ສະຖາບັນຄົ້ນຄວ້າກະສິກຳ-ປ່າໄມ້ ແລະ ພັດທະນາຊົນນະບົດ ຮ່ວມກັບກຸ່ມບໍລິສັດສີມອນ ພັດທະນາກະສິກຳ ໄດ້ເຊັນສັນຍາຮ່ວມມື ວ່າດ້ວຍການຄົ້ນຄວ້າ ແລະ ພັດທະນາ ເຕັກນິກການຜະລິດກະສິກຳສະອາດ ໃນວັນທີ 92 ສິງຫາ ຜ່ານມາ ຢູ່ສູນຄົ້ນຄວ້າກະສິກຳຫລວງນ້ຳທາ ໂດຍການຮ່ວມລົງນາມ ລະຫວ່າງທ່ານ ປະດິດ ຈັນທະນຸວົງ ຫົວໜ້າສູນຄົ້ນຄວ້າເຕັກນິກການຜະລິດກະສິກຳຫລວງນ້ຳທາ ກັບ ທ່ານ ນາງ ສີມອນ ແກ້ວວົງເພັດ ປະທານກຸ່ມບໍລິສັດສີມອນ ພັດທະນາກະສິກຳຂາເຂົ້າ-ຂາອອກຈຳກັດ.
ທ່ານ ສຸກັນ ແກ້ວໜູຈັນ ຫົວໜ້າພະແນກແຜນການ ແລະ ການຮ່ວມມື ຂອງສະຖາບັນຄົ້ນຄວ້າກະສິກຳ ປ່າໄມ້ ແລະ ພັດທະນາຊົນນະບົດ ໄດ້ໃຫ້ຮູ້ວ່າ:
ໃນໃບສັນຍາໄດ້ຮັບການຕົກລົງເຫັນດີຮ່ວມກັນໃນການຄົ້ນຄ້ວາ ແລະ ພັດທະນາເຕັກນິກ ການຜະລິດກະສິກຳ ກະສິກຳສະອາດ (ຜືດຜັກ ເຂົ້າ ແລະ ໄມ້ກີນໝາກ) ເຊິ່ງບໍ່ແມ່ນການເຊົ່າ ຫລື ສຳປະທານ ໂດຍທັງສອງຝ່າຍມີໜ້າທີ່ ແລະ ຄວາມຮັບຜິດຊອບຕໍ່ກົດໝາຍເທົ່າທຽມກັນ ບົນພື້ນຖານມີຜົນປະໂຫຍດຮ່ວມກັນຢ່າງຍຸຕິທຳ ເພື່ອຍົກລະດັບການຜະລິດ ໃຫ້ສົມຄູ່ກັບຄວາມອາດສາມາດ ແລະ ທ່າແຮງຂອງພື້ນຖານວັດຖຸເຕັກນິກທີ່ມີໃນປັດຈຸບັນ, ເຊິ່ງໂຄງການດັ່ງກ່າວ ມີມູນຄ່າການລົງທຶນທັງໝົດ 1,2 ຕື້ກວ່າກີບ, ອາຍຸສັນຍາ 5 ປີ.
ຂ່າວ: ນ ຟອງຄຳ ແກ່ວນແສນຄຸນ ສຳນັກຂ່າວສານປະເທດລາວ