ຫ້ອງການກະສິກໍາ ແລະ ປ່າໄມ້ ເມືອງນາຊາຍ ຮ່ວມກັບ ກຸ່ມນາຂ່າ ແລະ ບ້ານນາທ່ອນ ຈັດພິທີສັກຢາກັນພະຍາດໃຫ້ສັດລ້ຽງ ເນື່ອງໃນໂອກາດວັນສັກຢາພະຍາດແຫ່ງຊາດ.
ທ່ານ ນາງ ສຸດສະດາ ອິນທະສົມ ຫົວໜ້າໜ່ວຍງານລ້ຽງສັດ ແລະ ການປະມົງເມືອງນາຊາຍທອງ ລາຍງານໃຫ້ຮູ້ວ່າ:
ການສັກຢາກັນພະຍາດໃຫ້ສັດລ້ຽງນີ້ ແມ່ນໄດ້ຈັດຂຶ້ນທຸກໆປີ ເພື່ອສ້າງເປັນຂະ ບວນການຄໍານັບຮັບຕ້ອນໃຫ້ແກ່ການກະກຽມກອງປະຊຸມໃຫຍ່ 2 ຂັ້ນຂອງເມືອງ ແລະ ເພື່ອສ້າງສະຕິ ປູກຈິດສໍານຶກ ເປັນການປຸກລະດົມແນວຄິດປະຊາຊົນໃຫ້ມີຄວາມຮູ້ຫັນມາເອົາໃຈໃສ່ການສັກຢາປ້ອງກັນພະຍາດສັດ ແລະ ຮັກສາສຸຂະພາບສັດໃຫ້ຫຼາຍຂຶ້ນ.
ເຮັດໃຫ້ການສັກຢາກັນພະຍາດສັດເປັນປະເພນີປະຕິ ບັດເປັນຂະບວນການເພື່ອຫຼຸດຜ່ອນຄວາມສ່ຽງການຕິດເຊື້ອພະ ຍາດສັດກັບສັດ ຫຼື ຕິດຕໍ່ໃສ່ຄົນ ແລະ ການຕາຍຂອງສັດຢ່າງຊິ້ນເຊີງ ຮັບປະກັນໃຫ້ສັດມີການຂະຫຍາຍຕົວທາງດ້ານປະລິມານ ແລະ ຄຸນນະພາບ.
ສະເພາະປີ 2019 ນີ້ ມີຜູ້ນໍເອົາສັດລ້ຽງມາຮັບການສັກຢາກັນພະ ຍາດໃນພິທີທັງໝົດ 857 ໂຕ ໃນນັ້ນ ສັກຢາກັນພະຍາດເຕົ້າໂຮມເລືອດງົວ 547 ໂຕ ຄວາຍ 94 ໂຕ ແບ້ 97 ໂຕ ສັກຢາກັນພະຍາດວໍ້ໝາໄດ້ 16 ໂຕ ແມວ 1 ໂຕ ສັກຢາກັນພະຍາດອະຮິວາສັດປີກ (ໄກ່ລາດ) 102 ໂຕ
ຫຼັງຈາກນັ້ນທີມງານວິຊາການສັດຕະວະແພດ ຍັງຈະສືບຕໍ່ສົມທົບກັບອຳນາດການປົກຄອງບ້ານຈະລົງສືບຕໍ່ນຳພາຕາໜ່າງສັດຕະວະແພດບ້ານສັກຢາກັນພະຍາດໃຫ້ສັດຢູ່ບັນດາບ້ານທົ່ວເມືອງນາຊາຍທອງຕື່ມອີກ.
ຂະບວນສັກຢາດັ່ງກ່າວ ຈັດຂຶ້ນທີ່ ວັດບ້ານນາທ່ອນ ເມືອງນາຊາຍທອງ ນະຄອນຫຼວງວຽງ ຈັນ ໂດຍມີພາກສ່ວນກ່ຽວຂ້ອງເຂົ້າຮ່ວມ.
ແຫຼ່ງຂໍ້ມູນ: ພາບ-ຂ່າວ ວຽງມາ Vientianemai
