ສະຫາຍ ປອ ບຸນທອງ ຈິດມະນີ ກໍາມະ ການກົມການເມືອງສູນກາງພັກ, ຄະນະເລຂາທິການສູນກາງພັກ, ຮອງນາຍົກລັດຖະມົນຕີ, ປະທານ ຄະນະກວດກາສູນກາງພັກ ແລະ ອົງການກວດກາລັດຖະບານ, ຫົວ ໜ້າອົງການຕ້ານການ ສໍ້ລາດບັງ ຫຼວງຂັ້ນສູນກາງ ໄດ້ຕ້ອນຮັບ ການເຂົ້າຢ້ຽມຂໍ່ານັບ ຂອງທ່ານ ລາ ຢີຟານ ຫົວໜ້າກົມຮ່ວມມືສາ ກົນຄະນະກວດກາລະບຽບວິໄນ ສູນກາງພັກກອມມູນິດຈີນ ພ້ອມ ດ້ວຍຄະນະ.
ໃນໂອກາດທີ່ເດີນ ທາງມາເຄື່ອນໄຫວເຮັດວຽກ ແລະ ເຂົ້າຮ່ວມກອງປະຊຸມວຽກ ງານກໍ່ສ້າງໂຄງການທາງລົດ ໄຟລາວ-ຈີນ ໃຫ້ເປັນ ໂຄງການ ໂປ່ງໃສຂາວສະອາດ ຄັ້ງທີ IV ໃນລະຫວ່າງວັນທີ 1-3 ກັນຍາ 2019 ຢູ່ສປປ ລາວ.
ເຊິ່ງກ່ອນ ອື່ນທ່ານ ລາຢີຟານ ໄດ້ລາຍງານການເຄື່ອນໄຫວເຮັດວຽກຮ່ວມ ກັບບໍລິສັດທາງລົດໄຟລາວ-ຈີນ, ບັນດາບໍລິສັດຮັບເໝົາຕ່າງໆ, ອົງ ການກວດກາລັດຖະບານລາວ ແລະ ໝາກຜົນຂອງການເຂົ້າຮ່ວມ ກອງປະຊຸມວຽກງານກໍ່ສ້າງໂຄງ ການທາງລົດໄຟລາວ-ຈີນ ໃຫ້ເປັນໂຄງການໂປ່ງໃສ ຄັ້ງທີ IV ໃຫ້ທ່ານຮອງນາຍົກຊາບ.
ໂອກາດນີ້ ທ່ານ ປອ ບຸນທອງ ຈິດມະນີ ກໍໄດ້ສະແດງຄວາມຍ້ອງ ຍໍຊົມເຊີຍຕໍ່ຄະນະຜູ້ແທນ, ຄະນະກວດກາລະ ບຽບວິໄນພັກກອມ ມູນິດຈີນ ທີ່ໄດ້ເດີນທາງມາເຄື່ອນໄຫວເຮັດວຽກຢູ່ ສປປ ລາວ ອັນເປັນການເສີມສ້າງສາຍພົວພັນທີ່ດີລະຫວ່າງ ສອງພັກ-ສອງລັດ,.
ທັງເປັນການສະແດງເຖິງຄວາມ ເອົາໃຈໃສ່ຂອງທັງສອງຝ່າຍໃນ ການຊຸກຍູ້ສົ່ງເສີມໃຫ້ໂຄງການ ກໍ່ສ້າງທາງລົດ ໄຟລາວ-ຈີນ ໃຫ້ ກາຍເປັນໂຄງການໂປ່ງໃສ ຂາວ ສະອາດຢ່າງແທ້ຈິງ; ອັນຈະນໍາເອົາຜົນປະໂຫຍດ, ຄວາມຜາ ສຸກມາໃຫ້ປະຊາຊົນສອງຊາດ ລາວ-ຈີນ ໃນອະນາຄົດ.
ແຫຼ່ງຂໍ້ມູນ: Lao people’s Army News
