Saturday, April 26, 2025
Kbank Laos โอน รับ จ่าย

ຢຸດ! ແຈ້ງຂຶ້ນ ແລະ ປ່ຽນແປງເນື້ອໃນທະບຽນວິສາຫະກິດ

ແຈ້ງເລື່ອງ: ຢຸດເຊົາການສົ່ງສຳນວນເອກະສານແຈ້ງຂຶ້ນ ແລະ ປ່ຽນແປງເນື້ອໃນທະບຽນວິສາຫະກິດ ພາຍຫຼັງອອກທະບຽນວິສາຫະກິດແລ້ວ ໃຫ້ພາກສ່ວນສ່ວຍສາອາກອນ

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງອຸດສາຫະກໍາ ແລະ ການຄ້າ ກົມທະບຽນ ແລະ ຄຸ້ມຄອງວິສາຫະກິດ

ເລກທີ 1353/ກທຄວ.ອຄ

ນະຄອນຫລວງວຽງຈັນ,ວັນທີ 03 ຕຸລາ 2019 ເຖິງ:

ເຈົ້າຫນ້າທີ່ທະບຽນວິສາຫະກິດ, (ພະແນກ, ຫ້ອງການອຸດສາຫະກໍາ ແລະ ການຄ້າຂັ້ນທ້ອງຖິ່ນ) ເລື່ອງ: ຢຸດເຊົາການສົ່ງຊຸດສໍານວນເອກະສານແຈ້ງຂຶ້ນ ແລະ ປ່ຽນແປງເນື້ອໃນທະບຽນວິສາຫະກິດ ພາຍຫລັງອອກທະບຽນວິສາຫະກິດແລ້ວໃຫ້ພາກສ່ວນສວຍສາອາກອນ;

– ອີງຕາມບົດບັນທຶກກອງປະຊຸມລະຫວ່າງກົມສວຍສາອາກອນ ແລະ ກົມທະບຽນ ແລະຄຸ້ມຄອງວິສາຫະກິດສະບັບລົງວັນທີ 04 ກັນຍາ 2019;

ກົມທະບຽນ ແລະ ຄຸ້ມຄອງວິສາຫະກິດ, ກະຊວງອຸດສາຫະກໍາ ແລະ ການຄ້າ ຂໍແຈ້ງມາຍັງທ່ານເພື່ອຊາບ ວ່າ ກົມທະບຽນ ແລະ ຄຸ້ມຄອງວິສາຫະກິດ ແລະ ກົມສ່ວຍສາອາກອນ ໄດ້ເຊື່ອມຕໍ່ ແລະ ສົ່ງຂໍ້ມູນທາງເອເລັກໂທນິກ ປະຈຸບັນທັງສອງພາກສ່ວນແມ່ນສາມາດເຊື່ອມຂໍ້ມູນຫາກັນໄດ້ແລ້ວ;

ສະນັ້ນເພື່ອ ເປັນການຫລຸດຜ່ອນຫນ້າວຽກ ແລະ ຫລຸດຜ່ອນຄ່າສິ້ນເປືອງ ໃນການສົ່ງຊຸດສໍານວນເອກະສານ ແຈ້ງຂຶ້ນ ແລະ ປ່ຽນແປງເນື້ອໃນທະບຽນວິສາຫະກິດພາຍ ຫລັງອອກທະບຽນວິສາຫະກິດແລ້ວ ໃຫ້ພາກສ່ວນສວຍສາອາກອນ, ກົມທະບຽນ ແລະ ຄຸ້ມຄອງວິສາຫະກິດແຈ້ງມາຍັງ ທ່ານເພື່ອຊາບ ແລະ ປະຕິບັດດັ່ງນີ້:

1. ການຮັບເອກະສານຄໍາຮ້ອງແຈ້ງຂຶ້ນ ແລະ ປ່ຽນແປງເນື້ອໃນທະບຽນວິສາຫະກິດແມ່ນໃຫ້ຜູ້ລົງທຶນປະກອບມາ ສອງຊຸດ ( ແຕ່ຖ້າຕ້ອງໄດ້ສົ່ງກວດປະຫວັດຂອງຜູ້ລົງທຶນຕ່າງປະເທດນໍ້າຂະແຫນງ ປກສ ຈຶ່ງແນະນໍາໃຫ້ຜູ້ລົງທຶນ ປະກອບມາສາມຊຸດ );

2. ການພິມຫະບຽນວິສາຫະກິດແມ່ນໃຫ້ພິມສອງໃບ , ໃບຫນຶ່ງມອບໃຫ້ຜູ້ລົງທຶນ ,ໃບຫນຶ່ງສໍາເນົາໄວ້ນໍາເຈົ້າຫນ້າທີ່ ທະບຽນວິສາຫະກິດ;

3. ບໍ່ໃຫ້ສົ່ງຊຸດສໍານວນເອກະສານແຈ້ງຂຶ້ນ ແລະ ປ່ຽນແປງເນື້ອໃນທະບຽນວິສາຫະກິດ ພາຍຫລັງອອກທະບຽນວິ ສາຫະກິດແລ້ວໃຫ້ພາກສ່ວນສວຍສາອາກອນອີກ ມີແຕ່ສະຫລຸບສະຖິຕິຫົວຫນ່ວຍວິສາຫະກິດທີ່ໄດ້ແຈ້ງຂຶ້ນໃຫມ່ ແລະ ປ່ຽນແປງເນື້ອໃນໃຫ້ໃນທຸກໆທ້າຍເດືອນ , ແຈ້ງມາເພື່ອຊາບ ແລະ ຈັດຕັ້ງປະຕິບັດ ນັບແຕ່ວັນທີ 1 ຕຸລາ 2019 ເປັນຕົ້ນໄປ.

– ຫົວຫນ້າກົມ

ແຫຼ່ງຂໍ້ມູນ: ສະພາການຄ້າ ແລະ ອຸດສາຫະກຳ ແຫ່ງຊາດລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດຄວາມເປັນມາ “ພຣະກິ່ວ” ແຫ່ງນະຄອນຫຼວງພະບາງ

"ພຣະກິວ" ຕາມປະຫວັດຄວາມເປັນມາ ໄດ້ມາຈາກ ລຳນ້ຳກິວ ທີ່ຫລວງນ້ຳທາ ຊົນເຜົ່າລາວເທິງໄດ້ໄປຂຸດມັນ ຢູ່ນ້ຳກິວ ຫລວງນ້ຳທາ ໄດ້ເອົາສຽມໄປຂຸດ ແລະ ໄປທັ່ງໃສ່ແທ່ນພຼະ ແລະ ໄດ້ພົບເຫັນພຼະ ຫລັງຈາກນັ້ນໄດ້ຫາເອົາຜ້າຫໍ່ໄວ້.

ພຣະເຈົ້າແສນແຊ່!ພຣະພຸດທະຮູບອົງສັກສິດຂອງແຂວງບໍ່ແກ້ວ

ພຣະເຈົ້າແສນແຊ່ ທີ່ປະດິດສະຖານໄວ້ທີ່ ວັດສີບຸນເຮືອງ, ເມືອງຕົ້ນເຜິ້ງ, ແຂວງບໍ່ແກ້ວ ເ້ປັນອີກໜຶ່ງພຣະພຸດທຸຮູບອົງສັກສິດ ທີ່ປະຊາຊົນຊາວແຂວງບໍ່ແແກ້ວໃຫ້ຄວາມເຄົາລົບນັບຖື.

ວັດວິຊຸນນະຣາດ (ພຣະທາດໝາກໂມ) ນະຄອນຫຼວງພຣະບາງ

#ວັດວິຊຸນ ເປັນວັດທີ່ເກົ່າແກ່ໃນຫຼວງພະບາງ ສ້າງຕັ້ງຂຶ້ນໃນປີ 1512 ໃນສະໄໝຂອງ ເຈົ້າຊີວິດວິຊຸນນະລາດ (1501-1520) ໂຄງຫຼັງຄາມີສອງຊັ້ນ, ເປັນຊົງສິລະປະແບບຊາວພວນ, ມີ 12 ເສົາ, ລວງສູງ 30 ແມັດ. ໃນຂອບເຂດວັດວິຊຸນມີສະຖາປັດຕິຍະກໍາທີ່ລະອຽດອ່ອນທີ່ຊົງຄຸນຄ່າ ແລະ ງົດງາມ.