ຂໍຂອບໃຈນຳຜູ້ສະໜັບສະໜູນ

ງານຕະຫຼາດນັດຂາຍຜົນຜະລິດກະສິກຳປອດສານເຄມີ ຄັ້ງທີ 1 ທົ່ວເທດສະບານເມືອງໄຊ ໄດ້ຈັດຂຶ້ນທີ່ສະໜາມກິລາແຂວງ ອຸດົມໄຊ ໂດຍມີຈຸດປະສົງເພື່ອຊຸກຍູ້ສົ່ງເສີມທາງດ້ານການຕະຫຼາດໃຫ້ແກ່ກຸ່ມປູກຜັກຢູ່ພາຍໃນ ແຂວງ ອຸດົມໄຊ ໂດຍການນຳເອົາສິນຄ້າຂອງຕົນມາເຜີຍແຜ່ ໂຄສະນາ ອະທິບາຍຊີ້ແຈ້ງໃຫ້ສັງຄົມຮັບຮູ້ ແລະ ເຂົ້າໃຈ ກ່ຽວກັບການປູກ ແລະ ຄຸນນະພາບຂອງຜົນຜະລິດເພື່ອຮັບປະກັນຕໍ່ຜູ້ບໍລິໂພກ.

ກຸ່ມປູກຜັກ ທີ່ຕອບສະໜອງໃຫ້ແກ່ຕະຫຼາດທົ່ວເມືອງໄຊ ປະກອບມີ 4 ບ້ານຄື: ບ້ານ ຫ້ວຍອຸ່ນ, ບ້ານທ້ຽວ, ບ້ານວຽງສາ ແລະ ບ້ານຫລັກ10. ເຊີງການເປີດງານຕະຫຼາດນັດວາງສະແດງສິນຄ້າກະສິກຳຄັ້ງນີ້ ແມ່ນເປັນການສ້າງໂອກາດພົບປະແລກປ່ຽນຫຼັກສູດຂອງຜູ້ຜະລິດ ກັບຜູ້ປະກອບການ ແລະ ຜູ້ບໍລິໂພກຕົວຈິງ ເພື່ອປັບປຸງຄຸນນະພາບຜະລິດຕະພັນ ປັບປຸງປະຕິທິນການຜະລິດໃຫ້ສອດຄ່ອງກັບຄວາມຮຽກຮ້ອງຕ້ອງການ ຂອງເສດຖະກິດຕະຫຼາດຢູ່ພາຍໃນ ແລະ ກ້າວໄປເຖິງການສົ່ງອອກພາຍນອກໃນອະນາຄົດ.

ເຂົ້າຮ່ວມຕັດແຖບຜ້າ ແລະ ເປີດປ້າຍພິທີຢ່າງເປັນທາງການໃນຄັ້ງນີ້ມີທ່ານ ສົມຈິດ ປັນຍາສັກ ຄະນະປະຈຳພັກແຂວງ ຮອງເຈົ້າແຂວງ ແຂວງ ອຸດົມໄຊ, ມີຕາງໜ້າຈາກບັນດາພະແນກການ ອົງການ ຂະແໜງການ ແລະ ຫ້ອງການທີ່ກ່ຽວຂ້ອງ ຕະຫຼອດຮອດພໍ່ແມ່ປະຊາຊົນເຂົ້າຮ່ວມ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ງານວາງສະແດງສິນຄ້າຄັ້ງນີ້ແມ່ນໄດ້ເລີ່ມແຕ່ວັນທີ 21-26 ຕຸລາ 2019 ແລະ ຈະມີການວາງຂາຍຢູ່ທີ່ທາງເຂົ້າສະໜາມກິລາ ທຸກໆວັນອັງຄານເພື່ອອຳນວຍຄວາມສະດວກໃຫ້ຜູ້ບໍລິໂພກພາຍໃນເທດສະບານແຂວງ ອຸດົມໄຊ.

ຂ່າວ ວົງເດືອນ ( Daily News Oudomxay)

Hits: 2

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້