ການນັ່ງຖ້າ ກາເຟຢອດ ຈົນຮອດກາເຟຢຸດ ໃນບັນຍາກາດເກົ່າໆ ຂອງຕຶກໂຄໂລນຽນ ທີ່ຍັງຫຼົງເຫຼືອຢູ່ໃນສະຫວັນນະເຂດ ແລະ ຈຳປາສັກ, ເປັນອີ່ຫຍັງທີ່ເຮັດໃຫ້ນັກເດິນທາງທຳມະດາ ເພີນໃຈໄດ້ເປັນຢ່າງດີ ແລະ ສຳລັບທ່ານໃດທີ່ໄປເມືອງສະຫວັນນະເຂດ ຫຼື ນະຄອນໄກສອນ ພົມວິຫານໃນປັດຈຸບັນ ແລະ ນະຄອນປາກເຊ ແຂວງຈຳປາສັກ ແມ່ນບໍ່ຄວນພາດອາລົມ ຄວາມຮູ້ສຶກ ແລະ ປະສົບການດີໆ ກາງເມືອງເກົ່າແບບນີ້
ສຳນັກຂ່າວສານປະເທດລາວລາຍງານວ່າ ຄະນະແພດ ແລະ ຊ່ຽວຊານຈາກ ສປ ຈີນ ຈໍານວນ 12 ທ່ານ ພ້ອມດ້ວຍອຸປະກອນການແພດຈຳນວນໜຶ່ງ ເດີນທາງເຖິງສະໜາມບິນສາກົນວັດໄຕ ໃນມື້ນີ້ເວລາ 11:12 ໂມງ ເພື່ອມາຊ່ວຍ ສປປ ລາວ ໃນການຕ້ານ ແລະ ສະກັດກັ້ນ ກັບໄວຣັດ ໂຄວິດ-19 ຢູ່ພາຍໃນປະເທດ.
ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທັງເປັນຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມແລະ ແກ້ໄຂ ການລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ຫຼື ໂຄວິດ-19, ທ່ານ ຮສ. ດຣ. ບຸນກອງ ສີຫາວົງລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະ ແລະ ເຈົ້າໜ້າທີ່ຈາກສະຖານເອກອັກຄະລັດຖະທູດ ແຫ່ງ ສປ ຈີນ ປະຈຳນະຄອນຫຼວງວຽງຈັນ ໄດ້ໃຫ້ກຽດຕ້ອນຮັບຄະນະດັ່ງກ່າວທີ່ສະໜາມບິນ ຢ່າງເປັນທາງການ ແລະ ສົມກຽດ ດ້ວຍບັນຍາກາດທີ່ເຕັມໄປດ້ວຍໄມຕີຈິດມິດຕະພາບອັນອົນອຸ່ນ.
ແຜນການເຮັດວຽກຢູ່ ສປປ ລາວ ຂອງຄະນະແພດ ແລະ ຊ່ຽວຊານ ແມ່ນຈະດຳເນີນເປັນເວລາທັງໝົດ 14 ວັນ ໂດຍຈະແບ່ງປັນປະສົບການກັບຝ່າຍລາວ ໃນການປ້ອງກັນ ແລະ ຄວບຄຸມພະຍາດ ໂຄວິດ-19, ກວດຄັດກອງຫາຜູ້ຕິດເຊື້ອ, ກວດວິເຄາະເຊື້ອພະຍາດຢູ່ຫ້ອງທົດລອງແລະ ປິ່ນປົວຄົນເຈັບ, ລວມທັງແລກປ່ຽນບົດຮຽນກັບກະຊວງສາທາລະນະສຸກ ແລະ ໂຮງໝໍສູນກາງຂອງ ສປ ລາວ.
ນອກຈາກການຊ່ວຍເຫຼືອໃນຄັ້ງນີ້ແລ້ວ, ສປ ຈີນຍັງໄດ້ຊ່ວຍເຫຼືອອຸປະກອນການແພດຈຳນວນໜຶ່ງອີກດ້ວຍ ໂດຍເມື່ອວັນທີ 27 ມີນາຜ່ານມາທາງການຈີນໄດ້ສົ່ງຊຸດກວດຫາເຊື້ອໄວຣັດຈຳນວນ 2,000 ຊຸດ ມາໃຫ້ລາວ ພ້ອມດຽວກັນທາງດ້ານມູນນິທິແຈັກ ໝ່າ ກໍຍັງໄດ້ບໍລິຈາກຊຸດປ້ອງກັນເຊື້ອ 5,000 ຊຸດ, ໜ້າກາກອະນາໄມ N95 ແລະ ໜ້າກາກອະນາໄມທາງການແພດ 400,000 ອັນ ແລະ ຊຸດກວດຫາເຊື້ອໄວຣັດ20,000 ຊຸດ ໃຫ້ແກ່ລາວ ອີກດ້ວຍ.
ທີ່ມາ: ຂ່າວສານປະເທດລາວ
ໃນບັນດາເຫດຜົນຕ່າງໆນາໆ ທີ່ເຮັດໃຫ້ກາເຟແຕ່ລະຈອກມີລົດຊາດຕ່າງກັນ ມີທັງລົດຊາດສົ້ມ ຂົມ ຫວານ ຫຼື ມີກິ່ນດອກໄມ້ຊ້ອນຂຶ້ນມາ ແລະໜຶ່ງປັດໄຈທີ່ມີຜົນຕໍ່ລົດຊາດເຫຼົ່ານັ້ນກໍ່ແມ່ນການ “ຂົ້ວ”
ຈາກເຫດການເກີດພະຍາດໄຂ້ເລືອດອອກ ທີ່ກໍາລັງເກີດຂຶ້ນໃນປັດຈຸບັນ ໄດ້ສົ່ງຜົນກະທົບໃນການຕອບສະໜອງເລືອດໃຫ້ແກ່ຄົນເຈັບໃນແຕ່ລະວັນ ສະເລ່ຍໃນແຕ່ລະວັນທີ່ສູນເລືອດແຫ່ງ
