ທາດດໍາຕັ້ງຢູ່ໃຈກາງເມືອງວຽງຈັນ ຕາມຕໍານານທີ່ເລົ່າສືບທອດກັນມາ ສະໄໝກ່ອນພະທາດນີ້ເຄີຍເປັນທາງເຂົ້າອອກເມືອງບາດານຂອງພະຍານາກ 7 ຫົວ ທີ່ຊ່ວຍຄຸ້ມຄອງປົກປັກຮັກສາເມືອງວຽງຈັນໃຫ້ພົ້ນຈາກການໂຈມຕີຂອງສະຫຍາມ ແຕ່ລາຊະການທີ 1 ໄດ້ໃຫ້ທະຫານສ້າງທາດປິດທາງອອກພະຍານາກໄວ້ເຮັດໃຫ້ພະຍານາກອອກມາຊ່ວຍຊາວວຽງຈັນບໍ່ໄດ້ ສະຫຍາມຈຶ່ງມາຮຸກຮານລາວ ແລະນີ້ຄືພາບທາດດໍາໃນປັດຈຸບັນ
ທາດດໍາ ເປັນສະຖານທີ່ຍັງທີບໍ່ທັນຄົ້ນພົບຄວາມເປັນມາທີ່ແນ່ນອນ ຮູ້ແຕ່ວ່າໄດ້ຮັບການສ້າງຕັ້ງຂຶ້ນໃນສະຕະວັດທີ 16 ແລະ ໃນເວລານັ້ນທາດນີ້ ເພິ່ນເອີ້ນວ່າ “ທາດຄໍາ” ຍ້ອນວ່າມັນຖືກໂອບດ້ວຍຄໍາ, ຕໍ່ມາສະຫຍາມໄດ້ເຂົ້າມາຮຸກຮານວຽງຈັນໃນປີ 1828 ແລ້ວໄດ້ຂູດເອົາຄໍານັ້ນອອກຈາກໂຕທາດ ແລະ ບາງຄົນເຊື່ອວ່າສ້າງຂຶ້ນຍ້ອນສະຫຍາມໄດ້ຕົວະຄົນວຽງຈັນວ່າ:
ພະຍານາກເປັນສິ່ງທີ່ເຮັດໃຫ້ຄົນວຽງຈັນຫຼົ້ມຕາຍເປັນຈໍານວນຫຼາຍ ເຮັດໃຫ້ຄົນວຽງຈັນໄດ້ສ້າງທາດດໍານີ້ຂຶ້ນເພື່ອຕັນຮູຂອງພະຍານາກບໍ່ໃຫ້ຂຶ້ນມາອີກ ທັງທີ່ພະຍານາກແມ່ນຂຶ້ນມາຊ່ວຍເມືອງວຽງຈັນຈາກການຮຸກຮານຂອງສະຫຍາມ.
ສ່ວນລັກສະນະທາດດໍາສັນນິຖານວ່າ ມີຮູບແບບຄືກັບລະຄັງ 8 ຫຼ່ຽມ ແລະ ມີທາດນ້ອຍອ້ອມຂ້າງ ທາດດໍາ ເຊິ່ງມີລັກສະນະຮູບແບບຖານຄ້າຍຄືກັບທາດຂອງສະຫຍາມ ແລະ ລ້ານນາທີ່ນິຍົມສ້າງ ເນື່ອງຈາກຖານຂອງທາດເປັນ 8 ຫຼ່ຽມຄືກັນ ສ່ວນຕົວທາດທີ່ເປັນລະຄັງ ສະນັ້ນຖານທາດ 8 ຫຼ່ຽມໃນສະໄໝລ້ານຊ້າງເຊື່ອວ່າຊ່າງລ້ານຊ້າງຈະເປັນຄົນປະດິດຂຶ້ນ ແລະ ຄາດວ່າຈະເປັນການສືບຕໍ່ຈາກທາດລະຄັງ 4 ຫຼ່ຽມ ເພາະມີລັກສະນະຄືກັນ ແຕ່ມີການລົບມູມໃຫ້ເຫັນຫຼາຍຫຼ່ຽມເຮັດໃຫ້ຕົວທາດຈະຄ້າຍຄືກັບດອກບົວ.
ປັດຈຸບັນ ທາດດໍາເປັນໜຶ່ງໃນວັດຖຸບູຮານທີ່ຍັງຄົງສະພາບຫຼົງເຫຼືອໂດຍບໍ່ຖືກທໍາລາຍ ຈາກການຍຶດຄອງຂອງພວກສະຫຍາມໃນສະຕະວັດທີ 16, ແລະ ກາຍເປັນສວນສາຖາລະນະ ທີ່ຕັ້ງຢູ່ໃຈວຽງຈັນ ຊຶ່ງຕົວທາດຍັງຄົງຄວາມເກົ່າຄືເກົ່າ.
ທາດດໍາຕັ້ງຢູ່ໃຈກາງເມືອງ ບ້ານສີສະເກດ ເມືອງຈັນທະບູລີ ຕັ້ງຫ່າງຈາກຈຸດສູນກາງເມືອງ ປະມານ 0,5 ກິໂລແມັດ ມີບັນຍາກາດງຽບສະຫງົບ ແລະ ສົດຊື່ນດີເໜາະແກ່ການແວ່ນັ່ງພັກຜ່ອນ.
ແຫຼ່ຂໍ້ມູນ: THATDAM.BLOGSPOT
