ທ່ານ ຈຸລິນ ລັກສະນະວິສິດ ຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງພານິດໄທ ກ່າວພາຍໃນກອງປະຊຸມຮ່ວມ ພາກລັດ ແລະ ເອກະຊົນ ເພື່ອສົ່ງເສີມການຄ້າຊາຍແດນ ລາວ-ໄທ. ພາຍໃນກອງປະຊຸມໄດ້ມີການປຶກສາຫາລືກ່ຽວກັບການເຮັດວຽກຮ່ວມ ລະຫວ່າງ ພາກລັດ ແລະ ເອກະຊົນ ໃນການສົ່ງເສີມການຄ້າ ການລົງທຶນ ໂດຍສະເພາະການຄ້າຊາຍແດນ ໂດຍມີຕົວແທນພານິດ ຈາກພາກເໜືອ ພາກອີສານ 25 ຈັງຫວັດເຂົ້າຮ່ວມ.
ໂດຍພາກເອກະຊົນໄດ້ສະເໜີໃຫ້ຈັດຕັ້ງ “ຄະນະກຳມະການ ຮ່ວມ ພາກລັດ ແລະ ເອກະຊົນ ເພື່ອແກ້ໄຂບັນຫາເສດຖະກິດ (ກຮອ) ຊາຍແດນລາວ-ໄທ ຂຶ້ນ ເພື່ອໃຫ້ມີສ່ວນສໍາຄັນໃນການແກ້ໄຂບັນຫາການຄ້າ ການລົງທຶນ ການຂົນສົ່ງ ລວມໄປເຖິງການທ່ອງທ່ຽວ. ດ້ານກະຊວງພານິດ ກໍ່ເຫັນວ່າເປັນການສະເໜີທີ່ສຳຄັນ ແລະ ເຫັນວ່າຄວນໃຫ້ການສະໜັບສະໜູນ ຈຶ່ງຈັດຕັ້ງໃຫ້ ກົມເຈລະຈາການຄ້າ ຮັບເປັນເຈົ້າພາບທີ່ຈະເອົາຫົວຂໍ້ນີ້ ໄປສະເໜີກອງປະຊຸມ Join – committee ລະຫວ່າງໄທ-ລາວ ທີ່ຈະຈັດກອງປະຊຸມ JTC ຂຶ້ນໃນຕົ້ນເດືອນທັນວານີ້.
ນອກຈາກນີ້ພາກເອກະຊົນ ຍັງຢາກໃຫ້ປະຊາຊົນລາວ ຈາກເກົ່າທີ່ສາມາດໃຊ້ ປຶ້ມຜ່ານແດນ ແລະ ເດິນທາງເຂົ້າໄທ ອະນຸຍາດໄດ້ 2 ມື້ 3 ຄືນ ຂໍຂະຫຍາຍຂຶ້ນເປັນ 7 ມື້ ເພື່ອສົ່ງເສີມການຄ້າ ການທ່ອງທ່ຽວ. ນອກຈາກນີ້ ຍັງຂໍໃຫ້ມີຄວາມຊັດເຈນໃນການນໍາເງິນບາດ ມາລົງທຶນໃນ ສປປ ລາວ ຈາກເກົ່າ 4.5 ແສນບາດ ເປັນ 2 ລ້ານບາດ ຕ້ອງແຈ້ງກົມສຸລະກາກອນໄທ ເຊິ່ງປະຈຸບັນເກິດບັນຫາ ຄວາມບໍ່ເຂົ້າໃຈກັນໃນແຕ່ລະດ່ານ ຈຶ່ງແຕ່ງຕັ້ງໃຫ້ປະລັດກະຊວງພານິດ ເຮັດໜັງສືຫາ ປະລັດກະຊວງການຄັງໃຫ້ດຳເນິນໄປໃນແນວທາງດຽວກັນ. ລວມໄປເຖິງການຂະຫຍາຍເວລາການເປິດປິດດ່ານ ສຳລັບຂົວມິດຕະພາບແຫ່ງທີ່ 1 ແລະ ແຫ່ງທີ2 ຈາກເວລາເກົ່າ 6.00 - 22.00 ຂໍຂະຫຍາຍເປັນ 5.00 - 24.00 ດ່ານຊອງເມັກ ຈາກເວລາເກົ່າ 6.00 - 20.00 ເປັນ 5.00 - 22.00 ດ່ານທ່າລີ ຈັງຫວັດເລີຍ 7.00-18.00 ໂມງ ເປັນ 7.00-20.00 ໂມງ ເຊິີງທັງໝົດແມ່ນຍັງຢູ່ໃນລະຫວ່າງສະເໜີລາຍງານໄປກະຊວງມະຫາດໄທ ເພື່ອພິຈາລະນາ. ພ້ອມນີ້ເອກະຊົນຍັງສະເໜີຂໍ ເອກະສານ ຟອມ D (ເອກະສານຖິ່ນກຳເນິດ ສິນຄ້າເພື່ອການສົ່ງອອກ) ເຊິ່ງເລື່ອງນີ້ໃນກອງປະຊຸມອາຊຽນ ຈະໃຫ້ດຳເນິນການທັນພາຍໃນ ເດືອນ ມີນາ ປີໜ້າ. ໃນກໍລະນີນີ້ ລາວຂໍໃຫ້ມີການອະນຸມັດທີ່ຈຸດຊາຍແດນ ໂດຍບໍ່ສົ່ງເອສານໄປວຽງຈັນ ລັດຖະມົນຕີຈາກລາວໄດ້ແຈ້ງໃນທີ່ປະຊຸມອາຊຽນວ່າ ລາວຈະສາມາດອະນຸມັດເອກະສານຟອມ D ຜ່ານລະບົບເອເລັກໂຕນິກ ພາຍໃນທ້າຍປີນີ້.
ນອກຈາກນີ້ພາກເອກະຊົນຂອງໄທ ຍັງໄດ້ຂໍໃຫ້ບຸກຄະລາກອນຂອງລາວ ສາມາດເຂົ້າໄປຝືກງານໃນປະເທດໄທໄດ້ ເປັນໄລຍະເວລາ 3 ເດືອນ ໂດຍບໍ່ຕ້ອງ ເຮັດ Work Permit ເພື່ອອຳນວຍສະດວກໃຫ້ແຮງງານຂອງໄທທີ່ຈະກັບໄປເຮັດວຽກໃນລາວໄດ້ ເຊິ່ງຍັງຢູ່ໃນລະຫວ່າງກາສະເໜີ
ຂໍ້ມູນການຄ້າ ໄທ-ລາວ ຊ່ວງເດືອນ ກໍລະກົດ 2019 ລວມ 117,116 ລ້ານບາດ ເປັນສິນຄ້ານໍາເຂົ້າ 70,228 ລ້ານບາດ ສົ່ງອອກ 46,888 ລ້ານບາດ ສ່ວນສິນຄ້ານໍາເຂົ້າໄດ້ແກ່ ນໍ້າມັນ, ລົດ ແລະ ສິນຄ້າອຸດສະຫາກຳ ໂດຍດ່ານທີ່ສຳຄັນມີ ດ່ານໜອງຄາຍ ມີມູນຄ່າການຄ້າລວມ 35,162 ລ້ານບາດ, ຮອງລົງມາແມ່ນ ດ່ານມຸກດາຫານ, ດ່ານທົ່ງຊ້າງ, ດ່ານຊ່ອງເມັກ ແລະ ດ່ານນະຄອນພະນົມ.
ທີ່ມາ: ຖານເສດຖະກິດ (www.thansettakij.com)
Hits: 15
