ບໍລິສັດ GMO-Z.comLao ຈຳກັດ ໄດ້ເປີດໂຕດໍາເນີນທຸລະກິດໃຫ້ບໍລິການດ້ານເຄືອຂ່າຍອິນເຕີເນັດແບບຄົບວົງຈອນຢູ່ລາວຢ່າງເປັນທາງການໃນວັນທີ 19 ພະຈິກ 2019 ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງໄປສະນີຄົມມະນາຄົມ ແລະການສື່ສານ.
ທ່ານ Futoshi EBATA ຜູ້ອໍານວຍການໃຫຍ່ບໍລິສັດ GMO-Z.comLao ຈຳກັດ ກ່າວວ່າ: GMO-Z.comLao ແມ່ນບໍລິສັດຮ່ວມທຶນລະຫວ່າງບໍລິສັັດ GMO Internet ແລະກຸ່ມບໍລິ ສັດ AMZ Group, ຊຶ່ງຕັ້ງຢູ່ຊັ້ນ 6, ອາຄານໂຮງແຮມວຽງຈັນຄຣາວພລາຊາ, ບ້ານຫັດສະດີເໜືອ ເມືອງຈັນທະບູລີ ນະຄອນ ຫຼວງວຽງຈັນ ດ້ວຍທຶນຈົດທະບຽນ 2,4 ຕື້ກີບ ເປັນບໍລິສັດທໍາອິດທີ່ໃຫ້ບໍລິການດ້ານເຄືອຂ່າຍອິນເຕີເນັດແບບຄົບວົງຈອນໃນປະເທດລາວ
ໂດຍການນໍາໃຊ້ຄວາມຮູ້ ແລະປະສົບການພັດທະນາການບໍລິການດ້ານເຄືອຂ່າຍອິນເຕີເນັດ ແລະດໍາເນີນທຸລະກິດ ໂດຍບໍລິສັດ GMO Internet Group ຊຶ່ງເປັນກຸ່ມບໍລິສັດອິນເຕີເນັດໃນປະເທດຍີ່ປຸ່ນທີ່ມີພະນັກງານຫຼາຍກວ່າ 6 ພັນຄົນ, ລວມມີ 112 ບໍລິສັດ, ໂດຍບໍລິສັດ GMO Inter net ຖືກລະບຸໄວ້ເປັນພາກສ່ວນທໍາອິດຂອງຕະຫຼາດຫຼັກຊັບຂອງໂຕກຽວ ແລະໃຫ້ບໍລິການດ້ານເຄືອຂ່າຍອິນເຕີເນັດຄົບວົງຈອນເຊັ່ນ: ເປັນຜູ້ໃຫ້ບໍລິການ (ISPs), ໂດເມນ, ຄລາວ, ໂຮສຕິ້ງ, Shoppi ng carts, ຫຼັກຊັບ, ການຊໍາລະຕ່າງໆ ແລະບໍລິການອື່ນໆທີ່ສາມາດນໍາໃຊ້ໄດ້ຢ່າງປອດໄພ ແລະສະດວກສະບາຍ.
ອີກດ້ານໜຶ່ງ, ບໍລິສັດ AMZ Group ແມ່ນມຸ່ງໝັ້ນທີ່ຈະເປັນ “ບໍລິສັດການຄ້າອັັນດັບໜຶ່ງໃນປະເທດລາວ” ໂດຍມີ 5 ທຸລະກິດຫຼັກຄື:
ອຸດສາຫະກໍາການຄ້າ ແລະເຄື່ອງອຸປະໂພກ, ບໍລິໂພກ, ສັນຍາເຊົ່າປະກັນໄພ ແລະການເງິນ, ເຕັກໂນໂລຊີ ແລະພະລັງງານ, ອະສັງຫາລິມະຊັບແລະກະສິກໍາຊຶ່ງຫຼາຍທຸລະກິດໄດ້ຮັບການພັດທະ ນາຜ່ານການຮ່ວມທຶນ ກັບບໍລິສັດຊັ້ນນໍາລະດັບໂລກ;
ນອກນັ້ນຍັງໃຫ້ບໍລິການຢ່າງເຕັມຮູບແບບທາງດ້ານຂໍ້ມູນ, ການຕິດຕໍ່ສື່ສານ ແລະເງິນທຶນທີ່ຈໍາເປັນໃຫ້ແກ່ບໍລິສັດຕ່າງໆໃນອາຊຽນ ແລະຍັງໃຫ້ບໍລິການເພີ່ມເຕີມທີ່ມີຄຸນຄ່າເຊັ່ນ: ດ້ານຂໍ້ມູນຂ່າວສານ, ການຂົນສົ່ງ, ພາສີ ແລະອື່ນໆ.
ສ່ວນແຜນການດຳເນີນທຸລະກິດບໍລິສັດ GMO-Z.comLao ເລີ່ມໃຫ້ບໍລິການຈົດທະບຽນໂດເມນ, ໂຮສຕິ້ງ, ຄລາວ, ອອກໃບຢັ້ງຢືນອີເລັກໂທຣນິກ ແລະອອກແບບເວັບໄຊເພື່ອທີ່ຈະສະໜັບສະໜູນຄົນລາວ ແລະເງິນຕາຂອງລາວສໍາລັບການດໍາເນີນທຸລະກິດໃນປະເທດລາວພ້ອມທັງໄດ້ວາງແຜນດ້ານການບໍລິການຕ່າງໆຂອງ GMO Internet Group ເພື່ອການພັດທະນາບັນດາບໍລິການຕ່າງໆໃຫ້ແທດເໝາະກັບປະເທດລາວ ແລະເລີ່ມຕົ້ນທຸລະກິດເພື່ອຊ່ວຍເຫຼືອເຂົ້າໃນການໃຊ້ ICT ໃນປະ ເທດລາວ.
ແຫຼ່ງຂໍ້ມູນ: ຂຽນໂດຍ: ກິ່ງລັດຕະນະ, ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ