ໃນອາທິດທີ່ຜ່ານມານີ້,ຮາກຖານຊາວໜຸ່ມ ກອງບັນຊາການ ປກສ
ແຂວງສະຫວັນນະເຂດໄດ້ສ້າງຂະບວນການອອກແຮງງານລວມຢູ່ອານຸສາວະລີນັກຮົບນິລະນາມແລະປະດັບປະດາອ້ອມຂ້າງຄ້າຍກອງບັນຊາການ,
ໂດຍການນຳພາຂອງທ່ານ ພັຕ ພູທະວີ ແພງກັນຍາ ຮອງເລຂາຮາກຖານຊາວໜຸ່ມ
ປກສແຂວງພ້ອມຄະນະແລະສະມາຊິກຊາວໜຸ່ມແມ່ຍິງ ເຂົ້າຮ່ວມຂະບວນການອອກແຮງງານ 200ກວ່າສະຫາຍ.
ເຊິ່ງການສ້າງຂະບວນການອອກແຮງງານໃນຄັ້ງນີ້ ກໍ່ເພື່ອເປັນການຄໍານັບຮັບຕ້ອນວັນຊາດທີ 2ທັນວາ
ຄົບຮອບ 44ປີທີ່ຈະໜູນວຽນມາຄົບຮອບອີກວາລະໜຶ່ງແລະເພື່ອໃຫ້ມີຄວາມສະອາດຈົບງາມໃນສະຖານທີ່ດັ່ງກ່າວ
ແລະທັງເປັນການສ້າງຄວາມສາມັກຄີມິດຕະພາບລະຫວ່າງກຳລັງປ້ອງກັນຄວາມສະຫງົບ
ປກສແຂວງເວົ້າສະເພາະກຳລັງຮາກຖານຊາວໜຸ່ມພາຍໃນກອງບັນຊາການ ປກສ ແຂວງ ສະຫວັນນະເຂດ
ໃຫ້ມີຄວາມໜັກແໜ້ນ ແລະເຂັ້ມແຂງຂຶ້ນຕື່ມອີກ ໜ້າວຽກທີ່ເຮັດ
ແມ່ນໄດ້ປັດກວດຂີ້ເຫຍື່ອຕາມແຄມທາງ, ທາງຫຍ້າ,ຕັດຕົ້ນໄມ້ທີ່ຮົກເຮື້ອ ແລະໃນໂອກາດດຽວກັນນີ້ ຄະນະຫ້ອງການເມືອງ ປກສແຂວງສະຫວັນະເຂດພ້ອມດ້ວຍສະມາຊິກຊາວໜຸ່ມ
ກໍ່ໄດ້ຈັດກິດຈະກຳເຕະບານ ມິດຕະພາບຂຶ້ນ ລະຫວ່າງທີມຫ້ອງການເມືອງ ປກສ ແຂວງ ກັບ ທີມ
ຄູອາຈານໂຮງຮຽນ ປກສ ຊັ້ນສູງເລກ3 ແຂວງສະຫວັນນະເຂດຕື່ມອີກ.
ທີ່ມາ: Media Laos (ບອນຄຳ)
Hits: 2
