງ ຖວທ ກ່າວວ່າ:
ໂຄງການພັດທະນາສວນວັດທະນະທຳລ້ານຊ້າງ ມີເປົ້າໝາຍເພື່ອພັດທະນາເປັນແຫຼ່ງພັກຜ່ອນ ແລະ ຮຽນຮູ້ຂອງຊຸມຊົນ ທັງເປັນການອະນຸຮັກທຳມະຊາດ ຄວາມຫຼວງຫຼາຍດ້ານຮີດຄອງປະເພນີ ວັດທະນະທຳຂອງປະຊາຊົນລາວບັນດາເຜົ່າ ເພື່ອສະແດງໃຫ້ເຫັນປະຫວັດສາດອັນຍາວນານ ແລະ ຄວາມອຸດົມຮັ່ງມີໃນຄວາມຫຼວງຫຼາຍ ດ້ານມູນເຊື້ອວັດທະນະທຳອັນດີງາມຂອງຊາດລາວ.
ຫາກໂຄງການນີ້ສ້າງສຳເລັດ ນວ ກໍຄື ສປປ ລາວ ຈະມີສວນສະໜຸກທີ່ໄດ້ມາດຕະຖານຂອງພາກພື້ນ ແລະ ສາກົນ ຂ້າພະເຈົ້າຮຽກຮ້ອງໃຫ້ຜູ້ຮັບເໝົາ ຮ່ວມກັບພາກສ່ວນກ່ຽວຂ້ອງ ປະຕິບັດໂຄງການນີ້ໃຫ້ຖືກຕ້ອງ ແລະ ຮັກສາມູນເຊື້ອວັດທະນະທຳອັນດີງາມຂອງຊາດ ຂອງເຜົ່າ ຄຽງຄູ່ກັບການນຳສິ່ງໃໝ່ໆຂອງໂລກມານຳໃຊ້ ເພື່ອໃຫ້ສວນແຫ່ງນີ້ເປັນແຫຼ່ງຄວາມງາມ ມ່ວນຊື່ນ ແລະ ສີວິໄລ ເປັນມໍລະດົກໃຫ້ຮຸ່ນລູກຫຼານໄດ້ຊົມໃຊ້ຕະຫຼອດໄປ ແລະ ກາຍເປັນແຫຼ່ງທ່ອງທ່ຽວທີ່ໂດດເດັ່ນຂອງ ສປປ ລາວ ເພື່ອຕ້ອນຮັບນັກທ່ອງທ່ຽວພາຍໃນ ແລະ ຕ່າງປະເທດ.
ແຫຼ່ງຂໍ້ມູນ: ໜັງສືພິມວຽງຈັນໃໝ່
ພິທີວາງສີລາລຶກໂຄງການພັດທະນາສວນວັດທະນະທຳລ້ານຊ້າງ ບ້ານດົງສ້າງຫີນ ເມືອງໄຊທານີ ນະຄອນຫຼວງວຽງຈັນ (ນວ) ໂດຍມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ທ່ານ ສົມສະຫວາດ ເລັ່ງສະຫວັດ ອະດິດຮອງນາຍົກລັດຖະມົນຕີ ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ພ້ອມດ້ວຍອະດີດການນຳ ຄະນະບໍລິຫານ ບໍລິສັດຜູ້ຮັບເໝົາ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ຄອນຄຳ ອິນທະວົງ ປະທານບໍລິສັດ ພັດທະນາສວນວັດທະນະທຳລ້ານຊ້າງ ຈຳກັດ ກ່າວວ່າ:
ບໍລິສັດ ໂອເຊຍໂນ ຈຳກັດ ສ້າງຕັ້ງປີ 2012 ໂດຍມີບໍລິສັດໃນເຄືອທຸລະກິດຮ່ວມ ເປັນຕົ້ນ ຮັບເໝົາກໍ່ສ້າງເສັ້ນທາງ ທ່າເຮືອ ພັດທະນາອະສັງຫາລິມະຊັບ ດ້ານປະກັນໄພ ແລະ ສະຖາບັນການເງິນທີ່ບໍ່ຮັບເງິນຝາກ ໄລຍະຜ່ານມາໄດ້ຮັບການຮ່ວມມືຈາກຫຼາຍພາກສ່ວນທັງສູນກາງ ແລະ ທ້ອງຖິ່ນ ເຮັດໃຫ້ບໍລິສັດພວກເຮົາເຕີບໃຫຍ່ເຂັ້ມແຂງໃນການດຳເນີນທຸລະກິດເປັນກ້າວໆ ແລະ ໄດ້ປະກອບສ່ວນທຶນຮອນຈຳນວນໜຶ່ງໃນການສ້າງສາ ພັດທະນາ ແລະ ຊ່ວຍເຫຼືອສັງຄົມ ຊ່ວຍພັກ ແລະ ລັດຖະບານ.
ໂຄງການພັດທະນາສວນວັດທະນະທຳລ້ານຊ້າງ ແມ່ນແນວຄວາມຄິດຂອງພາກລັດ ແລະ ນັກທຸລະກິດ ເວົ້າສະເພາະກະຊວງ ຖວທ ຮ່ວມກັບ ບໍລິສັດ ໂອເຊຍໂນ ຈຳກັດ ທີ່ຢາກພັດທະນາສະຖານທີ່ແຫ່ງນີ້ ເປັນແຫຼ່ງທ່ອງທ່ຽວດ້ານວັດທະນະທຳ ທຳມະຊາດແບບຍືນຍົງ ສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດ ຍຸດທະສາດການເຕີບໂຕສີຂຽວ ແລະ ກົດໝາຍວ່າດ້ວຍການສົ່ງເສີມການລົງທຶນຂອງ ສປປ ລາວ ໂຄງການນີ້ ເປັນການຮ່ວມທຶນຂອງບໍລິສັດພາຍໃນກັບຕ່າງປະເທດ ທີ່ມີປະສົບການສູງດ້ານການທ່ອງທ່ຽວ ການກໍ່ສ້າງໃນອະນຸພາກພື້ນ ມີຄວາມພ້ອມດ້ານທຶນຮອນ ອຸປະກອນ ກົນຈັກ ເຄື່ອງມືຮັບໃຊ້ ແລະ ເຕັກນິກວິຊາການ ໂດຍເບື້ອງຕົ້ນຈະລົງທຶນ 80 ລ້ານໂດລາສະຫະລັດ ຫຼື ປະມານ 694,55 ຕື້ກີບ ໃຊ້ເວລາກໍ່ສ້າງ 9 ປີ ໂດຍແບ່ງເປັນ 3 ໄລຍະ
ໃນນີ້ ກິດຈະກຳຫຼັກປະກອບມີ: ເຂດສວນສະໜຸກ ສວນນ້ຳ ແລະ ສວນວັດທະນະທຳ ເຂດສວນພຶກສາສາດ ແລະ ສວນສັດ ເຂດບ້ານຈັດສັນ ແລະ ພື້ນຖານໂຄງລ່າງ ສິ່ງອຳນວຍຄວາມສະ ດວກໃນໂຄງການ ໃນນີ້ ເບື້ອງຕົ້ນຈະກໍ່ສ້າງສວນສະໜຸກ ສວນນ້ຳ ໂຮງແຮມ ໃຊ້ເວລາ 3 ປີ ໃຫ້ສຳເລັດ ແລະ ເປີດບໍລິການ ຈາກນັ້ນ ຈະສືບຕໍ່ປະຕິບັດກິດຈະກຳທີ່ຍັງເຫຼືອໃຫ້ສຳເລັດ.
ທ່ານ ບົວເງິນ ຊາພູວົງ ຮອງລັດຖະມົນຕີກະຊວງ ຖວທ ກ່າວວ່າ:
ໂຄງການພັດທະນາສວນວັດທະນະທຳລ້ານຊ້າງ ມີເປົ້າໝາຍເພື່ອພັດທະນາເປັນແຫຼ່ງພັກຜ່ອນ ແລະ ຮຽນຮູ້ຂອງຊຸມຊົນ ທັງເປັນການອະນຸຮັກທຳມະຊາດ ຄວາມຫຼວງຫຼາຍດ້ານຮີດຄອງປະເພນີ ວັດທະນະທຳຂອງປະຊາຊົນລາວບັນດາເຜົ່າ ເພື່ອສະແດງໃຫ້ເຫັນປະຫວັດສາດອັນຍາວນານ ແລະ ຄວາມອຸດົມຮັ່ງມີໃນຄວາມຫຼວງຫຼາຍ ດ້ານມູນເຊື້ອວັດທະນະທຳອັນດີງາມຂອງຊາດລາວ.
ຫາກໂຄງການນີ້ສ້າງສຳເລັດ ນວ ກໍຄື ສປປ ລາວ ຈະມີສວນສະໜຸກທີ່ໄດ້ມາດຕະຖານຂອງພາກພື້ນ ແລະ ສາກົນ ຂ້າພະເຈົ້າຮຽກຮ້ອງໃຫ້ຜູ້ຮັບເໝົາ ຮ່ວມກັບພາກສ່ວນກ່ຽວຂ້ອງ ປະຕິບັດໂຄງການນີ້ໃຫ້ຖືກຕ້ອງ ແລະ ຮັກສາມູນເຊື້ອວັດທະນະທຳອັນດີງາມຂອງຊາດ ຂອງເຜົ່າ ຄຽງຄູ່ກັບການນຳສິ່ງໃໝ່ໆຂອງໂລກມານຳໃຊ້ ເພື່ອໃຫ້ສວນແຫ່ງນີ້ເປັນແຫຼ່ງຄວາມງາມ ມ່ວນຊື່ນ ແລະ ສີວິໄລ ເປັນມໍລະດົກໃຫ້ຮຸ່ນລູກຫຼານໄດ້ຊົມໃຊ້ຕະຫຼອດໄປ ແລະ ກາຍເປັນແຫຼ່ງທ່ອງທ່ຽວທີ່ໂດດເດັ່ນຂອງ ສປປ ລາວ ເພື່ອຕ້ອນຮັບນັກທ່ອງທ່ຽວພາຍໃນ ແລະ ຕ່າງປະເທດ.
ແຫຼ່ງຂໍ້ມູນ: ໜັງສືພິມວຽງຈັນໃໝ່
