Thursday, July 18, 2024
Lenovo

ປະກາດ! ເຊີນນິຕິບຸກຄົນ ບໍລິສັດ ທີ່ມີຖານະການເງິນໝັ້ນຄົງ ເຂົ້າຮ່ວມພັດທະນາຕະຫຼາດເຊົ້າ

ພາບປະກອບ

ພິ­ທີ​ຖະ­ແຫຼງ​ຂ່າວ​ກ່ຽວ​ກັບ​ທິດ​ທາງ ແລະ ແຜນ­ການ​ພັດ­ທະ­ນາ​ຕະ­ຫຼາດ​ເຊົ້າ ມໍ1 ມໍ2 ແລະ ມໍ3 ຈັດ​ຂຶ້ນທີ່​ຕະ­ຫຼາດ​ມໍ ໂດຍ​ມີ​ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ ໄຊ​ຄຳ ອຸ່ນ​ມີ​ໄຊ ຮອງ​ປະ­ທານ​ອົງ­ການ​ກວດ­ກາ​ລັດ­ຖະ­ບານ ທ່ານ ຄຳ​ມອນ ບົວ​ພັນ ຮອງ​ຫົວ­ໜ້າ​ພະ­ແນກ­ການ​ເງິນ​ນະ­ຄອນ­ຫຼວງ​ວຽງ​ຈັນ ມີ​ຫົວ­ໜ້າ​ໜ່ວຍ​ງານ​ເຕັກ­ນິກ​ເຄ­ຫາ​ຜັງ­ເມືອງ ພະ​ແນກ ຍທຂ ນວ ຜູ້​ປະ­ກອບ​ການ ຊາວ​ຄ້າ­ຂາຍ ແລະ ຂະ­ແໜງ­ການ​ກ່ຽວ­ຂ້ອງ ເຂົ້າ​ຮ່ວມ.

ພາບປະກອບ

ທ່ານ ຄຳ​ມອນ ບົວ​ພັນ ກ່າວ​ວ່າ:

ເພື່ອ​ຜັນ​ຂະ­ຫຍາຍ​ແຈ້ງ​ການ​ຂອງ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ວ່າ​ດ້ວຍ​ການ​ຊີ້​ນຳ​ຜົນ​ການ​ແກ້​ໄຂ​ຂໍ້​ຂັດ​ແຍ່ງ​ສຳ​ປະ­ທານ​ໂຄງ­ການ​ຕະ­ຫຼາດ​ເຊົ້າ ສະ­ນັ້ນ​ອົງ­ການ​ປົກ­ຄອງ ນວ ໄດ້​ເອົາ­ໃຈ­ໃສ່​ໃນ​ການ​ຊີ້​ນຳ-ນຳ­ພາ​ໃນ​ການ​ຊອກ​ຫາ​ວິ­ທີ​ການ​ແກ້​ໄຂ​ໃນ​ການ​ພັດ­ທະ­ນາ​ຕະ­ຫຼາດ​ເຊົ້າ​ໃຫ້​ໄປ​ຕາມ​ຮູບ​ແບບ­ແຜນ​ຜັງ​ທີ່​ພະ​ແນກ ຍທຂ ຮັບ­ຮອງ​ໄປ​ແລ້ວ​ນັ້ນ ແລະ ສອດ­ຄ່ອງ​ກັບ​ສະ­ພາບ​ຄວາມ​ເປັນ​ຈິງ​ໃນ​ປັດ­ຈຸ­ບັນ.

ພາບປະກອບ

ເຊິ່ງ​ປັດ­ຈຸ­ບັນ​ຕະ­ຫຼາດ​ເຊົ້າ​ທັງ​ໝົດ​ແມ່ນ​ໄດ້​ຄືນ​ມາ​ເປັນ​ຂອງ​ລັດ​ໂດຍ​ກົງ ພາຍ​ໃຕ້​ການ​ຊີ້​ນຳ​ຂອງ ນວ ໂດຍ​ມີ​ຫ້ອງ­ການ​ຄຸ້ມ​ຄອງ ຈັດ​ສັນ​ເປັນ​ຜູ້​ຮັບ­ຜິດ­ຊອບ​ລວມ ຮັບ­ຜິດ­ຊອບ​ໂດຍ​ກົງ​ແມ່ນ​ຕຶກ ມໍ1 ແລະ ຕຶກ​ໂຕ U ສ່ວນ​ຕຶກ ມໍ2 ແມ່ນ​ບໍ­ລິ­ສັດ​ຫົວ​ຊິນ ພັດ­ທະ­ນາ​ຈຳ­ກັດ ເປັນ​ຜູ້​ຮັບ­ຜິດ­ຊອບ ບໍ­ລິ­ຫານ​ຕາມ​ຄຳ​ຕັດ­ສິນ​ຂອງ​ສານ.

ເນື່ອງ​ຈາ​ກວ່າ ຕະ­ຫຼາດ​ເຊົ້າ​ຕັ້ງ​ຢູ່​ຈຸດ​ໃຈ​ກາງ­ຂອງ ນວ ເປັນ​ສູນ​ລວມ​ການ​ຄ້າ​ທີ່​ມີ​ຫຼາຍ​ປະ­ເພດ​ຢູ່​ຈຸດ​ດຽວ​ກັນ ດັ່ງ­ນັ້ນ ຈິ່ງ​ມີ​ຫຼາຍ​ພາກ­ສ່ວນ​ໃຫ້​ຄວາມ​ສົນ­ໃຈ​ໃນ​ການ​ພັດ­ທະ­ນາປັດ­ຈຸ­ບັນ ມີ​ຜູ້​ທີ່​ຂໍ​ສະ­ເໜີ​ໃນ​ການ​ພັດ­ທະ­ນາ​ຕະ­ຫຼາດ​ເຊົ້າ ມີ​ບໍ­ລິ­ສັດ ຮົວ​ຊິນ ຖ້າ­ວ່າ​ຊາວ​ຄ້າ­ຂາຍ ຫຼື ບໍ­ລິ­ສັດ​ໃດ​ສົນ­ໃຈ​ສາ­ມາດ​ສະ­ເໜີ​ໄດ້ ແຕ່​ຜູ້​ທີ່​ສະ­ເໜີ​ເຂົ້າ​ມາ​ຕ້ອງ​ໄດ້​ຮັບ​ຮູ້ ແລະ ປະ­ຕິ­ບັດ​ຕາມ​ເງື່ອນ­ໄຂ​ດັ່ງ­ນີ້:

ພາບປະກອບ

ໃຫ້​ປະ­ຕິ­ບັດ​ຕາມ​ແບບ​ໂຄງ​ສ້າງ​ທີ່​ໄດ້​ຮັບ­ຮອງ​ໄປ​ແລ້ວ​ນັ້ນ ໂດຍ​ມີ​ການ​ເຊື່ອມ​ຕໍ່​ກັນ​ທັງ 3 ຕຶກ ມີ​ຂົວ​ຂ້າມ​ຜ່ານ​ສະ­ຖາ­ນີ​ລົດ­ເມ ຜູ້​ທີ່​ຈະ​ໄດ້​ຮັບ​ສຳ​ປະ­ທານ​ຕ້ອງ​ໃຊ້​ຄືນ​ໜີ້​ໃຫ້​ແກ່​ບໍ­ລິ­ສັດ ຮົວ​ຊິນ ພັດ­ທະ­ນາ​ຈຳ­ກັດ ທີ່​ໄດ້​ມີ​ການ​ຈ່າຍ​ໄປ​ແລ້ວ ເປັນ­ຕົ້ນ ແມ່ນ ມີ­ຄ່າ​ທຸບ​ມ້າງ​ຕຶກ​ໂຕ U ມູນ​ຄ່າ 4 ຕື້​ກວ່າ​ກີບ  ຫຼື 500.000 ໂດ​ລາ ຈ່າຍ​ຄ່າ​ສຳ​ປະ­ທານ 3 ປີ ແຕ່​ປີ 2016-2018 ລວມ 2 ຕື້​ກວ່າ​ກີບ ຫຼື 276.000 ໂດ​ລາ ແລະ ປີ 2019 ທີ່​ຍັງ​ບໍ່​ທັນ​ໄດ້​ຈ່າຍ​ເພາະ​ຕຶກ​ໂຕ U ມີ​ໜີ້​ສິນ​ຂອງ​ຊາວ​ຄ້າ-ຂາຍ ທີ່​ຕິດ​ໜີ້​ຄ່າ​ເຊົ່າ​ທັງ​ໝົດ​ຈຳ­ນວນ 11 ຕື້​ກວ່າ​ກີບ ເລີ່ມ​ແຕ່​ປີ 2008 ເຖິງ​ປັດ­ຈຸ­ບັນ.

ພາບປະກອບ

ແລະ ຍັງ​ມີ​ໜີ້​ອາ­ກອນ​ຮອດ​ທ້າຍ​ປີ 2018 ຈຳ­ນວນ 2 ຕື້​ກວ່າ​ກີບ ໃນ​ນີ້ ເຂດ​ຮ້ານ​ຄຳ​ຈຳ­ນວນ  104 ລ້ານ​ກວ່າ​ກີບ ເຂດ​ເສື້ອ​ຜ້າ ຈຳ­ນວນ 583 ລ້ານ​ກວ່າ​ກີບ ເຂດ​ເຄື່ອງ­ໃຊ້​ປະ­ຈຳ​ວັນ 309 ລ້ານ​ກວ່າ​ກີບ ເຂດ​ເຄື່ອງ­ໃຊ້​ໄຟ­ຟ້າ​ຈຳ­ນວນ 499 ລ້ານ​ກວ່າ​ກີບ ເຂດ​ສີ້ນ​ໄໝ​ຈຳ­ນວນ 1 ຕື້​ກວ່າ​ກີບ ສຳ­ລັບ​ຜູ້​ໄດ້​ຮັບ​ສຳ​ປະ­ທານ​ຕະ­ຫຼາດ​ເຊົ້າ ຕ້ອງ​ໄດ້​ຮັບ­ຜິດ­ຊອບ​ດູ​ແລ​ຕຶກ​ມໍ 1 ຕ້ອງ​ໄດ້​ຈ່າຍ​ເງິນ 8 ຕື້​ກວ່າ​ກີບ ຫຼື 1 ລ້ານ​ໂດ​ລາ​ສະ­ຫະ­ລັດ ໃຫ້​ແກ່​ບໍ­ລິ­ສັດ ເອັກ​ສະ​ຄາ​ລີ​ເບີ ແລະ ຕ້ອງ​ແມ່ນ​ນິ­ຕິ­ບຸກ­ຄົນ ບໍ­ລິ­ສັດ ທີ່​ມີ​ຖາ­ນະ​ການ​ເງິນ​ໝັ້ນ­ຄົງ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.