ແຈ້ງການ
ຮຽນ:
– ທ່ານ ລັດຖະມົນຕີ ກະຊວງການຕ່າງປະເທດ.
– ທ່ານ ເຈົ້າແຂວງ ແຂວງຜົ້ງສາລີ,
– ທ່ານ ເຈົ້າແຂວງ ແຂວງຫົວພັນ.
– ທ່ານ ເຈົ້າແຂວງ ແຂວງຊຽງຂວາງ,
– ທ່ານ ເຈົ້າແຂວງ ແຂວງໄຊຍະບູລີ.
– ທ່ານ ເຈົ້າແຂວງ ແຂວງຄໍາມ່ວນ.
– ທ່ານ ເຈົ້າແຂວງ ແຂວງສະຫວັນນະເຂດ.
– ທ່ານ ເຈົ້າແຂວງ ແຂວງອັດຕະປື,
ເລື່ອງ: ການສະເຫນີຂໍປິດການບໍລິການອອກວີຊາກັບດ່ານສາກົນຢູ່ບາງດ່ານສາກົນ.
– ອີງຕາມຫນັງສືສະເຫນີ ຂອງກະຊວງການຕ່າງປະເທດ ສະບັບເລກທີ 7170/ຕປທ ລົງວັນທີ 23 ກັນຍາ 2019.
– ອີງຕາມການຊີ້ນໍາ ຂອງທ່ານ ນາຍົກລັດຖະມົນຕີ ຄັ້ງວັນທີ 09 ຕຸລາ 2019.
ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງການຊີ້ນໍາຂອງທ່ານ ນາຍົກລັດຖະມົນຕີ ມາຍັງທ່ານຊາບ ດັ່ງນີ້:
1) ເຫັນດີອະນຸມັດໃຫ້ປິດຫນ່ວຍງານອອກວີຊາກັບດ່ານປະຈໍາຢູ່ດ່ານສາກົນຈໍານວນ 09 ດ່ານດີ: 1 ດ່ານສາກົນປາງຫົກ (ແຂວງຜົ້ງສາລີ); 2 ດ່ານສາກົນນ້ໍາໂສຍ (ແຂວງຫົວພັນ); 3 ດ່ານສາກົນນ້ໍາກັ່ນ (ແຂວງຊຽງຂວາງ): 4 ດ່ານສາກົນນໍ້າເງິນ (ແຂວງໄຊຍະບູລີ); 5 ດ່ານສາກົນ ຂົວມິດຕະພາບນໍ້າເຫືອງ (ແຂວງໄຊຍະບູລີ); 6 ດ່ານສາກົນນ້ໍາພາວ (ແຂວງຄໍາມ່ວນ); 7 ດ່ານ ສາກົນນາເພົ້າ (ແຂວງຄໍາມ່ວນ); 8 ດ່ານສາກົນສະຫນາມບິນສະຫວັນນະເຂດ; 9 ດ່ານສາກົນພູເກືອ (ແຂວງອັດຕະປື) ຕາມການສະເຫນີ.
2) ມອບໃຫ້ກະຊວງການຕ່າງປະເທດ ເປັນໃຈກາງໃນການປະສານສົມທົບກັບບັນດາ ແຂວງກ່ຽວຂ້ອງຈັດຕັ້ງປະຕິບັດການປົດດ່ານຢູ່ແຕ່ລະດ່ານ ຕາມຂັ້ນຕອນທີ່ສະເຫນີມານັ້ນໃຫ້ດີ ເພື່ອບໍ່ໃຫ້ຖືກທ່າຮັບ ແລະ ບໍ່ໃຫ້ມີຜົນກະທົບຕໍ່ຜູ້ທີ່ມີຄວາມປະສົງເອົາວິຊາຢູ່ບັນດາດ່ານດັ່ງກ່າວ,
ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ປະຕິບັດຕາມເນື້ອໃນແຈ້ງການສະບັບນີ້ດ້ວຍ
ລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ,
