ໃນວາລະດໍາເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ VIII, ໃນວັນທີ 13 ພະຈິກ ທ່ານ ສົມດີ ດວງດີ ຮອງນາຍົກລັດຖະມົນຕີລັດຖະມົນຕີກະຊວງການເງິນໄດ້ຊີ້ແຈງຕໍ່ຄໍາຊັກຖາມຂອງສະມາຊິກສະພາແຫ່ງຊາດກ່ຽວກັບການຈັດຕັ້ງປະຕິບັດດຳລັດວ່າດ້ວຍການປະຢັດ ແລະ ຕ້ານການຟູມເຟືອຍ, ພ້ອມໃຫ້ຮູ້ອີກວ່າໃນໄລຍະ 2-3 ປີຜ່ານມາ ມີ 30 ໂຄງການທີ່ມີມູນຄ່າສູງເກີນຄວາມຈຳເປັນ ແລະບໍ່ສອດຄ່ອງກັບດຳລັດວ່າດ້ວຍການປະຢັດ ແລະຕ້ານຟູມເຟືອຍ.
ໃນໄລຍະຜ່ານມາສູນກາງພັກ ແລະລັດຖະບານໄດ້ໃຫ້ຄວາມສຳຄັນ ແລະ ເອົາໃຈໃສ່ຊີ້ນຳ-ນຳພາ ທົ່ວພັກ-ທົ່ວລັດ ແລະທົ່ວປວງຊົນໃຫ້ມີການປະຢັດໂດຍໄດ້ອອກນະໂຍ ບາຍ, ມະຕິ-ຄຳສັ່ງ ແລະ ດໍາລັດຫຼາຍສະບັບໃນນີ້ສຳລັບຂະແໜງ ການເງິນທົ່ວປະເທດກ່ຽວກັບນໍ້າມັນເຊື້ອໄຟ, ນໍ້າປະປາ, ໄຟຟ້າ, ໂທລະສັບ ແລະເຄື່ອງໃຊ້ຫ້ອງການອື່ນໆ.
ເຫັນວ່າ ສາມາດປະຢັດລາຍຈ່າຍ ງົບປະມານບໍລິຫານ ໂດຍສະເພາະຄ່າ ໄຟຟ້າສາມາດຫຼຸດຜ່ອນລາຍຈ່າຍໄດ້ຈໍານວນໜຶ່ງຖ້າທຽບລາຍຈ່າຍຄ່າໄຟຟ້າໃນປີ 2019 ໃສ່ປີຜ່ານມາເຫັນວ່າ ລາຍຈ່າຍສາມາດຫຼຸດລົງໄດ້ປະມານ20 ກວ່າລ້ານກີບຕໍ່ ເດືອນນອກນັ້ນຍັງ ສາມາດປະຢັດໄດ້ງົບປະມານຮ່ວງຊື້ໃໝ່ພາຫະນະປະມານ 53 ຕື້ກີບ (ແຜນງົບ ປະມານຮ່ວງຊື້ໃໝ່ປີ 2019 ມີຈໍານວນ 61 ຕື້ກີບ) ເນື່ອງຈາກໄດ້ຈັດຊື້ລົດຈິບໃຫ້ແກ່ການນໍາລະດັບສູງຈໍານວນ 1 ຄັນ, ການນໍາຕໍາແໜ່ງປະເພດ IV ຈໍາ ນວນ 16 ຄັນ ແລະອົງການພຸດທະສາດສະໜາສໍາພັນລາວຈໍານວນ 3 ຄັນ.
ເຖິງຢ່າງໃດກໍຕາມການຜັນຂະຫຍາຍ ແລະຈັດຕັ້ງປະຕິບັດນະໂຍບາຍ ແລະນິຕິກຳກ່ຽວກັບການປະຢັດ ແລະຕ້ານການຟູມເຟືອຍໃນໄລຍະຜ່ານມາຢູ່ຫຼາຍບ່ອນຍັງເຮັດບໍ່ທັນເລິກເຊິ່ງທົ່ວເຖິງ ແລະຕໍ່ ເນື່ອງການປະຢັດຍັງບໍ່ທັນກາຍເປັນສະ ຕິຕື່ນຕົວ ແລະຄວາມຮັບຜິດຊອບຂອງ ແຕ່ລະບຸກຄົນເຊັ່ນຍັງມີບາງໂຄງການ ລົງທຶນຂອງລັດທີ່ເຫັນວ່າມູນຄ່າສູງຜິດ ປົກກະຕິ ເປັນຕົ້ນໃນປີ 2017 ທີ່ຜ່ານມາ.
ສາມາດພົບເຫັນໂຄງການທີ່ມີມູນຄ່າ ສູງທັງໝົດ 18 ໂຄງການ ແລະສາມາດກວດກາຕັດມູນຄ່າລົງປະຢັດງົບປະມານຂອງລັດໄດ້ລວມເປັນເງິນປະມານ 1.616,96 ຕື້ກີບ ຫຼືປະມານ 200 ລ້ານໂດລາ ແລະ ໃນປີ 2018 ເຖິງທ້າຍເດືອນຕຸລາ ມີທັງໝົດ 12 ໂຄງ ການສາມາດປະຢັດງົບປະມານຂອງລັດໄດ້ຕື່ມຈໍານວນ 1.943,89 ຕື້ກີບ ຫຼືປະມານ 219 ລ້ານໂດລາ.
ປະຈຸບັນລັດຖະບານໄດ້ຕົກລົງແຕ່ງຕັ້ງຄະນະສະເພາະກິດໜຶ່ງຂຶ້ນເພື່ອດໍາເນີນການກວດກາບັນດາໂຄງການລົງທຶນຂອງລັດໂດຍການຊີ້ນໍາຂອງທ່ານຮອງນາຍົກລັດຖະ ມົນຕີ, ປະທານອົງການກວດກາລັດຖະບານພວມດໍາເນີນການຢູ່.
ແຫຼ່ງຂໍ້ມູນ: ຂຽນໂດຍ: ແພງຕາ ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ