ທີ່ເມືອງເຊໂປນ ແຂວງສະຫວັນນະເຂດ ຕາງໜ້າກົມສື່ມວນຊົນກະຊວງ ຖວທ ແລະ ຜູ້ຮັບຜິດຊອບວຽກງານໂຄສະນາຂອງອົງການຢູນິເຊບ ໄດ້ນຳພາສື່ມວນຊົນຈາກສູນກາງ ເພື່ອລົງເກັບກຳຂໍ້ມູນກ່ຽວກັບການປະຕິ ບັດໂຄງການການຮ່ວມມືເພື່ອການປັບປຸງດ້ານໂພຊະນາການ ໂດຍໄດ້ຮັບການສະຫນັບສະຫນູນຈາກສະຫະພາບເອີລົບເພື່ອເປັນການເຜີຍແຜ່ບົດລາຍງານຂອງເດັກໃນທົ່ວໂລກປີ 2019 ກ່ຽວກັບການສານອາຫານແບບຊໍ້າເຮື້ອ.
ໃນແຂວງສະຫວັນນະເຂດລະດັບຂອງໂພສະນາການຕໍ່າຍັງມີອັດຕາສູງ ເນື່ອງມາຈາກ ອັດຕາປົກຄຸມໃນການຈັດຕັ້ງປະຕິບັດໂພສະນາການ ໂດຍສະເພາະການເຂົ້າເຖິງນໍ້າສະອາດ ແລະ ສິ່ງອໍານວຍຄວາມສະດວກ ດ້ານວຽກງານສຸຂະອະນາ ຍັງບໍ່ພຽງພໍ ແລະ ການປະຕິບັດຕົວຈິງຂອງປະຊາຊົນເໝາະສົມ ອັດຕາການລ້ຽງລູກດ້ວຍນົມແມ່ພຽງຢ່າງດຽວກໍຍັງຕໍ່າກວ່າເຄິ່ງຫນຶ່ງ ຂອງລະດັບຊາດ
ອີງໃສ່ບົດລາຍການການວິເຄາະແບບທັບຊ້ອນ (MODA) ເຄິ່ງຫນຶ່ງຂອງເດັກນ້ອຍທີ່ອາຍຸຕໍ່າກວ່າ 5 ປີ ແມ່ນຢູ່ໃນຄວາມສ່ຽງ ທີ່ມີໂພສະນາການບໍ່ພຽງພໍ ແລະ ມີບັນຫາສຸຂະ ພາບ ຊຶ່ງເປັນອັນຕະລາຍ ຕໍ່ການພັດທະນາທາງດ້ານການຮຽນຮູ້ ແລະ ທາງດ້ານຮ່າງກາຍ.
ອີງຕາມ ຜົນສຳຫລວດ ດັດສະນີຫມາຍສັງຄົມລາວ ໃນການສົມທຽບ ລະຫວ່າງ ຜົນສຳຫລວດ ດັດສະນີຫມາຍສັງຄົມລາວ LSIS-I ປີ 2011 ແລະ ຜົນສໍາຫລວດ ດັດສະນີຫມາຍສັງຄົມລາວ LSIS-II ປີ 2017 ໄດ້ສັງເກດເຫັນວ່າອັດຕາການຂາດສານອາຫານ ແບບຊໍ້າເຮື້ອ ລູງສູງບໍ່ໄດ້ມາດຕາຖານ (ເຕ້ຍ) ຂອງເດັກລຸ່ມ 5 ປີ ລຸດລົງ ເພື່ອບັນລຸເປົ້າຫມາຍ ການປັບປຸງວຽກໂພສະນາການຂອງແມ່ແລະເດັກ ຂັ້ນແຂວງຕ້ອງໄດ້ເພີ່ມທະວີ ອັດຕາການຄວບຄຸມ ຂອງການຈັດຕັ້ງປະຕິບັດ ເພື່ອປັບປຸງວຽກງານໂພສະນາການໂດຍສະເພາະ, ພ້ອມນີ້ ກໍ່ຕ້ອງລົງທຶນໃສ່ ໃນການປັບປຸງຂົງເຂດ ວຽກງານນໍ້າສະອາດ, ສົ່ງເສີມສຸຂະອະນາໄມ ແລະ ການຄໍ້າປະກັນດ້ານສະບຽງອາຫານ.
ທີ່ແຂວງສະຫວັນນະເຂດ, ປະມານ 28 ເປີເຊັນ ຂອງເດັກອາຍຸຕໍ່ລຸ່ມ 5 ປີ ຂາດສານອາແບບຊໍ້າເຮື້ອ (ລວງສູງບໍ່ໄດ້ມາດຕາຖານ), ຕໍ່າກວ່າການສະເລ່ຍລະດັບຊາດ (33 ສ່ວນຮ້ອຍ) ແລະ 10 ສ່ວນຮ້ອຍ ຂອງເດັກນ້ອຍ ແມ່ນຂາດສານອາຫານແບບຈ່ອຍຜອມ (ນໍ້າຫນັກຕໍ່າສົມທຽບກັບລວງສູງ) ໃນຂະນະດຽວກັນ ອັດຕາປົກຄຸມ ລະດັບຊາດ 9 ສ່ວນຮ້ອຍ.
ອີງໃສ່ບົດສຳຫລວດ “ການວັດແທກຄວາມຄືບຫນ້າຂອງການປັບປຸງຊີວິດການເປັນຢູ່ຂອງເດັກ ໃນ ສປປ ລາວ, ແຂວງສະຫວັນນະເຂດຈັດຢູ່ໃນກຸ່ມ ບັນດາແຂວງທີ່ ມີອັດຕາສູງຂອງເດັກທີ່ທຸກຍາກຂ້ອນຂ້າງສູງ ໃນ ສປປ ລາວ. ຫາກທຽບໃສ່ຄ່າສະເລ່ຍລະດັບຊາດ ຄື 50.4 ສ່ວນຮ້ອຍ, 65 ສ່ວນຮ້ອຍຂອງເດັກທີ່ແຂວງສະຫວັນນະເຂດ ແມ່ນບໍ່ສາມາດ ບັນລຸສິດທິ ແລະ ຄວາມຕ້ອງການທີ່ຈໍາເປັນ ຢ່າງນ້ອຍ 3 ຫາ 7 ມິຕິ. ຄວາມຍາກຈົນຫລາຍມິຕິ ສ່ວນຫລາຍແມ່ນໃນເດັກອາຍຸຕໍ່າກວ່າ 5 ປີ ໃນຂົງເຂດທີ່ບໍ່ມີຫົນທາງເຂົ້າເຖິງ.
ແຫຼ່ງຂໍ້ມູນ: ພາບ-ຂ່າວ ເພັດສະໝອນ, ໜັງສືພິມວຽງຈັນໃໝ໋