ຕາມການລາຍງານຈາກ ທ່ານ ບຸນຈັນ ໄຊປັນຍາ ຫົວໜ້າພະແນກກະສິກໍາ ແລະ ປ່າໄມ້ແຂວງຄໍາມ່ວນໃຫ້ຮູ້ວ່າ: ໃນການຜະລິດພືດລະດູຝົນປີ 2019 ນີ້ ຢູ່ແຂວງຄຳມ່ວນສາມາດປະຕິບັດໄດ້ລື່ນແຜນການທີ່ວາງໄວ້.
ເຊິ່ງໃນທົ່ວແຂວງ ມີເນື້ອທີ່ແຜນການສູ້ຊົນປູກພືດທັງໝົດ 5.670 ເຮັກຕາ, ຄາດຄະເນຜົນຜະລິດໃຫ້ໄດ້ 68.780 ໂຕນ. ໃນນີ້ເນື້ອທີ່ແຜນການຜະລິດພືດເປັນສະບຽງອາຫານ 2.060 ເຮັກຕາ, ຄາດຄະເນຜົນຜະລິດໃຫ້ໄດ້ 23.890 ໂຕນ, ເນື້ອທີ່ແຜນການຜະລິດພືດເປັນສິນຄ້າ 3.610 ເຮັກຕາ, ຄາດຄະເນຜົນຜະລິດໃຫ້ໄດ້ 44.890 ໂຕນ.
ຜ່ານການຈັດຕັ້ງປະຕິບັດເນື້ອທີ່ຕົວຈິງໄດ້ 5.868 ເຮັກຕາ ລື່ນແຜນການ 88 ເຮັກຕາ, ໃນນີ້ຜະລິດພືດເປັນສະ ບຽງອາຫານປະຕິບັດໄດ້ 1.759 ເຮັກຕາ, ຜະລິດພືດເປັນສິນຄ້າປະຕິບັດໄດ້ 4.109 ເຮັກຕາ ລື່ນແຜນການ 599 ເຮັກຕາ.
ໃນນັ້ນ, ພືດທີ່ກະສິກອນນິຍົມປູກໃນຊ່ວງລະດູຝົນ ປະກອບມີ ສາລີ, ໝາກແຕງ, ໝາກຖົ່ວ, ໝາກໂມ, ໝາກເຂືອ ແລະ ພືດຜັກຊະນິດອື່ນໆຈຳນວນໜຶ່ງ.
ແຫຼ່ງຂໍ້ມູນ: ຂ່າວ-ພາບ: ແດງສະຫວັດ ແສນພານິດ, ສຳນັກຂ່າວສານປະເທດລາວ