ພະຍາດເບົາຫວານ ແມ່ນພະຍາດທີ່ເກີດຈາກຄວາມຜິດປົກກະຕິ ຂອງການເຜົາຜານສານອາຫານ ເຊິ່ງເປັນຜົນຈາກຄວາມຜິດປົກກະຕິຂອງການຫຼັງອິນຊູລິນ ເຮັດໃຫ້ມີພາວະນໍ້າຕານໃນເລືອດສູງຊໍ້າເຮືອ ເກີດການຊຸດໂຊມຂອງອະໄວຍະວະຕ່າງໆໃນໄລຍະຍາວ ເປັນຕົ້ນແມ່ນ: ຕາ, ໝາກໄຂ່ຫຼັງ, ຫົວໃຈ, ລະບົບປະສາດ, ຫຼອດເລືອດ
ເບົາຫວານທີ່ພົບເລື້ອຍໆ ມີສອງຊະນິດ:
- ເບົາຫວານຊະນິດທີ່ຕ້ອງເພິ່ງຮໍໂມນອິນຊູລິນ ເກີດຈາກຈຸລັງສ້າງອິນຊູລິນ ໃນມ້າມຖືກທໍາຮ້າຍໂດຍບໍ່ຮູ້ສາເຫດ ເຮັດໃຫ້ສ້າງອິນຊູລິນໄດ້ໜ້ອຍ ຫຼື ບໍ່ໄດ້ເລີຍມັກພົບເຫັນນໍາເດັກຫຼາຍກວ່າຜູ້ໃຫ່ຍ.
- ເບົາຫວານຊະນິດທີ່ບໍ່ຕ້ອງເພິ່ງຮໍໂມນອິນຊູລິນ ມ້າມຜະລິດອິນຊູລິນໄດ້ບໍ່ພຽງພໍກັບຄວາມຕ້ອງການຂອງຮ່າງກາຍ ແລະ ມີພາວະດື້ອິນຊູລິນ. ພົບເຫັນຫຼາຍກວ່າຊະນິດທີ່ໜື່ງ ສ່ວນຫຼາຍພົບເຫັນນໍາຜູ້ໃຫ່ຍ ຄົນຕຸ້ຍ ແລະ ຜູ້ທີ່ມີອາຍຸຫຼາຍກວ່າ 40 ປີຂຶ້ນໄປ
ຜູ້ທີ່ມີຄວາມສ່ຽງຕໍ່ພະຍາດເບົາຫວານ:
- ກໍາມະພັນ
- ຄວາມຕຸ້ຍ ກິນອາຫານຣົດຫວານຫຼາຍ ຈົນພາໃຫ້ຕຸ້ຍ
- ມີອາຍຸຫຼາຍຂຶ້ນ
- ກວດພົບນໍ້າຕານໃນເລືອດສູງ
- ມີປະຫວັດໄຂມັນໃນເລືອດຜິດປົກກະຕິ
ພະຍາດແຊກຊ້ອນຂອງພະຍາດເບົາຫວານ:
- ພະຍາດແຊກຊ້ອນທີ່ເກີດຂຶ້ນກັບຫຼອດເລືອດຂະໜາດນ້ອຍ ເປັນຕົ້ນແມ່ນ: ພະຍາດໝາກໄຂ່ຫຼັງຊຸດໂຊມ, ພະຍາດຕາເຊື່ອມ, ລະບົບປະສານເຊື່ອມ
- ພະຍາດແຊກຊ້ອນທີ່ເກີດຂຶ້ນກັບຫຼອດເລືອດຂະໜາດໃຫ່ຍ ເປັນຕົ້ນແມ່ນ: ພະຍາດຫຼອດເລືອດແຂງ, ພະຍາດຫຼອດເລືອດສະໝອງ, ພະຍາດກ້າມຊີ້ນຫົວໃຈຂາດເລືອດ ພະຍາດຫຼອດເລືອດແດງສ່ວນປາຍອຸດຕັນ.
ວິທີປ້ອງກັນ:
- ອອກກຳລັງກາຍເປັນປະຈໍາ ຈະເຮັດໃຫ້ລະດັບແປ້ງ ແລະ ນໍ້າຕານໃນກ້າມຊີ້ນຫຼຸດລົງ
- ລະວັງຢ່າໃຫ້ນໍ້າໜັກເກີນ
- ລະວັງຢ່າໃຫ້ມີໄຂມັນໜ້າທ້ອງໜາ ເສັ້ນຮອບແອວຜູ້ຊາຍບໍ່ຄວນເກີນ 90 ຊັງຕີແມັດ ແລະ ຜູ້ຍີງ 80 ຊັງຕີແມັດ
- ບໍ່ດື່ມເຫຼົ້າ ບໍ່ສູບຢາ ກິນກາເຟໃນປະລິມານທີ່ເໝາະສົມ
- ກິນອາຫານໃຫ້ຄົບ 5 ໝູ່
- ກວດລະດັບນໍ້າຕານໃນເລຶອດ ແລະ ໃນປັດສະວະ
ຜູ້ທີ່ເປັນພະຍາດເບົາຫວານຄວນຄວບຄຸມອາຫານດັ່ງນີ້:
- ຫຼີກເວັ້ນອາຫານທີ່ມີຣົດຫວານເຊັ່ນ: ເຂົ້າໜົມຫວານ ນໍ້າເຜີ້ງ ນໍ້າອັດລົມ ແລະ ອື່ນໆ
- ງົດຈໍາພວກກະທີໝາກພ້າວ
- ງົດເຫຼົ້າ ເບຍ ຢາສູບ ກາເຟ
- ງົດອາຫານທີ່ມີຄໍແລັດຕໍຣໍສູງ ປະເພດອາຫານທະເລ ເຄື່ອງໃນສັດ ໜັງໄກ່ ໝູສາມຊັ້ນ
- ກິນອາຫານທີ່ມີແປ້ງ ແລະ ຊີ້ນຢ່າງຈໍາກັດ
- ກິນອາຫານທີ່ມີກາກໃຍສູງ ເຊັ່ນ ຜັກໃບຂຽວ ໝາກສີດາ ໝາກສາລີ ແລະ ອື່ນໆ
ພ້ອມກັນນີ້ຍັງຄວນອອກກຳລັງກາຍຢ່າງໜ້ອຍ 30 ນາທີ ອາທິດລະ 3 ຄັ້ງ ແລະ ບໍ່ຄວນຫັກໂຫມ ພັກຜ່ອນໃຫ້ພຽງພໍ 8-10 ຊົ່ວໂມງ/ມື້ ຫຼີກລ່ຽງອາລົມຄຽດ, ຝຶກນັ່ງສະມະທິ
ຂໍ້ມູນ: APA.COM
Hits: 7
