ຕ້າ ພິມມະສອນ ສິງສະຫວັນ ໜຸ່ມຈາກແດນໃຕ້ ນະຄອນປາກເຊ ແຂວງຈຳປາສັກ ທີ່ມີຕຳແໜ່ງຮອງອັນດັບ 1 Mr. The Barber Lao 2019 ແລະ Mr. Working Men International Laos 2019 ທີ່ຈະເປັນໂຕແທນຂອງປະເທດລາວເຂົ້າຮ່ວມການແຂ່ງຂັນໃນເວທີສາກົນ Mr. Working Men International 2019 ໃນລະຫວ່າງວັນທີ 15-21.10.2019 ທີ່ ກຸງເທບ ປະເທດໄທ ເຊິ່ງມີຜູ້ເຂົ້າຮ່ວມການແຂ່ງຂັນຫຼາຍກວ່າ 25 ປະເທດ.
ສໍາລັບຊຸດປະຈໍາຊາດ
ແມ່ນໄດ້ຊຸດເຈົ້າບ່າວ ທີ່ມີເອກະລັກ ແລະ ບົ່ງບອກຄວາມເປັນຊາດລາວ ເພື່ອສື່ໃຫ້ເຫັນວັດທະນະທຳ
ຮີດຄອງປະເພນີ ແລະ
ສີໄມ້ລາຍມືອັນດີງາມຂອງຄົນລາວໂດຍນຳສະເໜີຜ່ານຊຸດຜ້າໄໝລາວຕໍ່າຍົກດອກແບບລະອຽດ ແລະ ປານີດດ້ວຍສີມືຂອງຄົນລາວ
ພ້ອມທັງປະດັບດ້ວຍການປັກດິ້ງດ້ວຍໄໝຄຳລາວທີ່ມີລວດລາຍ ແລະ ເອກະລັກຂອງນະຄອນຫລວງພະບາງ.
ໃນປະຈຸບັນຊຸດດັ່ງກ່າວຍັງຄົງຮັກສາ ແລະ ສວມໃສ່ໃນງານປະເພນີຕ່າງໆຂອງລາວໂດຍສະເພາະແມ່ນງານແຕ່ງດອງຂອງຄົນລາວເຊິ່ງຜູ້ຊາຍລາວ
ຫຼື ເຈົ້າບ່າວຕ້ອງໄດ້ສວມໃສ່ໃນງານພິທີການປະເພນີຂອງການແຕ່ງງານ ຫຼື ງານດອງ.
ໃນຮອບຄວາມພອນສະຫວັນ ໜຸ່ມຕ້າໄດ້ນໍາເອົາເຄື່ອງດົນຕີທີ່ມີຊື່ວ່າ: ຄາລິເນັດ “Clarinet” ທີ່ຕົນເອງມັກຮັກໄປເປົ່າໂຊເພື່ອມັດໃຈບັນດາກຳມະການ ເຄື່ອງດົນຕີຊະນິດນີ້ແມ່ນໄດ້ຮັບຄວາມນິຍົມຫລາຍໃນບັນດາປະເທດຕາເວັນຕົກ ແລະ ເປັນໜຶ່ງໃນເຄື່ອງດົນດີທີ່ປະກອບເຂົ້າໃນວົງອໍເຄສຕ້າ “Orchestra”
ຂໍ້ມູນ ແລະ ຮູບພາບ: Mr. Working Men International Laos
Hits: 13
