ໂຮງງານຜະລິດນໍ້າດື່ມ ແລະນໍ້າກ້ອນໂລມາຄຳ ໄດ້ໃຫ້ການຊ່ວຍເຫຼືອຜູ້ທີ່ປະສົບໄພນໍ້າຖ້ວມພາຍໃນແຂວງສະ ຫວັນນະ ເຂດ ຊຶ່ງໄດ້ມອບນໍ້າດື່ມ ແລະໝີ່ສຳເລັດ ຮູບໃຫ້ເມືອງຈຳພອນມູນຄ່າ 16 ລ້ານ ກີບ, ໃຫ້ເມືອງຊົນນະບູລີ 15 ລ້ານ ກີບ, ໃຫ້ເມືອງສອງຄອນ 3,31 ລ້ານ ກີບ, ໃຫ້ກູ້ໄພແຂວງສະຫວັນນະເຂດ 1,52 ລ້ານກີບ ແລະໃຫ້ເຂດເສດຖະກິດພິເສດສະຫວັນເຊໂນ 1,36 ລ້ານກີບ ລວມມູນຄ່າທັງໝົດ 37,19 ລ້ານກີບ.
ທ່ານ ເກຍ ອູ໊ສິດທິເດດ ເຈົ້າຂອງ ໂຮງງານຜະລິດນໍ້າດື່ມ ແລະນໍ້າກ້ອນ ໂລມາຄຳກ່າວວ່າ:
ໂຮງງານຂອງພວກ ເຮົາຕັ້ງຢູ່ບ້ານລັດຕະນະລັງສີໃຕ້ນະຄອນໄກສອນ ພົມວິຫານ ແຂວງສະຫວັນນະ ເຂດພາຍຫຼັງທີ່ໄດ້ດຳເນີນທຸລະກິດແຕ່ປີ 1988 ເປັນຕົ້ນມາກໍ່ໄດ້ປະກອບສ່ວນຢ່າງຕັ້ງໃຈໃນການຊ່ວຍເຫຼືອສັງຄົມເປັນຕົ້ນແມ່ນການມີສ່ວນຮ່ວມດ້ວຍການນຳໃຊ້ທຶນຕົນເອງ 15 ຕື້ກວ່າກີບ.
ປະຕິບັດຫຼາຍກິດຈະກຳ ເພື່ອຊ່ວຍແກ້ໄຂຊີວິດການເປັນຢູ່ຂອງປະຊາຊົນຄົນຂໍທານໃນ 2 ບ້ານຄື ບ້ານຄຳປະແໜ ແລະ ບ້ານປ່າກ້ວຍ ເມືອງຈຳພອນ ຈົນກາຍ ເປັນຜູ້ຮູ້ສ້າງຢູ່ທຳກິນສາມາດມີບ່ອນທຳມາຫາກິນທີ່ສະດວກ, ມີບ່ອນທີ່ຢູ່ ອາໄສ, ອອກແຮງງານກັບທີ່ ເພື່ອໃຫ້ກຸ້ມ ຢູ່ກຸ້ມກິນ ແລະຍືນຍົງແຕ່ທີ່ສຳຄັນຄືສາມາດລຶບລ້າງຄົນຂໍທານໃນ 2 ບ້ານ ດັ່ງກ່າວ.
ແຫຼ່ງຂໍ້ມູນ: Laos 360°C / ລາວ 360 ອົງສາ
